البنات يتحملون الالام والأوجاع من أجل الجمااال !!! وشوفو الدليل

المشاركة الأصلية كتبت بواسطة غلا.....ي

بدون حقد وبدون نظرات هيك ولا هيك ... أقروا وأنتوا ساكتين ... يابناااااااات ..

التعب الوجع الالام مو مهم اهم شي تطلعين أحلى !!! عارف .. وهذا الدليل!!!!!


الكعب اللي يلبسونه الحريم وكما يسمونه (( الشوكه ))
هذا الكعب أتحدى رجال يمشي فيه متر واحد الوحده تلبسه وتروح مناسبه ولين رجعت وفصخته تترحم تقعد تتشكى وآآآآآآآي يا ظهري ومقدر أحركه وحااااااله (( طيب وش اللي حادك يوم تلبسينه))؟؟ أنا أقولكم ليش عشان تطلع طويله ورزه
باختصااااااااار عشان تطلع أحلى...!!!؟؟

يروى أنه إحداهم تبغى تحضر مناسبه لبست وتكشخت وما لقت جزمه (( الله يكرمكم )) تناسب الفستان وش تسوي لاااااااااااااااااااازم تلبس شي يناسب تروح تحوس عند خواتها تلقى وحده مناسبه تقيسها تطلع ضيقه وعناااااااااااااد إلا بتدخلها واخيرا قدرت تحشرها برجلها وراحت المناسبه والمسكينه رجعت ورجلينها وارمه ومحمره ((طيب لييييش)) كل هذا عشان الكشخه عشان تطلع اجمل وأحلى..!؟؟

بعض البنات تلتهب أذانيهم من (( الحلق )) واذا طلعوا مكان لازم يلبسون حلق ولازم نفس لون اللبس ومايمدي الوحدة ترجع إلا على طول تفصخه هذا إن ما فصخته بالسياره بعدين تروح تغسل مكانه بماء بارد وتحط كريم وحاله
كل هذا عشان تطلع أحلى..!؟؟

وفيه حلق نازل قبل فتره يكون طويل وكبير ما تتحمله الإذن البشريه يعني يالله إذنين فيل عشان تناسب حجمه >>>> مع احترامي بس والله اني استغرب من اللي يلبسونها خطر تقطع أذانيهم بس وش يسون يتحملونها عشان الموضة عشان يطلعون أحلى..!؟؟

العدسات الملونة ما تناسب عيون الجميع و بعضهم يلبسونها وعيونهم تحمر وتدمع وتوجعها بس الضعيفه مقاومه ومتحمله عشان تطلع أحلى...!!؟؟

وإلا التسريحات بالعروس ((وما أدراك مالتسريحات))حدث ولا حرج يمكن البعض ماقد شاف درازن التوك والبنسات المدعسه في هالتسريحات يعني لو الوحده تجيها خبطه على راسها يمكن بيتخرم راسها من البلاوي اللي تحت التسريحه وبعض التسريحات ثقيله ومليانه اكسسوار وبعضها يوجع الراس ويكون مشدوووووود طيب لييييييييييش مستحملين العذاب عشان تطلع أحلى...؟؟؟

والبعض ما يتحمل الظل أوالكحل لأن عينه حساسه ويحطونه وعيونهم توجعهم وترجع البنت وأنواع القطرات وغسول العين ((من البلاوي اللي حطتها)) طيب ليش تحطها وعينها ما تتحمل...!!؟؟ طبعا ماتروح بدون ما تكمل المكياج حتى لوعيونها تنحول أهم شي الكشخه عشان تطلع أحلى..!!؟؟

بعض الحريم تبي تلبس فستان ضيييييييييييق والكرشه ماتساعد ابد تروح تلبس مشد ولا يخفى على الجميع ما يسببه ذلك المشد من آلام..يعني اللي يلبسونه يترحمون حتى ما يعرفون ياخذون نفس منه ويمكن ما يتعشون حدهم الشاهي بس مافي أمل الفستان بينشق كل هذا عشان تطلع أحلى....؟؟!

والبعض نفس الشي تنانيرهم ضيقه مررررررررررررررره السحاب شوي و بينقطع تلقاهم اذا جو يتعشون فكو السحاب عشان تدخل اللقمه وليه ...!!؟؟ عشان تطلع أكشخ وأحلى..!!؟

وإلا الوحده اذا طولت هالأظافير تحسبونها مرتاحه فيها تكذب عليكم لو تقول إنها مرتاحه وأنا اعني بتطويل الاظافر اللي مو صاحي يعني انسب شي سنتي متر واحد هذا اكثر شي وبعده تقررررررف وتتحمل البنت عشان المناكير والموضة والحركااااااات عشان تواجه وتطلع أحلى...!!؟؟

لا وبعد أزيدكم من الشعر بيت اذا جت الوحده ترووح العرس تقول أسلحة دمار شامل على راسها طيب ليش تتحمل ها لأسلحه عشان تطلع احلى..؟؟


بالاخير جمال الروح وهو الأهم ( الجمال الداخلي) ويبقى الشكل الخارجي مكمل بس ياليت ماتقسون عليه ..

غـــــــــــلاي
الله ,اكبر عليك يا سيل الرفه وأثاريك من يوم تشوف الفتاه أقبلت تقزها بعينيك من راسها الى أخمص القدمين
ودي اسألك سؤال جميع ما ذكرته هل منعت زوجتك منه ولا بس تنزلك السوق عند كل عيد
وأنت وراها با لعربيه تحمل 0 اذا كان ما ذكرته لا يخالف الشريعه فلا بأ س انشاء الله تعا لى
ألا ليت الشباب يعودو يوما 0000000 فأخبره بما فعلى بي المشيبو
تسلم يا غلاي موضوع طيب وتدق على الوتر الحساس

عينك سماي

حياك من جديد للتداخل ويعطيك ألف عافيه ...
المجتمعات تختلف عن بعض وأكيد فيه نساء تبالغ أكثر مما ذكر وليس الكلام موجه لمجتمعنا فقط ..
شخصياً أتحلى بالمظهر الزين وأكشخ تمام التمام .. واللي شفتيهم بالخصال التي ذكرتيها فمعناته ينضم للطرح أعلاه ويصير من معاشر النساء ... وأكيد ما صنعت إلا لكم الزينه ولكن ... كل شي بقدر ...

أرق التحايا

آمل خير ...

ما كل فزعه فزعه ... فيه فرق بين العذاب والقلق ...
قلق يطيح العقال تخرب الرزه .. بس عذاب تورام الأصابع وشد الشعر على غير السنع ... وضيق الملابس .. وأنفراط السحابات .. هههه

أرق التحايا

غـــــــــــلاي
غبني ياجنبية أبو ناصر تمنعني منك ...
وين الفتاه يا أبو بندر اللي تمشي من غير عبايه عشان أقزها على قولتك ... واحد صفر ...
زوجتي تلبس وتكشخ ومن حقها في عيد أو في غيره وتستحق إني انزل معها وأدف العربيه كما ذكرت بس العربيه ذي يا أبو بندر ماخبرتها إلا في السوبر كماليات للمنزل وليست للكشخه ... ولا عمرها طلبت شي من أحد عشان تكشخ على غير السنع ... من الموجود وإن لم يكن فالأمر طبيعي ...
فاهم عليك أبا بندر وصدقني نساء مجتمعنا محافظ وبقدر معلوم ... الطرح نقلته لكم للفائده لا أكثر ... وبعض المجتمعات فيها أكثر ممن حمله الطرح ...

يسعد طلتك ولك أرق التحايا