يا مباااااارك؟؟

البدع
انا ادري انه صاب قلبك فتور
دافع ترى جيتك سريع وهجوم
بان التعب في هرجتك والحدر
الشاعر المغرور با كسب رهانه
بانت لي اعلومه وتدبيرته

البدع
نشرب زلال وانت تشرب بتور
تومي براسك لا بدا المنهج اوم
طالع بعينه يا عرب ما حدر
والضيف يشكي منه في البر اهانه
ما شفت قفّايه وتدبيرته

مايزين الرجّال طول الشعور
ولا يغيره الشقا والهموم
والله يابن الناس ما ابغى نظر
الى اعتذر ديان من شخص دانة
نسمع مناداتة وتصفيرتة

ارضٍ تخلت من هل الصدق بور
والله ماحب البخيل الظلوم
العلم واضح مثل نور البدر
منهو الضعيف اللي رسب بمتحانة
ما فاد تحضيرة وتبكيرتة

البدع
اعوذ بالله من الردى والشرور
لا تتهمني وانا رجل حلوم
والبدر يا امبارك بسطحه حفر
بعض العرب تشهد بفعله بنانه
لا بارك الله فعله وشيرته

الرد
من فوق راسك برق ولا شرور
اتراودك الأوهام ولا الحلوم
البدوي اللي من هذا الريح فر
خلوه ربعه والحقوا به بنانه
ما نعرف ادياره ولا اعشيرته

البدع
جاك العشاء واظن تبغى الفطور
والوقت راح وشفت فيك الوسوم
والليل نصف وابتدينا السحر
اللي جهل ربه وخلا قرانه
وش فاد من دنياه وش خيرته

الرد
سمحان شاف البكر واللي فطور
ساوم معانا يا مبارك واسوم
صوتك تغشاه الحزن والسحر
البدوي من يوم وثق قرانه
يفغر ويبصم واسمع اشخيرته

كنك من اللي يبحثون القبور
والا تشوف الليل كنه ظلوم
وانا احسب انك شفت غزوة بدر
حايد ولا تنوي الوفي بمتحانة
حد الغشاء باقي بتبكيرتة

المعرفة في كل راس وزور
لكن سايرنا وشد العزوم
الحرب له ساحة وفرٍ وكر
والصبح وصل وعاد في ليمعانة
وسودان مافكيت تهجيرتة

ان كان ودك تشهد الناس زور
خلك مثل عزام وافي عزوم
وانا مثيل الصقر عندي وكر
العالم اللي تحتسيني معانة
ياحاضر باقي بتهجيرتة

بذوقك طعم الحلا والمرور
وانا مكاني عاليات الرجوم
الين ياجيك العما والجهر
خل الثنية ذي تلوك البانة
مابيّنت للوجه تكشيرتة

ما ودي اطبق نظام المرور
لاجل البشر ماتقتلك بالرجوم
اقولها بالسر والاّ الجهر
غصن اللثب مافادنا والبانة
واليوم حلوه جابتك شيرتة

ايو الله الدنيا تلف وتدور
وحنا اخويا واصحاب وابنا عموم
نرمي على مركاب رميٍ ندر
نختار من صيد البراري سمانة
والحد نعرف وين تسميرتة

المعركة خصت ولا جات دور
دارت على الحضّار وابنا عموم
والصدق قوله في زمنّا ندر
اعرف صقور الشعب واعرف سمانة
ويش لي على ذنبه وتسميرتة