بطنك تحت المجهر ,,,,,,

نشكر أبو ريان على إجابة الدعوة ..... وعلى صراحته الممزوجة بالشفافية ....

وأختار بعده المراقب سيف الساهر لأضعه تحت المجهر ,,,,,,,, دمت بودّ

أشكر جبرني علىآ الدعــوه ..



(1) كم وجبه تآكل بـ اليوم !؟
وحــده ..!

(2) وش وجبتك المفضله [آللي مآ تقدر تستغني عنهآ ] !؟
اممم يمكن الفطـور ..

(3) أنت من النـآس آللي يغضبون إذا جآعوا !؟
لاأبــدآ ..!


(4) أول مآ تدخل السوبر مآركت أي قسـم تشوف بطنك يوديك له بدون شعور !؟
على المشـروبات ..

(5) هل صحيح مقولة [ الطريق إلىآ قلب الرجل معدته ] !؟
لا ماأتوقع ..!

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟
هع ممكن بس مو عشآن الأكل يعني للآهتمآم والرضوه ^_^

(7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك !؟
عــآدي وأخر ماأفكر فيه الأكل ..

(8) وش الأفضل عندك أكل البيت أو أكل المطعم !؟
لا البيــت ..

(9) تحب تآكل لـ حآلك أو تآكل مع جمآعه مع ذكر السبب !؟
امممم عادي أهم شيء مو مع بزران ..

(10) إذآ كنت من النآس آللي يحبون الكبسه أي نوع من الكبسات تحب !؟
مقلوووبه دآيم أشتهيها ..!

(11) لو كنت معزوم /ــه تحب/ــين تكون العزيمه مفطح ولآ بوفيه !؟
لا بوفيه ماأحب اللحم ..!

(12) أنت من النآس آللي تحب تآكل بين الوجبآت ؟!
إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه] !؟
شيبسات أكثر شيء ...

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك !؟
أحرآآج بس يمكن بنوته ناعمه فديتها ..

(14) وش الطبخه آللي تضبطهآ/ــيها و ودك تعزمنآ/ــينا عليهآ !؟
كل شيء بس أنتوا أمروا ..!



مشكورني على الدعووه ..

بسم الله الرحمن الرحيم
السلام عليكم ورحمة الله وبركاته
بدايةً اشكر الاخ جبرني على هالموضوع واشكره ثانيا على استضافتي

(1) كم وجبه تآكل بـ اليوم !؟
الوجبات الثلاث الرئيسيه ماافوتها
وبينها طبعا وجبات خفيفه

(2) وش وجبتك المفضله [آللي مآ تقدر تستغني عنهآ ] !؟
وجبة الافطار

(3) أنت من النـآس آللي يغضبون إذا جآعوا !؟
اممممم ماتوصل للغضب بس شئ طبيعي تتغير النفسيه شوووي

(4) أول مآ تدخل السوبر مآركت أي قسـم تشوف بطنك يوديك له بدون شعور !؟
احب وقت التسوق اشرب بيره اما اكل ماحب

(5) هل صحيح مقولة [ الطريق إلىآ قلب الرجل معدته ] !؟
لا ولا اؤمن فيها ابداً

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟
انا اقول [ إذآ بغيت الحرمه ترضى عليك خاف الله فيها ] !

(7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك !؟
اخذ كيك وحليب بالشوكولاته <<مدمنه

(8) وش الأفضل عندك أكل البيت أو أكل المطعم !؟
البيت طبعا ونااااادراً مااكل شئ من المطاعم

(9) تحب تآكل لـ حآلك أو تآكل مع جمآعه مع ذكر السبب !؟
لما اكون جوعانه ماتفرق معاي الا اذا كان فيه برنامج اتابعه بالتلفزيون فااحب اكل لوحدي


(10) إذآ كنت من النآس آللي يحبون الكبسه أي نوع من الكبسات تحب !؟
احب المقلوبه كثييييير

(11) لو كنت معزوم /ــه تحب/ــين تكون العزيمه مفطح ولآ بوفيه !؟
افضل البوفيه..


(12) أنت من النآس آللي تحب تآكل بين الوجبآت ؟!
ضروري ناكل بين الوجبات خصوصا اذا تغدينا مثلا بدري لازم العصر اكل شئ خفيف

إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه] !؟
احب حليب الشوكولاته مع كيك نحول

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك !؟
اتمنى نجتمع كلنا <<البنات طبعا<< وناكل مع بعض بشرط كل وحده تجيب معاها اكله من البيت وليالي جنوبيه تجيب المعمول <<عاجبني معمولها

(14) وش الطبخه آللي تضبطهآ/ــيها و ودك تعزمنآ/ــينا عليهآ !؟
تآآمرون امر..
راح اعزمكم على مقلوبه
او كسكسي وهي اكله مغربيه تاكلون اصابيعكم وراها جد جدا لذيذه ومفيده

