!! وادي البــوح !!

مرحبا بحكيمنا وقدوتنا
لنا شرف تواجدكم وإن كنا نخشى محاورتكم
لكن ما بصيرة ,, نحاول والله يعين

يقول الحكيم

سلام تسلـــــــــيمة فيها بروق ورعد
ما قلت انا رعدها يسبق ترى بروقها

قم يا المهندس ترى قدامها واسـتعد
واحـــذر على حرة العتبان من روقها

ونقول

يا مرحبـا حين جيتــونا بليا وعـَــد
ترحيبة كايفـــة طعم العســل ذوقها

مادام شرفتمونا فابشـــورا بالسـعد
نهوى المغاتير وندوّر على سُوقها

وعسى الله يجملني معكـم
تراها اذا نشبت علينا
رحنا قشعنا الخيمة
هههههههه


المغاتير .. الابيات الجـزلة
التي يسوقها الشاعر سوق الابل

الله الله عليك
ما احلا الكلام ،، وحي العلم
واستلم
!!!
فيك البقى يالذي ما هـــاب والا ارتعــد
والشـجرة الطيبة حـــافظ على عروقها

أرى طيور السـعد مـــرت وريتك تــــعد
في غربة الشمس ما تاجي مع شروقها
!!!
يا خوفتي ينقلون المعركة
لهمس القوافي
تقديري

أقول حيلكم بينكم واصه
حكيم ومهندس هيّا وش دخل غيركم فيكم ..
الله الله يا بسطةٍ أنا فيها هنيا
..
قمة المتعة هنا ودائماً تكون مع أهل الذوق الرفيع ..
واصلوا وأعتذر للمقاطعة بس معكم ما أقدر امسك نفسي ..
..
أنتما مثالان قمة في كل شئ ومن مصادر الرقي أينما حللتم ..
مبدعين ومتألقين وعسانا ما نعدكم يا الغاليين ..
تقديري ..

على راسي يا بو ريان
لكن اذا شفتوا العلم نشب فافرعوا
شكل الحكيم جاي بجنيتة معه

حكيمنــا ليت وانه في خيـامه قعـــد
لكــن جنّيتــه طــــارت بمعشـــوقها

جابته في ديرةٍ ممنــوع فيها الهــدد
طيح عقاله بسرعة وانكسـر طوقها

والله يستر من تاليتها ههههه

ياسلام ياسلام
محاورة غير لأن شعراءها غير
الحكيم + المهندسـ
صحت ألسنتكم وقلوبكم .. والابداع دائماً لا يليق الا باصحابه..
ويارب سترك هنا بدوع خطيره وردود مهيبه وما فيه الاقشع خيام من البداية
وراس الكلام واصلوااا بس وحنا متابعين لكم بكل شغف

تقديري ودمتم كما عهدتكم

يامرااااااحب
وحي العلم ،،،، والمهندسـ
الله يكفينا شره
واستلم البدع
!!!
يمهندس الحرف قرب لي ولا تبتعد
مــا كل قــوم بتقدر تأخذ حــــقوقها

صــاحبك وافي وعدا ونت جيد وعد
وطيور واديك غـابت وانتهى موقها
!!!
تقديري لســــــموك ايها المبدع
ولكوننا ضيوف بمتصفحك
فإنني أكتفي بترحيبك
بالضيوف

الخطاف

شرفتنا بهالطلة الكريمة فحياكـ
ولكـ جزيل الشكر شاعرنا
بس لا تروح بعيد تكفى



زماااان شفت فيلم وثائقي
فيه نمــر دخل غابة رهيبــة
كسّـر الشجر ونفرت الطيور وحاســ ام الغــابة ..
بس ما يلام ما احد يقدر فيه ويخوفـ !
جــاه صيــاد ومن بعيد رماه ولا وده يصيبه
اهم شيء كان يبغاه يطلع من الغابة
رحت وما عاد دريت وش صارت نهاية الفلم
مدري هو اكل الصياد والا طق على راسه ههههه
ما علينا وش جاب هالسالفة ؟ مدري !




انـا أشهــد إنكـ على ماقيل شبه الفهــد
لكن قبـلكـ ســــباع ٍ ما حـــد يعــــوقها


والوادي اللي به اشجــار عريقة وسـد
طيــوره إنْ هاجــرت بيعيدها شــوقها




بعد ما يموت النمر
هههههه


.

