][ الأمير الشاعـر خالد الفيصل][ نبــذه عن حياتـه ][ وصفاتـه][وبعض قصائده][شاركونـاا

عـــودهـ مـجـدداً لبعض قصائـــد دايم السيــــف

يا طـــــــــــــــــــارد

يا طــــــارد اللي راح خــله ومــلوه=ما يستــقيم الظــل لا عـــوج عـــــــــــــــــوده
ولا ينفــــع النـــدمان قولــة حــولاه=جـــحـــــــر لـــــــدغ يمنـــــــاك لا لا تعـــــوده
مد النظر في خلق ربي تمعناه =إلى انتقص من حال حال يزوده
الله جعــــل للمبتــــــــلي داه ودواه=وكل على عزمات قلبــــــــه حدوده

ساري الهاجس ..

ساري الهاجس حضرني وشلت لحونه =كل ما غنيت صوت يرد الثاني
كل شاعر تستضيف الخيال عيونه=ما ينام الليل من هاجسه سهران
كل نجم ساري يستهيض شجونه =واعذاب الشاعر المغرم الولهان

جرح القصيده ..

قصيدتي منك مجروحه =اخلفتني واختلف شعري
يا ونتي منك مبحوحه =لو ما طلع صوته عذري
ذي رايتي منك مطروحه =طرحتها وانت ما تدري
شف دمعة الشوق مسفوحة =والوجد في ملحها يسري
مواجع القلب مفتوحه =داريتها واحترق صدري
حمامه الوصل مذبوحه =يا خوفتي قبرها قبري

ساعة الفرحة ..

يا ساعة الفرحه تشوقت للعيد =عيد العيون وعيد قلب الصبابه
رد الجمال لشوفتي يا اتلع الجيد =واسحب على حرفي لحون الربابه
حرفي بصوتك يا اجمل الصوت تغريد =يا رمز حبي هاك رمز الكتابه
يا صبح عمر فيك للعمر تجديد =وحبك يجدد كل يوم شبابه
للعين والقمرا وحسنك مواعيد=وليل الهوى شرع للأحباب بابه
ياما زعجت الصوت باسمك تراديد =وياما نسيم الوجد يمك سرابه
وياما تمنيتك على باقي الغيد =واقول مثلك يا غلا الروح ما به
ابيك تهوى مثل ما اهواك وتزيد =يا من خفوق القلب حسنك غدا به
يا قطرة الغيمه على يابس البيد =رد الحياة لخافقي يا ذهابه

في سحــــــــابه ..


في سحابه...

على متن التمني

شفت عمري

خيال في سحابه


يا ذهابه ..

تعدى ما ارجهن

كن عامه

نهار يا ذهابه ..


من غدا به

ربيع العمر مني

حسبي الله

على وقت غدا به ..


إلتوى به

رجا قلب يون

ويل قلب تعلق والتوى به


في شبابه ..

حبس نشواه عني

ما تهيا لذيذه في شبابه


ذا صوابه

عقب ما هو طعني ..

لو نسيته يذكرني صوابه


من هقابه ..

يخيب كل ظني

واعذاب الخفوق اللي هقابه


رد بابه ..

زماني وامتحني

يوم ثور عجاجه

رد بابه


يا ربابه ..

على المسحوب غني

من قصيدي

بكى قوس الربابه .


من بنات الريح ..