اشكر لكم متابعتكم وننتظر الضيف الجديد

	السلام عليكم ورحمة الله وبركاته وعليكم السلام ورحمة الله وبركاته فكرة جديدة أعجبتني وقلت أسدحهآ على أحلى منتديات بني عمرو معنا الله ومعك المطلوب : اني أوهق أحد الأعضاء بالإجابة على الأسئلة عدنا فيها ,, والله يخارجنا بمعنى يكون بطنه تحت المجهر ونستكشف ونحطه ونستقعــــد له . ومن سؤء الحظ أني مشارك معكم وأنا طاوي وبهلك جوع وانا اكتب مشاركتي في هذا الموضوع في تمام الساعة 7 صباحا وأنـآ آللي آختـآر عضو للتوهيق ! تسلم على أختيارك لي <------| انا اللي طارح الموضوع وكيفي كنا قلنا شي ,, ذا ودك تسويه سوه ,, كنى أيتحدانا ههههههههههههههههههه *·~-.¸¸,.-~*نبدأ بالأسئله :*·~-.¸¸,.-~* ياكريم يالله (1) كم وجبه تآكل بـ اليوم !؟ ثلاث وجبات رئيسيه ووجبتين فرعيه (2) وش وجبتك المفضله [آللي مآ تقدر تستغني عنهآ ] !؟ الكبده والشكشوكه و الكبسه والسلطه و المعجنات والحلى والبروست والأكلات البحريه بصفه عامه ,, ولا تلوموني تراني طاوي (3) أنت من النـآس آللي يغضبون إذا جآعوا !؟ ماهي سالفة غضب ,,, لكن يجيني صالبا في راسي (4) أول مآ تدخل السوبر مآركت أي قسـم تشوف بطنك يوديك له بدون شعور !؟ مافيه مكان محدد لدي (5) هل صحيح مقولة [ الطريق إلىآ قلب الرجل معدته ] !؟ ما كذب من قالها (6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟ لله ريال والله أنها ترضى لو مايلا بشوفتي وسوالفي ,, أسمع أسمع ( من ذا الهلال معها ) الله يعوضها بالجنة (7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك !؟ أقعد زغدا وارم اليوم كله ,,, وما غرها بزعلي (8) وش الأفضل عندك أكل البيت أو أكل المطعم !؟ البيت طبعا (9) تحب تآكل لـ حآلك أو تآكل مع جمآعه مع ذكر السبب !؟ أحب أكل معى جماعه نيتهم طيبه وعيونهم بارده ويكونون شبعانين (10) إذآ كنت من النآس آللي يحبون الكبسه أي نوع من الكبسات تحب !؟ كبسة الحاشي والغنم (11) لو كنت معزوم /ــه تحب/ــين تكون العزيمه مفطح ولآ بوفيه !؟ طفشنا من المفطحات وبالنسبة لنا في المدن فتطورنا فأغلب المناسبات صارت بوفيه وأشوف أنها الأفود ,, وأحس أني أتيكيت وبرستيج ,, ( أبوك يالتطور ) (12) أنت من النآس آللي تحب تآكل بين الوجبآت ؟! أكيد ,, لأنه ما غرك أني أنسان رياضي ,, ولازم يكون الرياضي له خمس وجبات مفيده ومتنوعه إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه] !؟ فواكه ,, ووجبات خفيفة (13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك !؟ أي وجه سفر ولا يقعد يياكرني ويداحشني على الصحن ( أمثال صاحب الموضوع ,, جبرني الوقت ,, أبو ريان ,, صالح آل سلمان ,, وغيرهم ) (14) وش الطبخه آللي تضبطهآ/ــيها و ودك تعزمنآ/ــينا عليهآ !؟ كبسة حاشي وأحكرها مزبوط ,,,,,,,,,,,,,,,,,,,,,,,,,,,,,,,,,,,,,,,,,,,,, لاهنت على أختياري لهذا الموضوع وأنا متابع لك ومعجب بطروحاتك الجميلة وبقلمك الرائع

نشكر الأخ العزيز / سيف الساهر
على حضوره وإجاباته الخفيفة الظل والمضحكة لما تحتويه من الفكاهه الخاصه بايلوب سيف الساهر ,,,,,,,,,,

واختار بعدك الأخ المشرف / يو سف العمري

المشاركة الأصلية كتبت بواسطة جبرني الوقت

السلام عليكم ورحمة الله وبركاته

وعليكم السلام ورحمة الله وبركاته

فكرة جديدة أعجبتني وقلت أسدحهآ على أحلى منتديات بني عمرو



المطلوب : اني أوهق أحد الأعضاء بالإجابة على الأسئلة


بمعنى يكون بطنه تحت المجهر ونستكشف ونحطه ونستقعــــد له .

يعني منظار

وأنـآ آللي آختـآر عضو للتوهيق !

