محاورة عرضة المتقاعد والرادار

محاورة عرضة بين الشاعر المتقاعد والشاعر الرادار


البدع (المتقاعد)


يقولوا الردار ما عاد فيه الذبذبه

تطير طياره وتهبط وهو ما رايها
مدري من الردار والا من الطيار فني
والى قذيفه من حدود البلد قد صابته

الرد (الرادار)

ريع الكرم والجود لاما نويت الذب ذبه
مادامت من ناسٍ عزاز يسمى رايها
انا معك والعين ما همّها كثر التفني

راسي صليب وقاسي ماتميل اعصابتة

البدع (المتقاعد)

والله انك كفو والكفو بي نعتد به
وانا وانته مثل ذيك اليمين وشمالها
جيتكم يخوينا حب فيكم مات عني
وتسلم الراس الصليبه وتسلم لا بته

الرد (الردار)

من يحب الجور والبور والنعت ادبه
لا تلفت للحمولة ولا وش مالها
الدروب الطيبة ياقبيلي ماتعني

وانت راعي طيب والحق له طلابته

البدع (المتقاعد)

الله وش هذا الزمان الذي بنعيش به
هذي الدنيا دنيه ياهي نشباتها
في هذي الايام ماحد يقول انا امتهني
الغني مايدري (ع)فقيرنا وش حاجته

الرد (الرادار)

تدري ان مابين صنعك ولاصنعي شبه
والليالي المظلمة لا تطنش باتها
لا يحسب الشاعر اللي ليا علمته اني

ماعرفت اطاف بالبيت يوم الحاج ته

البدع (المتقاعد)

اما انا سوق المشاهير ما عديت به
لن فيها شي ذاك الجبين يندى لها
وانا فيها كلمك ياسعد ما كلمني
والولد تيهان مظلوم وشهي سبته

الرد (الرادار)

سوقكم يأهل المزايين ماعديت به
والعلوم الطيبة يفتخر من دالها
كم صديق صامل صامد ما كل مني

يحشم الناس المطاليق لو هي سبته

البدع (المتقاعد)

حتى النياق سارت مزاين وذا بن شد به
ساروا كما الي حطوا البرقع وارخوا شالها
من مجمع في مجمع ولا بي خيب ظني
والهوا لا هب يالعطر فاحت ريحته

الرد (الرادار)

حبل الرجاء لا جار ظرف الزمن بنشدبه
يوم الجمل سمحان كل الحمولة شالها
يازين راعي البرقع اللي ليا ما اقبل حظني

والى كشف شاله يشفي النظر تسريحته

البدع (المتقاعد)

وين ذاك الزين ذا اجدادنا يتواصوا به
زين الحشمه والركاده وارضى ربها
بعض البراقع تحتها والله اني مضمني
اما كما نور القمر ولا سودا ليلته

الرد (الرادار)

ياللي تشوف ان الهدف تو عينك صوبه
واسمع ورب المعرفة لين ترضى ربها
وان شفتني ضامي فرد السعن ثم اضمني

كمٍ دليلة مالعرب شاف سوء ادليلتة

البدع (المتقاعد)

بعض جيل اليوم ساروا كما ابو جندبه
لو تسرحهم براسين ما سرحوبها
الشعر عرف الديك والجنز نازل بكني
والخطا (م)بوه ومن امه الي ربته

الرد (الرادار)

ياشين حظ اللي نزل واديٍ والجند به
فيهم رجال ساعة الغزو ما سرحوبها
ما ضلهم حب الترف والهوى والدبكني
واسيوفهم لا صِدرت في غمدها ربته

البدع (المتقاعد)


ولدي لا كلمته الله وش ذ ا العند به

المشاكل يبن عمي يادوبه دوبها
مره يعمل لي مشاكل ومره يسكني
ما تهده لا عصاتي ولاانصيحه هدته

الرد (الرادار)

والله ما اندب نخل داري ولا الطلع اندبه
لو شفت ديدات البلاستيك دوب اهدوبها
ابني لنجلي في المشاريف بيت ويسكني

تقصر وتفنا همة اهل الردى ماهدته

البدع (المتقاعد)


تسلم يالردار ياخوي عالي المرتبه

الصديق الي المعالي حمل نيشانها
بس لا طال الغياب تكفى ياخويه تصلني
ومرحبا بالظيف في صدرته و(ف)جيته

الرد(الرادار)

ادري وتدري ان الدركسون تو المرتبة
لكن ما اقصر من رجالٍ وصلني شانها
حتى ولو تصلاك نار الشقا والا تصلني
نظهر بعلم زام تو النظر وفجيته (فجأة)

وربي أبدآآع
فتـل ونقض عآآلي المستوى ..
ياحوبي للمحآآآآورة الي مثل كذا أجد فيها حنكـة مهارة دهاء ويقظـة شعآآر أتلذذ بها دوما ..

أتمنى ياالرآدآر تسجـل اعجابي الشخصي في سجلاتك ..
تستحق التقيم بحق ..
يعطيكم العآآفية ..
تقبل مروري (:

الله يعطيكم العافية ..........يالرادار.....................والمتقاعد
أبدعتما في البدع والرد
مع أن القافية كانت تبدو ضيقة ..................لكن غزارة شعركم وتطويعكم للكلامات ............أعطاها طعم أخر
كل الشكر لكما على هذا الابداع .................تحياتي للجميع