من بنات الريح لي صفرا جفول =كنها ظبي الفلا بجفالها
منوة الخيال عساف الخيول =زينها في دقها وجلالها
زينها ما شفت وصفه بالمثول =الله اللي بالجمال اصخى لها
تستذير كحيلتى من كل زول =ما يصخرها سوى خيالها
اذكر الله كل ما قامت تجول=و احمد الله خصنى بحبالها
كنها تمشي على قرع الطبول =فتنى اللي خافقه يبرى لها
ظافي القصه على الطرف الخجول =تنكسر شمس العصر بظلالها
وصفها وصف السحاب اللي يحول =كل عين تستخيل خيالها
او كما طاري على الخاطر عجول =صاحبه حقيقته ما طالها
كل رجل في حياته له ميول =والهوايه تمتلك رجالها

تـقـبـلـوا أطـيـب الـتـحـايـــــــــــــــا

شكرا لك يا مشرفنا العزيز على هذه المعلومات عن الامير الشاعر والفنان الامير خالد الفيصل والذي اعتبره مدرسة في الشعر المعاصر وكل مشاركاتي هي من قصائده وخصوصا الوطنية لانها تمثل الوطن وعز الوطن ومجده واعتبره مثلي الاعلى د_زكريا

لاتـــــكـــــســـــر الـــــفـــــانــــــوس
قـصـيــدة لـسـمــو الامــيــر خــالـــد الـفـيـصــل
أحـبـبـت نقـلـهـا لــمــا تـحـمــل مــــن الـمـعـانـي
الـتــي لا يستـغـنـي عـنـهـا مــــن يــحــب الـفـائــده
ومــجـــاراتــهــا مــن قِـــبَــل
الـــشـــاعـــر عـــــلـــــي بــن نـــــشـــــوان







لا تـــــكـــــســـــر الـــــفـــــانــــــوس
لـسـمــو الامــيــر الـشـاعــر خــالـــد الـفـيـصــل

لا تكسـر الفانـوس والليـل داهـم=اترك بصيص النور يمكـن يقدّيـك
مثلك يصيـر بلعبـة الوقـت فاهـم=لو ما عطيت الوقت وش لون يعطيك
الغـاوي اللـي بالخيـالات واهـم=لا يسمع الهـادي ولا هـو بهاديـك
لا تستمـع لاهـل النمامـه تراهـم=يبون شبـة نارهـا بيـن أهاليـك
واحرص على جيران دارك عساهم=يثنون لى جاك العدو طامـع فيـك
الأهـل تقـوى بالمـودة عصاهـم=والقوم تخشى جمعك اللـي يباريـك
ماتبري القلـب العطيـب الدراهـم=ولاتعيـد العافيـة كثـر اداويــك
حار الفكر والطرف بالليـل ساهـم=وشوفـات فكـري بددتهـا لياليـك
ثـور عجـاج مدلـهـم وجـاهـم=وراه نوٍ ناصـي خضـر أراضيـك
الله ينجـي دارنـا مــن بـلاهـم=والله مـن شـر الليالـي ينجـيـك

___________________________

مجاراة الشاعر علي بن نشوان لقصيدة لا تكسر الفانوس
*************
قـــــــــــــــــال الــــحــــكــــيـــــم
***********

