(؟)(؟) الشعر يا أهل الشعر (؟)(؟)

الأخ صالح آل سلمان تسلم على المرور العطر والتعقيب اللطيف

تقديري لك.

المشاركة الأصلية كتبت بواسطة غرمان بن عزيز

في بطن مكه قام بيت الحرام
والمسلم اللي جاه عرف المقام
قبل الحجر والركن ماهو بعيد
واللي يحج ويعتمر هو سعيد
أكيد بخته من كبار البخوت
حتى لو إنه ما ألتزم بالصموت
لكن ما جاء منه نمٍ وذم
ولا تجاوز عادة أهل الشيم
فيه إلتزام الأولين الفرايد
صفوة شيوخٍ طبعهم طبعنا

هذه هديتك يا محمد الزهراني على روحك الطيبه

الأخ غرمان تسلم على الهديه ياغالي والدعوى مجرد محاوره وإلا فالمحبه والتقدير قائمان بإذن الله.



الرد:



رضيـــت بـالطيّـب وابيـت الـحـــرام

وراعــي الـهـمـه عثـــر يـــوم قـام

عـيّـد ويــومــه ذاك مـاهـوب عيــد

وش وهـق الحَـجّاج فـي دمْ سـعيـد

إلا قـــدم ترقـى المعاصي بـ خوت

قنص وعيّــن من ورا القنــص مـوت

ياخوك جور الحــكـم ياكــم هَـــذم

افجر بَـحَـر فـي نجد والا انش يـــم

النسخه اللــي عــزّرت بالـف رايــد

مـــزوّره مـــاهـيـب مــن طـبــعنــا

الطيب لاأهل الطيب شرقٍ وشام
واللي عثر ما ساعدته العظام
يبقى على ما قيل صاحب جنيد
وأسمه علي ويلقّبونه عبيد
وأظن خاله جاك من حضرموت
يحسب قصيد النظم مثل البلوت
ما يدري إني قد وصلت الهرم
وأحسب حساباتي وعندي رقم
ومسجلينه في جميع الجرايد
في موقعٍ يوضع على كيفنا

تسلم ياصالح وجعلك للعوايد تدوم
======
وانت راعى الكرم والمقدره و المقام
======

حن رجال الحجر ولا فين بعيد
=====

جعلك دائما في حياتك سعيد
=====

وتلبس ثياب الصحه والبشوت
======

كلنا فدا للوطن ولا نخشى الموت
======

وجبال طويق تشهد لنا ما فينى شتم وتذميم
======

حنى قبائل يعرفونا بالكرم والشحم
=====

وكل انسان ما يدور على المكايد
=====

وجعل ااهل الديار من طبعنا


مع تحيات هبوب الجنوب 2007

الرد:

وشّـــم على كـف الحقيــقه وشام

كفٍ تصافـحْه الرجــال العــظـــام

وإلا ترى حتى لشيخ الجـنْ إيــــد

تــمتــد لشيــوخ البــلد والعبــيــد

انحن هل الطـالات لو حضر مـوت

إن اتهمت اهل الشرف وان بلـوت

أنا ادري انك حــــول سـن الهـرم

قم جاك راعي الشعر والقدر قــم

تمرك من اللـي هلـهـلتـه الجـرايد

وقـهـوتك مــاهــي علـى كيـفنـا

مسكين ياللي تشتكي من سقام
أكيد في المعنى فقدت الزمام
ما أنت الذكي وأظن ما أنت البليد
يوم القصايد عندنا والنشيد
كم كلمةٍ طافت وربعك سكوت
تهجو وأنا في ذمتي ما هجوت
لكن بلاك اللي مثيل الصنم
ما ميز ألحان العرب والنغم
ولا عرف نقصانها والزوايد
ويدور الشينه ولا هي لنا

كم طايــــح ٍ ماينذكر وامس قام

محزم فشل طمعان في عز إمام

الهرج مـــاهو مثل فعـل ٍ بالإيــد

تهــرج وحنا بالفعـــــايل نشيـد

ياصاحبي طِب الشتا لبس كـوت

والشوك يمنع دون ماطاه جـوت

ياراعي الهـقـــوه وراك أص نم

انـــحــن بحار ومـن شرعنا نغم

احـذر تضيّـع قربَتـك والــزوايــد

إذا امتـــلــت دلتـْــك مــن هيـلنا

الله يعطيكم العافية

الحقيقة محاورة وأبيات يطرب لها القاريء

لا زلنا متابعين والله يعطيكم العافية ويقويكم

الصقر ما يربى بعش الحمام
والرجل ما يهوى كثير الخصام
إلاّ إذا صار المقابل مريد
لاوالله إلاّ أقص حبل الوريد
فلا تسوي عادة العنكبوت
وتحط رآسك بين يبس النبوت
ترى حياتك بين نثرٍ ولم
وأكيد في جسمك تحس الألم
وأنا علاجك في جميع الشدايد
وأصبر على المقسوم من سيفنا

ابو عابد الحمد لله على السلامه واخيراً بديت لنا بدت لك على العموم الله يحييك وأشكرك على المرو ودمت بخير وعافيه 0

الشيـــعي اللـي ذاق طعم الحِـمــام

ياكم في الكوفه وفي الكرخ صــام

تــركّـبــه شيـطان رجـس ٍ مــريــد

يـريـد, والله يـفــعـل الـلـي يـريـــد

كـم فـي المعـارك يامطاعن كبوت

وكم شطحـت وفـي كـلامك نبـوت

رزّيت فــوق الريــع, ريــعك عــلم

راحــت عـصـاك ومـحزمك ماسـلم

عَسفتـك وحمّــلت فـوقـك شـدايد

حتــى رسيــت بــهـا على سِـيفنا

الأخ العزيز ابوعابد

سررنا بمرورك ومتابعتك فلك منا جزيل الشكر..

لاعدمناك.

السلام عليكم


فالكم الطيب ياشعراء

ايوالله تستاهلون

بيني وبينك صار شبه إصطدام
والوضع مفهومٍ وجاء لك قوام
والله على ما قال غيري شهيد
وأكيد سجّلها رقيبٍ عتيد
ولا تقول إنك بروحك نجوت
أنت الذي تمشي بسبعة كروت
وأنا رفعت الشوف فوق القمم
وأنت الذي تنظر لموطى القدم
لك طبع يشبه مرزمات الصمايد
اللي في الخلوه تبي شوفنا

دام المزيــّـن حازم الوســط دام

في كامل الزينه وطـول القوام

أدعج وريقه مثـل طعم الشهيد

عيـــبه لعــوب, مبــرّك ٍ للعتيد

متى جبرت الكسر يومك نجوت

ومتى على حمل ٍ تشيله كروت

على حماكم كل يـــوم القىْ أمم

وفــي ثيابك كل يـــوم القىْ دم

نُصّك يسيـــر بغنْج والنُص مايد

بنــوا حِجــاهم فيــك وانشو فِنا