الشاعر مبارك العمري (الرادار) علم الصدق والا الخرابيط

تبغون علم الصدق والا الخرابيط
والا تبون اللي به الشك وإنا
لو نتبع نهج الشواذ المغاليط
ضاعت مواهبنا وضاعت مهنا
مثلي يلقح كم شمخ المعاليط
اللي ثمرها كل حول يجنا
الورّد اللي ماعليها حوابيط
مصدر مشاربها من الماء رونا
متقاصدات بالجريد الشواحيط
اللي تقل اعذوقة الى تدنا
وارقا الصفي المبلقات المماليط
اللي تصدر ناوي الشر عنا
دام المعرفة في فوادي محاويط
لابدها تاجي على ماتمنا
ماحب كثر الفلسفة والتخاليط
اللي تنرفز محكم العلم منا
ولا اتسمع من كلام البلاحيط
اللي على كل المسامع تزنا
مالي ومالي المفردات القراميط
اللي عن اهداف الحقيقة تكنا
لو خدمتي في الشعر باقي مرابيط
وردتها صوب القراح المهنا
مادم لي بالعرف ذوق واناميط
ماهمني شلف المحد المسنا
توي مشاظيف الشواهق مباسيط
ويستوي لي كل درب محنا
ما ابغى حياتي كل بوها مراميط
تكفي الحروب اللي علية تشنا
لاما توالت في العروق المقاشيط
قامت هواجيس بصدري تونا
إلآن تظهر في الضماير شعاويط
وتطلع اللي وسط قلب المعنا
من عقب ماشفت المعاني الشخاميط
عرفت كلٍ له مزاج وفنا
قررت امرجح بالصدور الشناقيط
حتى تعود في قصيدي تغنا
ولا علية من هروج الهماليط
اللي طبايعهم تخرب وطنا
اللي من اعلوم الرجولة مقانيط
واعقولهم ليت المهواي تعنا
وايدينهم عند الجميلة مصاميط
واسرارهم بين الخلايق ترنا
واصدورهم فيها المعاني محانيط
عشش عليها البشبشاني وبنا
وختامها هذي المعاني المقاليط
اللي بمنتوج الشهامة تسنا
اقولها عرض الفصول المقاحيط
والله من اصدوف الليالي يمنا

من عقب ماشفت المعاني الشخاميط
عرفت كلٍ له مزاج وفنا
قررت امرجح بالصدور الشناقيط
حتى تعود في قصيدي تغنا
ولا علية من هروج الهماليط
اللي طبايعهم تخرب وطنا
اللي من اعلوم الرجولة مقانيط
واعقولهم ليت المهواي تعنا


الرادار

صح لسانك يا مبدع ...

اشهد بالله انك شاعر فحل ومن الطراز العالي ...

اطربتني بقصيدتك وحضورك الاكثر من رائع في القسم ...

تقبل مروري

ولك التقدير

صح لسانكـ يالرادار..ابداع واللهـ
الف شكر

الرادار

صح لسانك

والله طرب طرب طرب

طوعت عسير الكلمات بقلمك وابداعك

تقبل تقديري وامتناني

وايدينهم عند الجميلة مصاميط

يهبووووووووووووون......
لا والله الا بانتجمل منك ونقول بيض الله وجهك....
قصيده جميله..يالرادار

قصيدة لا يكتبها الا شاعر
كبير ومتمكن وجزل إلى ابعد الحدود

صح الله لسااااااااااانك ملاااااااااااااايين

وبيض الله وجهك على هالدرهـ الغاليه

تقبل أطيب التحايا

ســ ي ــف الـــ ع ــــرب

بيض الله وجيهكم جميعا على هذا الأطراء

جبرني الوقت - ابو ليلى - غارم - الشيباني - سيف العرب

هذا من طيبك والله يجملكم ويجملنا

تبغون علم الصدق والا الخرابيط
والا تـبـون الـلـي بـه الـشـك وإنـا


لـو نتبـع نهـج الشـواذ المغـالـيـط
ضاعت مـواهبنا وضاعت مهـنـا

****


عزالله قصيده مافيها خرابيط ....
وقلبي لهاذي المعاني يحنا...
بيض الله وجهك ..
وجمل حالك.

الرادار

تسلم على الطرح

القصيدة
جزلة بقوافيها

وصراحه مافيها خرابيط
وتستاهل كل ماقيل من مدح يالرادار

ولا هي غريبه على الردار

صح لسانك

شـــاعر كبير يا الرادار
لله دركـ وصح الله لســـانكـ
من اروع قصــائد النبــــــــط
لحن , معنى , مفردة وقافية
الله يعطيكـ العافية

الرادار

صح لسانك لين ترضى
قافية صعبة إلا على مثلك وشرواك
أبدعت كعادتك

تحيةة ود تسبق الرد ,,

الرادار

لو خدمتي في الشعر باقي مرابيط
وردتها صوب القراح المهنا

صح لسانك وسم الجزاله المميز
لك التقدير

اشكركم جميعا زمان يافن