دعوة لشعراء المنتدى

ياصاحبي خل عنك الغطرسة والتكبار
كلمة توديك والكلمة تجيبك عوايد
ميت من الجوع فاقد طعمتك والشرابي
وانا مثيل الجبال الراسية في محلي

انا مثيل البحر لامن تكبر تكبار
حتى ولو كان تهدر مثل هدر العوايد
هذا زمان العجايب قالوا الاش رابي
والوقت نصبر عليه ان كان مر ومحلي

مشاركه ومداخله
مني للشاعر الشيباني



أقول بيض وجه من بالفكر سار
حتى دعانا عند جزل القصايد
لكن تاخرنا نشوف القوافي
والمعذره يالربع وأنت أعتذر لي

الله يحييك يا بو خشيل....
وابيض وجه على القصيده..

يا سلام عليكم

ويهي ويهي يا ريييييل

يا مرحبا عد ما هلت هماليل الامطار
ما عاد نبغى على نار القوافي وقايد
بعض الشعر زين واما البعض شد الرغابي
تبلون في مجمل الاشعار فاغتاض وابلي

شفت المعاني تزول وراحت ايمين ويسار
والحق فيما نعرفة نقتدي بة وسايد
ما نتبع الظل ياهل المعرفة والسرابي
والقاف يدريبه اللي كان بعدي وقبلي

ابو غرام المعذرة ماشفت مشاركتك الا بعدما ارسلت بدعي لكن اذا ماردوا ابشر بالعوض

ابو غرام والرادار الله يحييكم...

يا مرحبابك هلا يا بو غرام ويارادار
يا اهل القصايد ترى الاشعار فن وفرايد
ما هو بشب الحطب ياناس ولا حرابي
ياليت كل العرب تاخذ بعلمي وقولي

والله ماهو بحق ن يا عرب ذا يرى دار
واشعارنا في مياين القصايد فرايد
ابو حسن قال ذولا الناس مثل الحرابي
كم طيحة ٍ في ملمات القدر ما وقو لي

يا بوحسن ما معك في الوعد عذرٍ ومعذار
يا مخلف الوعد وينك من لهوبٍ وقايد
ما حن من اهل الغدر يا خوك واهل النصابي
برر عن الموقف المذكور هات العدولي

يا مرحبا بالذي غيمه بذاك الولع ذار
وانا اشهد انك على مبدا المحاريف قايد
وانا اشهد اني معك خي ٍ ووافي النصابي
والموت الاصغر والاحلام الرديه عدو لي

ههههههههههه الله يرجك

الاحلام تلقى لها بين المخاليق عبّار
لكن لا تهرب وتمسك طريق الشرايد
آبخذ الحق واشهد عليك الشبابي
مادام عندي شهودٍ في كلامي وقولي

حلوم عصر ٍ لها بين الخلايق تعبار
منا واغشك ولاني في ذرى الغش رايد
يا ونتي ونة اللي قال ضاع الشبابي
وشهور ذا الوقت من شين الفعال انتقو لي

ترى الزمن ماشٍ يا خوك والوقت دوّار
لكن منهو بيصبر للعنا والشدايد
يستاهل الصقر ذا دور لطير الغرابي؟؟
الله لا يذكرك بالخير يا بن سلولي

الشاعر سعيد بن مقبل العمري مشاركة نقلت بواسطة الرادا
ر
اشوف صفر الدلال تفوح في جال دوار
والثلب سمحان ظهره مرتكي للشدايد
وانا من الدار ماني من ديار الغرابي
اليا بغيتوا العلوم الغانمة فأرسلولي