اسمممممممممممممممممممممع

عاد عيد العرب والناس واحنا معاهم عايدين
وآنا ذاليل بعيّد بثنتين عيد(ن) للضحيّة
حتى لو كانت الغنمان تضبح وصار لها نبيح

وان بدا لي من الاشراف راس(ن) فانا راس براس
اعتزي في حرار ولي مع الناس هدّات(ن) وهيّه
واعرف اللي وسمنا غاربه بالحديد وعتلها

كيف ناخذ من الجهّال علم(ن) وبعضه ما نخض
علمنا ينعرف من سوقنا وانت علمك موسف(ن) له
لا تورّد علينا علمك ولا نجيك إلا بثار

من يورّد لنا شره فلا يورد إلا في حيامي
اشربوا سمّكم واحنا انتقهوى دلال(ن) صافية

الله الله من ليل ...

صحت السنتكم جميعا ...

وهدّوا اللعب يا اخوان ترى الدعوة قصيد وما تصل لــــ/هالحد

واشيد بمشاركة همس القوافي ... فعلا مشاركته تدل على انه شاعر قوي وكلامه جزل ومثمّن ..

تحياتي للجميع ,,

أعتذر عن التأخير لانشغالي /
أسمع يا لشيباني /
أعتذر عن التأخير لانشغالي /
أسمع يا لشيباني

البدع=
قالوا البسّ يعشق خانقه ما يحبّ التايبين=
حتى لو راح عوّد في يدينه مَثَلَْ عطوى الهديّة=
ما يصدّق على الله يخنقه لين من جهده يطيح=
وقالوا البسه الها سبعة ارواح ميزه فالبساس=
مرةٍ تندعس والثانية تنحذف حذفه قويّة=
ومرّه اتطيح و لا ينقطع من وذاها ذيلها=
ما ني ابراعي احقادٍ و لاني بحاسد واعترض=
كنت اعاتبْك يا مهبول ما ني بناوي لك بزلّه=
لكن الفهم عندك قصّر ويا لعارك في نهار=
وجهك اللي تمزّع ما بقى الاّ رسومه والعظامي=
يا علومٍ تشيّن كل نفسٍ زكيّة عالية=
يا علومٍ تشيّن كل نفسٍ زكيّة عالية=

اسمحولي بهذه التعليقات السريع على ماقرأت .......وكلكم مبدعين


الشيباني .................شاعر مبدع والله يكفينا شرك ...........
وأبو عقاب ...............شاعر لا يشق لك غبار .............
ابوعوض ...............شاعر جيت في وقتك ..............
همس القوافي ..........متمكن ..شبيت الفتنه وطرت .......................
جاسر الغراني ..........شاعر .ورطك همس القوافي وشلها.............مجرد وجة نظر


رأي ..........أتركوا الساحة قليلا للشيباني وابو عقاب كل واحد منهم يبدع ويرد ثلاث فقط ثم ترون الابداع ..........حتى لا تنقطع الافكار ويتم المعنى ..........ولكم جميعا كل الود .....................محبكم دكتور المنتدى

يا سلام يا سلام ....
يبدو أن همس القوافي قادم بقوة شعرا ونقدا وأحي فيك النقد للقصائد وليس للأشخاص
وتستحق لقب حكيم القوافي
- بالنسبة للي في الصورة حق حنان مو هياط ؟؟؟؟؟؟

سمغول حياك وعقبال ماهبلك شوي

البدع=
اسمع العلم ياللي توكم في الشعر متعيرفين=
والله ان رمينا متميز في مداه وفي دويّه=
وان رميت الجعر برميه ف الراس ماارمي في الفطيح=
وبعض الناس ما يتأدب الا بصفعه بالمداس=
غير با أدبه حتى تضلي رموشه شيبيه=
والملاقيف باحرّج عليها وشياب لها=
لانهم في طريق ن يعتلي فوق تلقاهم عُرض=
شاعر الشتم تستوره وعلم ن يشره من هجله=
لا تلومه اذا تلخبط ومتشتت ماله قرار=
انصرف ياغلام رح بيتك لاعاد اتجي من امامي=
لا تخليني امشيك عـ الشوك رجلك حافيه=

الرد=
كانه العار ماهو شعركم ياولد فالعار فين=
ياعسى مثلكم ياثنين لهل القصائد فيدويه=
ساحة الشعر لو يكتب مثل شعركم فيها تطيح=
وانا ما لومكم لانكم جرينن مضرا بالمداس=
والانفس تختلف شين تحب الهوان وشي ابيه=
وانا شي منّها أخرجها من الماء وشي ابلها=
واقطع البحر ماهمي اذا ضاقبي ولا عرض=
وانت ياسيدي سمغول لايشغلك همك وجله=
انا بالطرد لابو عقاب واخوه باصدر قرار=
مثل ماقولت يالشيباني في البدع عجل بالهمامي=
نام وتلحف ولحف خويك وزيد الحافيه=

صح لسانكم جميع
بدع ورد أكثر من رائع
ولكن اتمنى أن يكون اسلوب الحوآر
رآقي وسمح وبعيد عن (( الهـيآآآط )) .!
خالص شكري للجميع وفالكم الطيب .,’