اليوم آطا الشوك ماكني آطاه...وامشي وانا كن السحايب دموعي

من بعد لامى ابالثمان المجلاه...اللي نهب قلبي من اقصى ضلوعي

واعيني اللي نومها ماتهناه...من يوم شافت عشقها طار شوعي

يامن كماالمحمل والالباس تزهاه...واليا مشى صكت عليه الجموعي

وان انزلوا خوف القواويس تحماه...ولا هو بصيد اللي قليل البتوعي

والله لالا الخوف من رب يدراه...لنوع له مثل البعير النزوعي

اللي ليا شاف البوادي ومرعاه...ينشطه لوكان قبله قنوعي

فاصل ونواصل

صح السنتكم
حكيمنا الموقر
ومهندسنا المبدع
~

ماهو بعيب ../ انصح .. عشان يعمّنا هـ الانتفاع !
العيب .. هو إني اصير بدنيتي ., كــ - الإمعه -

انا صغيره صح !... لكن ...../ عندي نظراتٍ وساع
وان بحت بـ أفكاري ...........[ بـ ترفع بـ إحترام القبعه ]

وان بحت بـ أفكاري ...........[ بـ ترفع بـ إحترام القبعه ]




صح لســـانكـ

يالله صباح خير
صحيت ولقيت الفلم مستمر
ولا حول ولا قوة الا بالله
لقيت النمر على وشك
يبتلع الـصيـــــــــــاد
وابشرك اني أنقذته
منه
!!!
وقعدت معه تحت شجرة الزيزفون
وانا أردد

هـــــداج تيما بعيده وانت تعرف وعـد
وسباع واديك مثل النوق باســـــوقها

أنته مهندس وكاتب وانت مخرج معد
يا سرع ما سمعتك الـورق منطوقها
!!!

والله وانا واياه في ذيك الجلسة
الحلوة الا والطيور
اقبلت وعـــــاد
الوادي واحةً
كما كان
تقديري
!!!
مهندسنا اللامع أشكرك على سعة صدرك
وأرى ان يكتفى بهذا القدر
ولك الرد كما ترى
!!!

العد : الراهية الماء وهي فعلا كذلك لمن ليس يعرفها

صح بدنك مهندسنا
وصح لسان حكيمنا على حروفه المخملية

وأقول :

مِنْ لآ يحطكِ تِآجَ رٍآسهَ وَهوٍ حـيَ ,
عسـِـِآهـَ لـ فرِآإشَ آلمذِلهَ وسـآدهـ !

مشكور حكيمنا
بيض الله وجهكـ ,, غالي ولا جــاء منكـ الا الغالي
والحقيقة انا ممنون لكم مرتين .. الاولى حضوركم وتشريفي بمحاورتكم
والثانية انكم انهيتوا المحاورة قبل اتورط واتركـ الوادي
فشكري لكم بحجم السماء وتقديري لكم بمساحة الارض
سأرد ونقف هنا شاكرين ومقدرين

اقول

الغـــــابة اللي يمــر بها النمــر والاســد
البــــــــدو ما تــدّرج فيهــا ولا نوقهــــا

ومثلكـ إذا جـاء في الموقف تجمّــل وسد
يســـتاهل النخــــلة اللي بانت اعـذوقها

احترامي لكم استاذي
كان لي شرف هذا الحوار الطيّب
فالكم الطيب

.

لا طب حُر في الوادي تراه بيسد
هذا مجال الحرار وذك هو ســـــــــوقها

بالك اذا طب حرين بحوم وهــــــــــــد
طير الحبارى حرام ان يختلف ذوقهــــا

لالا ليلها ليل وارهقها التعب والسهـــد
ما عاد تميز غروب الشمس وشروقهـــا

مداخله

مداخلة رائعة اخوي ســـد
عساكـ دوم صديق لهذا الوادي




يا مرحبا يا صديق الوادي وفيه (سـد)
حر ٍ يشــوف الطيور فحـــام من فوقها

لكن مدري اشحصل هو ذنب والا حسد
غابت طيــور ٍ سمعنا العـــام طاروقها

ما ضامها الســـيل لكنه ضــربها البـرد
طـارت ومحروق دمها فجّــر اعروقها









دام بوحكـ العذب

اخي ,, سد الوادي