اللي عنده اعتراض يجي ..

خطوة إيجابيه رائعه جداً ...
مع تمنياتي توسيع نطاق ساهر أكثر من ذلك، مع إضافة خاصية تسجيل الفيديو المباشر ...
تقديري أبو ريان ...

حياك الله سكر غير ..
فكرتك الإضافية هذي في محلها وتستحق الإنتباه فعلاً ..
تقديري ..

رائعه جداً وهنا تمثل لدور المسؤليه التامه عن كل ما يتعلق بجهاز المرور والضبط المروري للأجهزه التي تتبع له وإن تتبع له بشكل غير مباشر


ولكن أحتاج توضيح أكثر لهذا التوضيح
وخاصة هالجزئيه
قبل أن تصل المعترض رسالة نصية
على هاتفه الجوال توضح له تسجيل اعتراضه ثم رسالة أخرى
في وقت لاحق تبين له النتيجة بعد معالجة الاعتراض المسجل..

مثلاً أشاره بشارع ضيق قدامي سيارة جمس أو ماشابهها ماسك أقصى اليسار وانا وراه وأنعطف يسار يسار بشكل الإنعطاف من يوتيرن فكت الإشاره ومامدى الجمس ياخذ اللفه فأضظر يريوس عشان سيارته جديده ومايبغى يقرب الرصيف وانا أدربي عمري وراه فتخطيت الخط وراه وحجزني عشان يرويس الين صارت الإشاره حمرا وصورني ساهر الإشاره عاد ريوس وجه النكبه على أقل من مهله وأفلح بعدما دبسني بألف ريال على ريوسة الفاضي كيف أطبقها مثلاً على الشرح اللي فوق إذا شرطه قبل ماتجيني رساله يعني بفهم واحد مايحب كشخة الآيفون أبو خمسة الاف اللي يعريه وثوبه اللي يستره من أفخم نوع الأقمشه مايعدي الميتين ريال أرجع للبيت واترك أشغالي وأخش الموقع واعترض طيب فرضاً الرساله جاتني أهو باقي يحق لي الإعتراض ولا فيه وقت محدد أهو هذا مفهوم الإعتراض
أو مثلاً وطوط لي أسعاف وراي وقطعت
أو وطوطت سيارة شرطه وبدال ما أضيع بين الأجهزه فكل جهاز مسؤول عن نفسه كانت خدمة الإعتراض

أحقيتي في الإعتراض وشهي ...؟

وشكراً أبوريّان

حيا الله الصياد ..
استفسارك بالأحمر تفسيره يقول :
إنها تأتيك رسالة تؤكد استلام إعتراضك بعد تسجيلك للاعتراض على موقعهم ..
ثم تأتيك رسالة أخرى فيما بعد تبيّن مدى صحة اعتراضك من عدمها ..
يعني يعطونك نتيجة الاعتراض الذي تم تسجيله سواء بصحته أو خطأه ..

أمّا ما يخص المثال الذي ذكرت فهو أكيد ضدك وليس لك تقريباً وهذا حسب فهمي
لشرحك ولكن بجد الاعتراض في محله ولكن ربما يُقال لك يجب أن تكون المسافة
النظامية بينك وبين السيارة التي قبلك عشرة أمتار وبالتالي صادوا الصياد ولازم يسدد
بالعموم أنظمة المرور دقيقة حتى في نظام المسافة ما بين السيارتين ..
تقديري ..

مانكبنا أكثر أحيان غير الدقه
لأن رجل المرور يتماشى مع الأوضاع اما ساهر في أغلب أحيانه (صكّها لكّها....)
زمان كان لي مستقبل في التصوير الفوتوغرافي من المخضرمين هذولاك اللي يطلع الصوره ثم ينفضها دقيقه
كنت أحلل أي فيلم اتابعه وأفصفصه
وبعد ماطلع ساهر عرفت ان مستقبل هوايتي مايبشّر فأقلعت
أصبحت احب الإذاعات وأكره شغلات التلفزه والصوره والنقل الحي
وأعطونا أمل بهالإعتراض قلت أتبشّر وش وضعه والظاهر مايطمن.....

أهم شئ ما تطلّع كامك قدام كاميرا ساهر فتغديها ( حبة عـ الفحم )
فيه فرق بين الهواية والجديّة مع سبق الإصرار والترصد ..
قسم بالله آخر قسيمة سرعة لي حصلت هذا اليوم ووقت حسيت بكاميرا ساهر
ناظرت لطبلون السرعة لقيتني متجاوز الحَد المُبرج لهذا الطريق ..
فقلت لنفسي ما يحتاج اعتراض وسدّد الله لا يهينك
يعني الواحد ما غرّه بعمره ومدى سرعته وتجاوزه للحد الموزون لأي طريق ..
تجي تسدد عني هالمرة وأسدد عنك المرة الجاية ( وعد )
تقديري ..

شي كوبس انك ماتحمست مثل بعض العرب فنّهم يقولون ساهر صار مرتبط بالتصرفات اللااراديه سواءاً كان في نطاق السرعه المحدده او مهو حولها هو بمجرد مايشوف ساهر يفغر هم يرفع كعبه فوق الدريكسون ويلفها لفتين وينزل بها لين يسمع ذا وراه طقة الفرمله والسبب لنّهم يقولون في نظام ساهر إذا إنك بسرعة الللللل فقسيمتك بس الللللل اما إذا سرعتك في اللللل فالله يخلف عليك فنّ قسيمتك فلللللللللي بالعربي يعني تشوف ساهر فرمل
وهذولا طال عمرك تنفع معهم المسافه المقترحه اللي تقول
اما صاحب الجمس ماحتى يمديك ترويس مع لمبة الريوس اذا شفتها قدامك ولعت فاللي وراك بيشمتون بك الزوايا

اما التسديد هههههههههههه
لا والله ياصاحبي كلن مع فلاشه يغني....
قصدي كلن مع فلاشه ينفض يده في جيبه .....

تدري ..
أجل تم وخلاص والله يهني سعيد بسعيده

المشاركة الأصلية كتبت بواسطة تراتيــــل

ساهر خدمه مميزه حدت من زيادة عدد الأعاقات بسبب الحوادث..
شكرآ لك ابوريان ..

أويد نفس الكلام

بالنسبة للخدمة فجميع إجراءات وزارة الداخلية أصبحت ميسرة بشكل مذهل ومرتب وبدون تعقيد
أتمنى جميع الوزارات تحذو حذوها

لكن يابو ريان أ،ت وخويلد .... شطحتوا خارج الموضوع

تقدير

حيالله السمي ..
كلامك صحيح حول خدمات وزارة الداخلية وأيضاً حول الشطحة بالردود لي انا وخويلد ..
ولكن لعل فيها ما يفيد ويكون له مكان بالموضوع ..
وما أقول إلاّ عسيك بقسيمة
تقديري ..

يا ومتي!!!!!!