الاخوان الشعراء حياكم الله جميعا

اسعدتونا بتواجدكم من جديد وسعدا ايضا بانضمام وجيه جديده لهذا القسم

فا اهلا وسهلا بكم جميعا

كل ما اتمناه منكم هو الالتزام بقوانين المنتدى وضوابطه والابتعاد عن الألفاظ السيئة والارتقاء بالموروث إلى مستوى الذوق العام كذلك أحب أبين للجميع انه لن يقبل أبدا أي تطاول من أي شاعر على شاعر أخر أو انتقاص شئ من شعره أو اتهامه بالانسحاب إلى غير ذلك فكل شخص تحكمه ظروفه ومشاغله ووقت تواصله بالشبكة كذلك أتمنى الاتزيد عدد ابيات الشاعر عن ستة أبيات على الأكثر فالشاعر لايقاس بكثرة الأبيات او قلتها وإنما يقاس بما يوجده داخل أبياته من كلام

مع فائق الود والاحترام للجميع

يعطيكم العافيه والله
والشاعر بحد ذاته مجموعة إحاسيس!!
وما أجمل أن تكون مشاعره كلها جميله!!!!
واصلوا وطلبي الوحيد وطلب الجميع أن يكون الاحترام فيما بين الجميع اولاً
بارك الله فيكم

السلام عليكم ورحمة الله وبركاته

الزملاء الافاضل من شعراء و مخيله
أشكر لكم حضوركم و مداخلاتكم جميع ,,

ولا يفوتني في نهاية مشاركاتي في هذا
الموضوع إلا ان أعتذر من صديقي الحميمين
الشيباني وأبو عقاب وأقول لهما سامحكما
الله دنيا وآخرة وليس ذلك بنهاية المطاف بل
سوف يكون هناك لقاءات أخرى بيننا بمشيئة
الله وارجو عدم إطالة الغياب عن الساحة فإن
لكما وحشة وطابع خاص وعقد لا يكتمل إلا بوجدكما
من غير قصور في الباقين إضافة للرادار
كما انني أعتذر من الغرّاني عن مواصلة
الثنائية بيننا ولقد شرفت به شاعرا وافيا
لكم فائق تحيّاتي و حبّي .
والسلام خير ختام ,,

اولا: حيا الله الجميع
ثانيا: اشوف ان الوضع زاد عن الحد....ولاعاد درينا من نرد عليه
المحاوره كانت بين الرباعي الاول...الين جانا الطفيلي همس الروايا...
ومسوي شاعر وناقد....يالطفيلي
لكن العموم انا ما فكرت فيك ولا في كلامك ولا في جمهورك...الي معك
وانا اعلنهاااااااااااااااااااااا من هنا
اذ كنت شاااعر...... فحدد يننا موعد معين في ساعه معينه....نتحاور نا واياك
وكل واحد يكمل قصيدته..... ونشوف منهو الشاعر..
وسلاااامتكم

من طول الغيبات جاب الغنايم يالله حيهم -الشيباني وابو عقاب اتشرف بحضوركم واشكر جميع من شارك في هذة المحاورة واتمنى عدم تكرار المهاترة الواضحة واعذرني يابو عوض ما كنت موجود وابشر بالعوض

يالوووووووول

مرحبا مرحبا يأهل المواقيف والسيف السنين
قلتها من هجوس القلب ياهل الوفاء واثني التحية
والمعاني تزوم ودايمٍ ما يصح الا الصحيح
مانبي نهدم المبنى ليا عاد له موقع وساس
احتمي في مقامي وافتل الشعر ما ابدا بالدنية
والمتون الشوامخ ينعرف صعبها من سهلها
لكن الناس ما عادت تميز وعيت تتعض
تحسب ان البريع بيصطفق في السماء من غير سلة
والخطاء مابيكشفه المراقب ويرصده الرادار
افهموا مانويته واسمعوا كلمتي عند الختامي
و اعذروني على ماقلت حد الخواطر راضية

وقفة غلا واحترام لشاعرنا الرادار
حقيقة قدكرّمنا ولكن خلقي
يأبى علي ان أترك قصيدتك
بليا ردّ من غير قصور في الباقين

الرد=
البقى يا مرحّب شاعر ٍ وافيٍ طول السنين=
في حضورك طرب واما المشاعر لكم لو غبت حيّه=
قلتها من ضمير ٍ من سلوم الردى وافي صحيح=
والله الي يعرْف الخافية ما نبي باحدٍ مساس=
حتى لو كان من عرّض علومه من الشرهة دنية=
نرفع النظره ابعالي جبال ٍ ونترك سهلها=
وان رددنا عليه ابعلمه النفس قامت تنتعض=
ما درى ان القلوب الصافية بالمودّه تترسلّه=
علّم اهل الجهل تكفى وانا خوك علّم يالرادار=
قلتها والوثيقة من بوفارس وتتختّم ختامي=
ثم ترسل على اصحاب العلل والردى وامراضية=

