شد حزامك يا من نوا ...!!

ما أحب راعي الفنزرة والنفاخي
مايدري إنا نخمده بالنفاخِ
والنار شبّت مالها إلا النفاخي
هذا الصحيح وقولوا اللي تقولون

ياحظ عيني ترى الطيّب بعِزّ الجَمال
يومٍ هدرنا شيوخٍ وأنت ودّك تنوب
بعض الخلايق تورّد علمها من كذاب
من يوم ماتت " كرادة " والعراقي بها

عاشوا والله ..
لله دركم وعساكم على القوة ..
مبدعين وبدون شك للمبدعين متابعين ..
صحت الألسن وبيض الله وجيهكم ..
تقديري ..

المشاركة الأصلية كتبت بواسطة أبو ريان

عاشوا والله ..
لله دركم وعساكم على القوة ..
مبدعين وبدون شك للمبدعين متابعين ..
صحت الألسن وبيض الله وجيهكم ..
تقديري ..

ووجهك أبيض يا أبو ريان

تشرفنا بمرورك السامي الكريم وليتنا نكون عند حسن ظن الجميع


فالك البيضاء

الله الله ....
اسمع اسمع ...
ماني غشيم ولا مشنا ضلالي
يا ولد مشرف دامكم بالظلالي
درب التعاسه عندها لا تلالي
الصبر زي....

علمي عميقٍ ولا جابه قصير الحبال
الشعر دون المعاني مثل ميرٍ سكوب
ما دام شمسك بيحجب نورها بالضباب
ما ريت ذيك العلوم ولا مَشَاري بها

ألحمد لله عيشتي من حلالي
ولا مشيت بجور وإلا انحلالي
والدرب الأيسر قَطعته مآ حلالي
والصبر زين وكل مطرود ملحوق

عشنا على العز والقوه وفتل الحبال
نرقى طوال النوآيف قبل بعض الركوب
يا ضعف بعض العرب لآ أنهدّ وانفضّ باب
كلمته تبدي علوم له يشاري بها

ياللي تقول الشكر لك والجزا لي
راعي الهزيلة ما يسوق الجزالي
سمّن هزالك موسم الحج زالي
هذا الصحيح وقولوا اللي تقولون

ان كان تبغا كلام الصدق يابن الحلال
ترى العرب ما تحب المفتري والكذوب
اعرف نزول الحجل واعرف شديد العقاب
واعرف صلاة اليهود اللي تصلي بها

بعد مرور أربعة وعشرين ساعة !!

مثل هذه المحاورات " سعة البال فيها مطلب "
وبصراحة كنت مشغول " إلى مسامعي"
المعذرة يا رجال


اسمع يا ولد ياولد


نشرب من العدّ المصفّى زلالِ

ولا نحب المخطية والزلالي
ما دام راسي ما انتحى العز لـ آلي

هذا الصحيح وقولوا اللي تقولون

واحيف يا من مشيت بسكة الانحلال
ماضقت ياكم وكم كم ذبت (مامنك أذوب) !!
أنا قوي العزوم وقُـل شديد العقاب
من يوم هبناك في نارٍ تصلّي بها

مافيه مشكله يابو سعد ....
اسمع ياولد اسمع ...
الدين خله وارتقي بالرقابي
قلت احترم شيبك وارد العقابي
والحين هامتكم خطفها عقابي
هذا الصحيح وقولو........

يا شين من يغترب ثمٍ بكا عالطلال
ترا العرب فاهمين وللغشيم الهروب
حنا رمزنا المعاني في سطور الكتاب
وانته مع اهل الملاهي دوم تلهي بها

مَآ فيكم اللي زآرني والتقآبي
حتّى يعرف أنّي تقي يرتقآبي
يآ اثنينكم كم(ن) قوي و اتّقآبي
هذا الصحيح .....

علومكم بيننآ مثيل هطل الطلال
هذا يريد الفكآك وذآ يريد الهروب
يآ صآحبي كم ضليل بعد لقيآك تآب
من بعد ذيك الوسوم وحر تلهيبها

لله الله

الحرّ لشقر في الشواهيق رابي
ماهو بحول البوم ولّا الغرابي
لكن دسو روسكم في الترابي

هذا الصحيح وقولوا اللي تقولوووووووون

يا اثنين عندي لكم شور(ن) وراي(ن) عدال
ودي تروحون قسم الدردشة والقروب
اما الديار الهلالية ففيها ذياب
واخوي بو زيد فيها والزناتي بها

يا وقتنا الاول نشوفك سراب
سريت بالمعنى وكودٍ سرى بي
وإبليس من هقواته يعسّ رابي
والله يثبتنا على دين الاسلام

من تلحقه كفنا في عوج راي انعدال
ورشاقنا والسواني كم تعبّي القروب
وياكم عوى ذيبنا شرق البلد والذياب
لاما عوّت ياولد بالعز ناتي بها

هههههههههههههههههههههههههههههههه..
لكن دسو روسكم في الترابي

هههههههههههههههههههههههههههههههههههههههههههههه,,.
الله يسعدك ضحكتني ...والله ماكنت اتوقعك كوذيه ...
غير ابشر بسعدك يالغالي ...ههههههه
اسمع اسمع ..
استح على لحيتك واعلي مقامك
وآثار ما هيّب جلوسك مقامك
ابشر بسيفي ذا يجبلك سقامك
الصبر زيــ....

آثار بن مشرف يحب اللغو والجدال
حلفت بالله لا جرّعْه كاس الكروب
ونوّخه فالهزيمه مثل نوْخ الركاب
حتى يهاب القصايد عند تركيبها

نسيت من ألمحآوره بغيت أنزل الديره »» رجعت من بلجرشي

يألوول يألوؤول


مَآ همّني يابن الحلال انتقآمك
وما اهتم في رميك ولا فالتقآمك
مَآ همّني يآ خآلد إلأ احترامك
والصبر زين وكل مطرود ملحوق

نربطك ما همّنآ بالحبل وإلا الجدال
وان لحقك البرد لاتوجل بنلحفك روب
وانلبّسك يأشديد الحيل فالبر كآب
يآ عِملِتِ(ن) بين خلق الله تحكيبها

يا لول يالول

انا ادري ان الفقر والجوع ضامك
من سبته قامت تراقل عظامك
كسّر مجاديفك ولخبط نظامك
هذا الصحيح وقولوا الي تقولون

اللغو ماهوب لاصحاب الغتر والعقال
اللي لهم من لباس العز مشلح وثوب
البحر قبّت به النيران والبر قاب
ما بين ترهيب سطوتنا وترغيبها

يا لول يالول

بين حلالك يابدر من حرامك
ولهله مع الشعار نقرا مرامك
لا تبتدينا بالخطأ في كلامك
هذا الصحيح وقولوا اللي تقولون

سمحان مدري عنه في قيد والا عقال
أثوب وقت العنا عسى المعنّى يثوب
واليا بدت لي عسيفات اللمى والرقاب
الحمل بظهورها ماظن ترغي بها