سلام لكْ يا من مـع السيـف دايـم=مرحبْ وحيّـا الله سمـوّكْ وأهليـن
ترحيب ما شنّـت سحـاب الغمايـم=وسالت الوديان وصبـت ببحريـن
يحميك يابْن الجود يابْـن الأكـارم=مع بنيْكْ لي هم على النّهج شدّ يـن
تعيـش ياخالـد وللحـق صــارم=في نصْرة الاءسلام وفي نصرة الدين
تسمو مـع العليـا أميـرا وحاكـم=بمنطـق الحكمـهْ وقـول المحقّيـن
تظـل بالمـعـروف والخيرقـايـم=أدعيهْ واْختم فـي د عائـي بآميـن
مع الحكمْ قال بْـن نشـوان هايـم=بهـا تلـوّع مثـل لـوْع المحبّيـن
قال الحكيم من كان ساري وعـازم=قبل الطريق يختار اذي هو يهدّيـن
الناس بالناس في غثـى أو سلاهـم=وأفضل الناس لـي تراهـم ملبّيـن
مالي وصحْبهْ في السّلـى والسلايـم=وساعـة الشّـده وضيقـي مولّيـن
الشّهـم الـي تلقـاه والليـل داهـم=مثل البـوارق أو نجـومِ تضوّيـن
والغاوي اللي في الخيـالات واهـم=يغويكْ.. فلا تسمع لقـول المظلّيـن
والجار ولو جار واصل الجار ولازم=تلقاه حازب فـي وجـوه المعاديـن
وغلْمتكْ بالوصـل قـوّي عصاكـم=أعداكْ لا تْبلّـوا يعـودوا مـذَ لّيـن
والمال بعض الناس ربـي ابتلاهـم=الرابحيـن المنفقيـن والمزكـيـن
والخاسريـن يـا ويلهـم ياعزاهـم=مبذريـن أو مسرفيـن أو مضرّيـن
والمعْدمين المرتضيـن يـا هناهـم=الصابرين بشرى بثقـل الموازيـن
حبّـي لخالـد حـب عاقـل لفاهـم=ومـن بقولـهْ أو بقولـي ملمّـيـن
واْحباب ظلّوا في الفوءاد ما نساهـم=مهما ومهما فـي فـوءادي مسوّيـن
متى متـى ياليـت شعـري أراهـم=وليت شعري ما عرفـت المحبّيـن
واْزكى الصلاهْ عليك يانسل هاشـم=ما حجّوا الحجاح وصلّـى مصلّيـن

يتبــــع بإذن الله بعض القصآئـد الأخرى
تقبلوا أطيب التحايـــــــــــا

عـــودة مجدداً لديوآن دآيــم الــســـيـــــف



~~ هــــوى الــبــيـــــض ~~

ياقلبي اللي من هوى البيض معتاذ=واليوم اشوف الوجد والشوق بـذه
حسبي على اللي للمواصيل جـذاذ=حبل المواصل بيننـا البعـد جـذه
يسقي منـازل ليـن العـود رذراذ=يلقى بها ظبـي الطعاميـس لـذه
الصاحب اللي عن هوى القلب مالاذ=لا قلت دوك القلـب يازيـن غـذه
ولانيب من هرجـه كثيـرً وهـذاذ=ماشاف فـي ليلـه نهـاره يهـذه
عساك تأتي لي يا ابو زيد بانقـاذ=قلبً تحذى الشـور ياخـوك حـذه

~~ غــآلــي الأثــمــــآن ~~

يــا غـالــي الاثـمــان غــلّــوك بـالـحــيــل=مـن يــوم سـمّــو بــك جـمـيــل الـمـحـيــا
شـخـص(ن) تـمـنـيـتـه عـلـى الـعـدل و الـمـيـل=و الـحـمــد لـلــه يـــوم خــلّــي تـهــيّــا
اشـبـهـه بـالّـلـي عـسـيـف(ن) مــن الـخـيــل=تـلـعــب وانــا حـبــل الـرّسَــن فــي يـديّــا
أورق غـرامـه مـثــل غــرس(ن) عـلــى سـيــل=مـشـهــاة قـلـبــي يــوم جـالــي شـهــيّــا
أعــن لــه عـنَّــة هَــل الـكـيــف لـلـهـيــل=مـا ذاق راعــي الـكـيــف انــا ذقـتــه هـنـيّــا
حـبَّـه سـرَى بـي سـر يــة الـغـيــم بـالـلـيــل=نـسـيــم لـيـلــه قـــال لـلــشــوق هــيّــا

