عتاب حار

حكيم المنتدى ..
لله درك من صاحب كلمات ذات صدى ..
بصراحة اطربتني إلى أبعد حد وعايشت نبضات العتاب ..
فما كان مني إلاّ محاكاتها لرونقها واستفزازها لتواضع كلمتي ..
اقبلها ولك مني كل احترام ..

ياسيدي منتب على الوصل ملزوم=ولا أنت ملزوم على هالقطاعة
اذهلتني والقاف جاء منك مهموم=فيه العتب واللوم كاشف قناعة
صحيح من يجهلك ما يعرف العوم= والبحر ما يعرف قليل المناعة
كم واحدٍ من زين الاطباع محروم=وكم مشبعٍ يشكي شديد المجاعة
ترى الوفا ياشيخ في الناس معدوم=وأنت الذي قصدك كرهت اتباعه
لو باتبعه وأنا غني عن الحوم=تعبت مابين الحقيقة واشاعه
لوكل من شفناه في خده ختوم=تندي لنا وشهو كرهنا الجماعة
من يخذلك خله فداً لك على الدوم= لالا يهمك نزلته وارتفاعه
لابد ما يرجع يدور رضاً لك بعد يوم= وإن جاك خلك قادرٍ لاستماعه
ياكم وياكم وأنت من علوة القوم= ما كل سوقٍ فيه زين البضاعه
الناس فيها حر يعجبك ورخوم=طيور صح وفرقها شاتساعه

صح لسانك وأحساسك
.. راق لي أبداعك وطرحك .. ذائقه راائعه ..
فيها الكثير من الغبن وألالم من كنا نتخيلهم أقرب من أنفسنا لأنفسنا
لكن للأسف ....
شاعرنا العذب
لآيسعني الإ أن أكون من متابعينكـ .. وقراائكـ الدائمين ..

تح ـياتي