الشاعر مبارك العمري (الرادار) غزلية

ليت غدرك يازمان الشقا بأغلى صديق=مايفرق بين حب القلوب الصافية
والله اني في محبتك خالفت الطريق=والظواهر بينت ماتكن الخافية
اشهد انك تسلب الروح بالصوت الرقيق=والعيون الساحرة واليدين الدافية
عقب ماجيتك وانا في بحر حبك غريق=ليتني جيتك على حين فرصة كافية
احسبك عندي حبيب وتحسبني شقيق=والظروف تجور بأهل العلوم الوافية
والله اني يوم شفتك طلع من القلب ضيق=وإنها دبت بروحي عروق العافية
وان قدرك في فوادي مع حبك عميق=ما تغير من صدودك ولام النافية

---------=----------
ليتني دكتور وعالجك من غير شر=ياوليف طرز القلب حبه واصنعه
اشهد إن لك ميزة خالفت كل البشر=وانت تدري مير تجهل كلام تسمعة
والله ما بدل محبتك لو جاني عشر=ما علية من كلام تقوله في السعة
ناوي ان اشهر معالمك في صحف النشر=وانت كيفك تنسخ الهرج والا تطبعة

---------=---------
كلمة نعم تكفي بصوت منعم=وان قلت لا مردودها عندنا الاّ
يا اعز واغلى من نظرتة تبسم=حتى ولو باقي علية تغلا
ماني بناسي نظرتة لا تلثم=اللي جمال القلب فيها تحلا
--------=-------
الى رفضتي مطلبي ويش باقي=يضمد جروح في فوادي تعله
مادمت في عيني ولازلت راقي=نظرت عيوني صوب غيرك ممله

--------=-------
بعض العرب ياخلايق يرفع الظغط=ودك ليا جيت من حولة تشوتة
حتى الإجابة يمغطها معي مغط=والا الشعر ماعرف معنى بيوتة

أحترنا فيكم
مره سب .. ومره حب !

صدر السحااااااااااااااااب


يعطيكـ العافيه اشكر لكـ طيب حظوركـ

ولا عدمناكـ يا غالي


بن خشيل

هههههههههههههههههههههههه

هم كذا الشعار وش تصلح عاد