تقديم نهائي كاس ولي العهد السعودي2013م..

رويال ...... الله يسلمك ..... تراني إتحادي وخلينا حبايب ترا أزعل وأسوي زي أبوريان ما عاد أطب الساحة والهدف بالنسبة لي ترفيه فقط

أما ما سردت من تاريخ فيبدولي إنه عن النصر .... ومع ذلك يضل عالمي .... وأنتوا محلي خخخخخخ

أبو حسن .... دا هما أكوس ناس ههههههه

حنين القلب ..... مبروك الفوز ويستاهل الهلال البطولة ولكن ( اول شي مبرووك للهلال وشي طبيعي
وبعدين والله ماخفت من النصر ولا كان عندي
حتى 1و% انه راح يفوز وكمان يوم جاء هدف
النصر التعادل والله واثق ان الهلال راح ينهيها
والحمد الله فاز)
كان هذا بداية كلامك وأنا أنصحك وأنصح نفسي وكل إنسان يقول لا إله إلا الله .... أن يضع مشيئة إلله قبل كل شئ وسلامتك

عارف انك اتحادي و اقدر يابو سيف

بس مازلتوا الأصفرين

اوووووووه كحيلان شطب على صداقتكم و قال مافيه الا اصفر واحد

بس اعجبني الديربي حقكم مع الوحدة

موفقين

للهلال
الزعييييييييييم..

حضرت والله بالملعب خخخخخخ

مبرووك للهلال وحظا افضل للنصر .
انا حضرت هنا ليس لأنني مشجع فحدي ( لميّا ) قبل خمسين سنه . هههههه
لكن جيت اقول لكم قصة واحد ( تاب ) من التشجيع .
يقول حضرنا مباراة للنصر والهلال وفاز النصر ونشب بيننا عراك بالكلام وخصيمة يسمعوننا من اخر الدنيا من يوم خرجنا من الملعب حتى وصلنا منتزه راقي خارج الرياض ولا زلنا مواصلين من يسب ويلعن مرة الحكم ومرة اللاعب الفلاني وهذا يحلف لو فلان بدل فلان كنا فزنا وهذا يطلق من اهله لو جبتوا عشرة ما تفوزون .
يقول دخلنا الموقع وجينا لجلسة قال صاحب الموقع : هذه محجوزة . واضح من شكلها راقية وفيها متطلبات السهرة .
يقول قلنا اكيد امراء او ناس هآي هآي على قولتهم .
يقول اخذنا اللي بجنبها وكانت اقل مستوى ولكنها تفي بالغرض .
ولا زلنا خصام وصياح الى درجة اننا رمينا الغتر وفتحنا الازرة من الحر والصياح .
يقول شوي الى هذا اللي جو لعيبة الهلال والنصر في سيارتين الاولى فيها لعيبة من الهلال والنصر والثانية فيها لعيبة من الهلال والنصر .
وجلسوا بالجلسة يقول اتسمع منهم هل احد جاب طاري المبارة يقول والله ما سمعت احد منهم جاب لها سيرة وان سوالفهم خارج المباراة .
يقول عرفت اننا مخفة وانه مضحوك علينا وان غيرنا يأخذ الجوائز والمكافأت ونحن مثل الاطرش في الزفة يصيح ويصفق ولا درى ماذا يدور حوله .
يقول ومن يومها تبت ما عاد اشجع نادي عساهم في حريقة .

ملاحظة :
صاحب القصة تروه معنا في هذا الموقع حتى لايقول احد انني اخترعتها .

طلب :
اتركوا الخلق للخالق واعلموا انكم يوم القيامة مسؤولين عن كل كلمة تكتبونها هنا وهناك وتقولونها هنا وهناك وكل شخص تجيبون سيرته يأخذ من حسناتكم فان لم يكن معكم حسنات اخذتم من سيئاته وانتم ليس لكم القدرة على ذلك .
الاندية تلعب وهم من يأخذ الجميلة او الفشيلة والمشجع المنفعل ليس له الا الخسارة فاز ناديه او خسر .

اللهم انني بلغت اللهم فاشهد .


محبكم في الله ناصح امين والله انكم عندي غالين ووالله انكم تسيئون الى انفسكم ولو كان تعتبرونه من باب التسلية .

وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ (65) لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ .



فكم من واحد يحلف بالله وهو غير صادق وكم من واحد يلعن الاب والام والجد ويسب وينتقص ومن يقول هذا العبد وهذا اللصيقة وهذا طرش بحر وهذا مهستر وكم من واحد يلقب الناس بالقاب لا يقبلها لنفسه كل هذه من الاستهزاء بخلق الله وبأيات الله في الارض فاحذروا يارعاكم الله .

جزاك الله خير يابو فهد

الله يغفر لنا ولك

الله يبارك فيك ابو زياد..

الله يبارك فيك ابو فهد
ويجزاك خيرعلى نصيحتك وتوجيهك المستمر ..تقديري..

ابو فهد
انا ودي تكون تحضر مباراة وتشجع فريق ولكن تكون بين جمهور الفريق الثاني
مثل واحد رحمه الله يشجع فريق الاتحاد ومن العجلة دخل بين جماهير الاهلي طبعا في جده
ويقول جا هجمة للاتحاد على الاهلي يقول وانقز اصيح طبعا ويقول ما امداني اقوم
إلا وشي وسط راسي ما ادري وش هو جلست من القوة
وسكت ولا حرف
يقول شوي شوي من بين الجمهور الى ان وصلت الباب ومن هناك على البيت
هههههههههههههههههههههههههههه

ههههههههههههه


هذا اللي نصيح منه يابو حسن والتشجيع ليس حراما او عيبا ولكن حين يخرج عن كونه فرح بالنصر ورضى بالهزيمة يكون ممقوت .

اما انا فلا شجعت وانا على شدي ومدي خل ذالحين الله يحسن الخاتمه ,. هههههههههه

ابو سيف العمري
شاكر لك اخوي الغالي
وكلامك مايختلف فيه اثنين
والي يقول غيره اعتقد انه خلل
ولكن انا عندما ذكرت كلامي هنا
لم اقول ان شاء الله ولكن اثناء الحدث
لم تفارق شفتي وهناك فرق بين الحدث
وبعد الحدث واشكرك مره اخرى اخي الغالي