<------| انا اللي طارح الموضوع وكيفي

فيك الخير والبركه عشان مالك حيل احد يختارك






*·~-.¸¸,.-~*نبدأ بالأسئله :*·~-.¸¸,.-~*


توكل على الله ,,, وانت قلت جاوب بسرعه لكن كان عندي ظروف ماشفت رسالتك الا اليوم فالعذر والسموحه..




(1) كم وجبه تآكل بـ اليوم !؟

ثلاث وجبات واي حاجه تعجبني بينها مااوفرها..

(2) وش وجبتك المفضله [آللي مآ تقدر تستغني عنهآ ] !؟

الكبسه >> تعرف الشعب السعودي حركات يحبون الأتكيت والبرستيج في التنوع الغذائي

(3) أنت من النـآس آللي يغضبون إذا جآعوا !؟

لا بالعكس اكون رايق وخارج التغطيه

(4) أول مآ تدخل السوبر مآركت أي قسـم تشوف بطنك يوديك له بدون شعور !؟

ثلاجة جالكسي او اذا كنت مره مره جوعان لوزين افود لك

(5) هل صحيح مقولة [ الطريق إلىآ قلب الرجل معدته ] !؟

يعني قصدك ان فكر الواحد في بطنه !! ؟ لا لا
لكن شوف اكيد القلب يجي من جنبه الطعام اذا نزل المعده لكن ماهو في طريقه

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !؟

خلني اجرب اذا تزوجت وارجع اعلمك >> ابطيت تشر ياجبرني ..لا كن من وجهة نظري الحريم يختلفون ..
(7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك !؟

احط حرتي في الأكل اذا صار جاهز

(8) وش الأفضل عندك أكل البيت أو أكل المطعم !؟

اكل البيت ..

(9) تحب تآكل لـ حآلك أو تآكل مع جمآعه مع ذكر السبب !؟

مع الجماعه ,, السبب اني ابغى اكل مع مجموعه .. اتونس بهم

(10) إذآ كنت من النآس آللي يحبون الكبسه أي نوع من الكبسات تحب !؟

كبسة السمك
(11) لو كنت معزوم /ــه تحب/ــين تكون العزيمه مفطح ولآ بوفيه !؟

بوفيه

(12) أنت من النآس آللي تحب تآكل بين الوجبآت ؟!
إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه] !؟

نعم ... شوكلاتآت >> يعني شوكلاطه لو قلت لأحد شوكلاتاآت >> قال ياربي وش عنده الـ... الخ .. من انواع الحركات البركات ..
(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك !؟

ههههههههههه اذا شفت وجيههم علمتك ..
(14) وش الطبخه آللي تضبطهآ/ــيها و ودك تعزمنآ/ــينا عليهآ !؟

والله خذ ولد في العزبه .. وانتو بصراحه تستاهلون الكرامه وماراح اقول الوجبات الخفيفه
لكن اعرف اطبخ الذبيحه مع كبستها وحركاتها بركاته وانتم تستاهلون ..






دمتم بود..

سلمت انت وعلمك وليعذرني الجميع ..ولك من الود مثله ..

أشكرك أخي / يوسف العمري ,,,,,

ومعذور معذور ,,,, ويكفينا تواجدك وحضورك المميّز ,,,,

وشكلك أنت وسيف الساهر متضامنين مع بعض ومسوين دعاية لفطيرة لوزين ( أفيد لك )....

على العموم المتوهق القادم ولو إنّي ما قد بلغته إلى الآن لكن ما بيقصر بيحضر أكيد ,,,,,,


الاخ العزيز / امممممممممممممممم ,,,, ولا أقول خلوه مفاجأة

لـــــــــــــــكم عـــبــــيــــر أشـــــــــــــواقـــــــــــي

إيه ايه كلكم

كبسه كبسه

يومه هيا لو خلص الرز مذا وتعبووون

هههههههههههههههههههههههههههههه

باقي بنتعلمك حن مذا بتعبى ,,,,,,,,,,,,,,,خخخخخخخخخ

أمتعتنى بطلّتك المميّزة

موضوع منتاز
يعيطيك العافيه

تم إستدعاء الاخ العزيز king

ولكنه لم يحضر يبدولي لإنشغاله وتم وضع صقر صدريد بدلا منه ,,,,

لـــــكم عــــبــــيــــر أشـــــــــــواقـــــــي

أخوي جبرني الوقت ...

أتشرف بدعوه تصدر من شخصك الكريم ...


لكن اتمنى أن تعذرني ... فلن أستطيع تلبيتها ...


كل الود ..

المشاركة الأصلية كتبت بواسطة (( صقر صدريد ))

أخوي جبرني الوقت ...

أتشرف بدعوه تصدر من شخصك الكريم ...


لكن اتمنى أن تعذرني ... فلن أستطيع تلبيتها ...


كل الود ..

عذرك معك ,,,,,,

وأختار العضو المراقب / زاهر آل العبّاس

ههههههههههههه

زاهر آل عابس ياخي ..

وتفضلوا بالاسئله

الاسئله باول مشاركه