الشيباني

أولا أي وقت تبغى محاوره ما عندك ادني مشكله ولكن بشرط ان أحاورك انت وأبو عقاب سوا واحد لحاله ما حاوره لازم الاثنين

ثانيا الجمهور انا معرف منهم احد ولكن ماهو ذنبي اذا كان لهم نظره في الشعر

ثالثا خذ هذا البدع والرد مقدما على بال ما يخلص البدع والرد حقكم وخذوا راحتكم أهم شئ غسلوه بستم كويس

البدع=
والله لو ما السحى لحطكم عبرة للشامتين=
لنكم مانتو ا أهل الشعر ناس دلوخ وفيهويه=
والشيباني يمشّي اشوي واما خويه مره ميح=
والصراحه قصائدكم تشابه خرابيش البساس=
اتركوا الشعر خلوكم رجال ن حشام وبابهيه=
وانا لا شفت ناس عـ الخطاء لازم اني اقول لها=
وان كان الله خلقكم حُول ماني على الله معترض=
ماحد ابيشره عليكم ولو كان منكم جاه زله=
لانها الناس تمشي في مدار لها وانتوا مدار=
صارت الناس تدري عن سواليفكم يامن ن وشامي=
واصبحت تضحك اعليكم مجانينها وصاحيه=

الرد=
انا باوشم الاثنين كل واحدن بوشامتين=
واخبرهم ان تالي الدرب هذا يؤدي في هويه=
وان ماقبلهم غير السيوف الصوارم والرميح=
وانا باصدر الشعر المزيف وبدلك بساس=
اترك المغربي والروم ماهي بلك يا بابا هيه=
ينعرف من حملها اعلى كتوفه ومن هو قلّها=
وانا برّيضك بالغصب ولا الرضاء ومعي ترض=
وانا متخصص ن في اهل المهايط ومثلك جاهزله=
وانا مابرحم اللي لوكشفته معي لفلف ودار=
من وشمته براس الختم ماعاد يظفر من وشامي=
وشمتي تنطق الخرسان وتبكّم الفصاحيه=

عتاب على
الاخوة الاداريين والشعراء
المشاركين بهذه الصفحة
كنت من المتابعين بشغف لبداية المحاورة ليس الا من اجل الوقوف الى جانبكم وتشجيعكم لان اي محاورة بدون جماهير تعد عديمة الجدوى ، ولكن للأسف اخذت المحاورة منحنى غير لائق بكم اولا كشعراء ولا بناء كمتابعين فلم تحترموا انفسكم ولا متابعيكم لا في المنطوق الشعري ولا في الكلمات التي كنتم تعلقون بها .
الشي الاخر بعض من داخل لم يكن موفق فكان يجب ان تنظم المحاورة بشكل افضل وان تحصر بين الاشخاص اللذين ذكرهم الشيباني في البدع الاول .
اول خطا :من الشيباني فلم يرسل رسائل الى الشعراء المطلوبين والدليل ان الرادار لم يدري عن المحاورة الا اخيرا .
ثاني خطأ :كان من الغراني فلم يرد اسمه ولو ان شعره جميلا يشكر عليه لكن كنت اتمنى ان يكون ترك الفرصة للمطلوبين ، وقد حدد سعيد عوض الرادار بالاسم كان يفترض انه تركت له الفرصة .
ثالث خطأ: كان من بعض المداخلين وميوله الواضح وتدخله الغير مبرر .
رابع خطأ :كان من الشيباني الذي اعلن التحدي لجميع الشعراء ما كان له داعي اصلا لان هذا كلام خارج عن مبدأ المحاورة .
خامس خطأ :عدم الحزم من الادارة لان هذا الوضع غير مشجع للمتابعة المرات القادمة وكان يفترض انهم راسلوا الشعراء وتابعوا المحاورة لانها كانت قوية ولو وجهت لكانت افضل مما حصل.
الشعر كان يغلب عليه المهاترة بعيدا عن الفتل والنقض ما عدى من اسمى اسمة (فؤاد بن بطاح) والذي يظهر لي انه من شعراء المنطقة المعروفين ، مع احترامي للجميع .
سادسا : سعيد عوض وقع في حيرة لاهو رضي بالغبينة ولاهو حاب يجاري الاخوة الباقين .
سابع الاخطا : دخول همس القوافي بعد ان استفزه الشيباني بتحدي شعار المنتدى.
نحن شغوفين ونتمنى محاورة تليق بكم اولا فانت رجال لكم اعتباريتكم ولا تغركم الاسماء الرمزية التي تكتبون بها وايضا تليق بناء ان نتابعكم واتمنى من الاخوان ان تكون مداخلاتهم محسوبة ولا يدخل احد بشعر اطلاقا يمكن ان يداخل باستفسار او تعليق ويبقى الرد فقط لمن يوجهه له الكلام او يرد صاحب الموضوع الاصلي الذي يجب عليه ان يرد على كل المداخلات .
اشكر لكم سعت صدوركم على نقدي
اللذي لم يدعوني اليه
الا حب ان نرتقي بهذا المنتدى وذائقة متابعيه

وتقبلوا تقديري ومودتي
حكيم المنتدى