.(.,.,.,قصيدة الزفه.,.,.,)

أبد ماكنت اظن في يوم شعري في عيوني يشين
ولا كنت انتظر لو لحظه فيها تخونني الابياتـ

تبيني عقب ما صغت الحروف بحبي لك كل حين
اصيغ فـ عرسك لغيري قصايد ياللغلا وزفات

أبعرف انتي وش قصدك؟ دخيلك انتي وش تبغين؟
أبعرف بين هـ الشعراء ليه يعني أنا بالذات؟

لاجل تجدد جروحي ؟ لاجل ارجع وراء لـ سنين ؟
ابي اطمن قليبك ترا جرحك ابد ما مات

غرامك آه منه ماتركني بسبته تطغين
كانه حالف يسهرني وهو في جروحي يبات

تبين الصدق؟ انتي من كثر مافي خيالي تجين
أحس بكل ماحولي يرجع كل ماهو فات

اذا انه حد نادني كأنك أنتي تنادين
واذا انه احد زعلني طرت فــ أيامك الزلات

واذا هل القمر شفتك وكانك في ليلك تهلين
يذكرني سكونه يوم الومك والردود سكات

صراحه كل شي خلاك ويا طيفك تمرين
قصايد.. أمكنة.. نكته.. مسلسل.. اغنيه ..شلاٌت

انا وش بيدي غير اني اقول بقلبي الله يعين
قسم بالله مو ناقصني الا تجيني في الصلوات

انا حاولت اسوي كل مايمكن لاجل ترضين
بغيت اتقرب لقلبك حبيبي مره ومرات

والمعروف ان الشخص لو سلم يمد يمين
وانا لو قلت اسلم باليسار بقلب العادات

اجي مني اجي مناك مادري اجي من وين
اذا انها بالخريطه اربعه وياك عشر جهات

دلع بكثر مادلٌع حسبتك بنت ست سنين
غزل من كثر ماتغزل مخلص معجم الكلمات

رومانسيه بها مذوب حجر وانتي ولا تذوبين
حتى قمت احس اني غلبته قيس فأوقات

مزعل ناس من عقبك ماهي وحده ولا ثنتين
انا يالي مزعلهن عشانك والله بالميات

انا ماقصد انقص في قدر الي له تميلين
لكن ودي اعرف وش من افعاله علي فات

وانا الي قلت من قدي طلعت بقصة المسكين
بكل الي يصير انا المعذب بأحسن الحالات

حسبت اقدر على موجك إذا أنك بالهوى تهيجين
ماعمر كل من غاص البحر يرجع معه دانات

تبيني بعدها اكتب قصيدة فيها تنزفين ..؟؟
أقول الا تبيني بس اسطر في رثاي ابيات

خانتني نظرتي

يعطيك العافيه
نقل رائع بذائقه اروع

شكراً لك ولذلك الجمال

اخوك

يعطيك العافيه على هذه القصيده

تقبل خالص الموده والمحبه

هبووب الجنووب

خانتني نظرتي :: الله يعطيكم العافيه على هذي القصيده الجميله ويكفي



انا ماقصد انقص في قدر الي له تميلين
لكن ودي اعرف وش من افعاله علي فات

وانا الي قلت من قدي طلعت بقصة المسكين
بكل الي يصير انا المعذب بأحسن الحالات

حسبت اقدر على موجك إذا أنك بالهوى تهيجين
ماعمر كل من غاص البحر يرجع معه دانات

تبيني بعدها اكتب قصيدة فيها تنزفين ..؟؟
أقول الا تبيني بس اسطر في رثاي ابيات

يعطيك العافية قصيدة جميلة تقبل مروري

تبيني بعدها اكتب قصيدة فيها تنزفين ..؟؟
أقول الا تبيني بس اسطر في رثاي ابيات

بيت مؤثر جدا
قصيده رائعه على ان فيها ابيات مكسوره
بس كلماتها مؤثره يعطيك العافيه على القصيده وننتظر جديدك