~~ مـحـريٍ بـالـخـيــر ~~

محريٍ بالخير يا مـزن(ن) نشـا=يا حلو عقب الوسم رجع السحاب
هل رذراذك علـى روض الحشـا=ربع بقلب(ن) دوام(ن) لك شبـاب
كل زهر(ن) فاح عطـره وأغتشـا=بالرياض وبالنفـود وبالهضـاب
ما نسيتك يا هـوى قلبـي حشـا=حبـك بروحـي وبالخفـاق ذاب
عادني شوق(ن) قديم(ن) وانتشـا=في هواكم ولع(ن) ما قـط غـاب
لو غشانـي بالمـوده مـا غشـا=اشتهي فيك الهوى لو هو عـذاب
فيك من طبع الظبي ليمـن مشـا=ثم عـاد والتفـت ثـم استـراب
يا حلو فـزة جفالـك يـا رشـا=يوم تسبح في الصحاري في سراب
الهوى معطيـك منـي مـا تشـا=في حياتـي ياحياتـي لا تهـاب
ما يفوز الحاسد اللي بـك وشـا=فيك حسّاد الهـوى ياكـل تـراب

تســــــــــــلم ياغالـــــــــــــــي

عهدنا أعذب الكلمات منك أبو حجاب

وأرقى الإختيــارات ...

@ سلمت مرة أخرى @

تقبل تحيات أخوك

7
7
7

أبــو سعـــود
ولـــــ(آل عطيفة)ـــــــد

ولاااااااااااااا أرووووووووووووووووووع
الله يعطيك ألففففففف عااااااااااااافية..

يعطيك الف عافيه اخوي سيف العرب على هذا الموضوع المتألق ,,,,,

والصراحه انك ما قصرت كفيت ووفيت ,,,,,

والله يجزاك بالخير ,,,

مع ان مالي بالشعر لاكن خالد الفيصل وعبدالله الفيصل شييييييييييييييي

والناس واجد لكن الولف غلاب

تسلم

وهذا بيت من أشهر أشعارة

نصف زين الخلايق في عيونه ++++++ وباقي الزين في باقيه كله

تحياتي

المشاركة الأصلية كتبت بواسطة ولد آل عطيفة

تســــــــــــلم ياغالـــــــــــــــي

عهدنا أعذب الكلمات منك أبو حجاب

وأرقى الإختيــارات ...

@ سلمت مرة أخرى @

تقبل تحيات أخوك

7
7
7

أبــو سعـــود
ولـــــ(آل عطيفة)ـــــــد

هلا وغلا ولد آل عطيفة
كل الشكر والتقدير لتواجدك الدآئـم
والله يعطيك العافيـــــــــه يا غالي
تقبل أطيب التحايــا

المشاركة الأصلية كتبت بواسطة بو سالم سرى ليله

ولاااااااااااااا أرووووووووووووووووووع
الله يعطيك ألففففففف عااااااااااااافية..

هلا وغلا بو سالم

الله يعافيك ويسلمك
مشكور ولاهنت على تاوجدك الطيب
تقبل أطيب التحايـــــــــــاا

المشاركة الأصلية كتبت بواسطة ولد آل عليان

يعطيك الف عافيه اخوي سيف العرب على هذا الموضوع المتألق ,,,,,

والصراحه انك ما قصرت كفيت ووفيت ,,,,,

والله يجزاك بالخير ,,,

هلا وغلا ولد آل عليان
تشرفت بمرورك وتعليقك الكريم
فلك كل الشكر والتقدير ولاهنت يا غالي
تقبل أطيب التحايـــــــــــــــااا

المشاركة الأصلية كتبت بواسطة ريانة العود

مع ان مالي بالشعر لاكن خالد الفيصل وعبدالله الفيصل شييييييييييييييي

الله الله
من ناحية شي فهم شيء طيب
لاهنتي على مرورك
تقبلي أطيب التحايـــــــــــاا

المشاركة الأصلية كتبت بواسطة سعيد بن شفياء

تسلم

وهذا بيت من أشهر أشعارة

نصف زين الخلايق في عيونه ++++++ وباقي الزين في باقيه كله

تحياتي

يا هلا وغلا يا سعيد
مشكوووووووووور على تواجدك الكريم
ولاهنت على الاضافه يا غالي
تقبل أطيب التحايــــــــــــــــاا

بارك الله فيك