صور من حياة بدوي درس بأمريكا / لااااااا يفووووتكم!!!!!!!!

عمريه ...عاد هذه يا كثرها شوفة النفس
على خلق الله .. والنظر بنص عين بالذات في تعامل بعض الشباب مع العمال بالمطاعم ..

ولكن الله يهدي بعض الشباب ..

الأخت عمريه تكريما ً لجهودك ...والمواصله بطرحك حلقات القصه ..

وتميز حلقاتها ومواقفها ..



تم تثبيت القصه ...

وأتمنى أن نرى الجديد دائما معك ..


خالص مودتي وتقديري ..


أخوك أبومانع ..

ما قصرت يابو مانع تستاهل التثبيت حتى النهاية

عمرية يعطيك العافية ....قمة المتعه مع هالبدوي

اجل مايبي تختور ..........ننتظر والله يعين

ما قصرت يابو مانع تستاهل التثبيت حتى النهاية

عمرية يعطيك العافية ....قمة المتعه مع هالبدوي

اجل مايبي تختور ..........ننتظر والله يعين

ألف شكر يا ابو مانع......
إنك ثبت موضوعي.................. والله انك خطييييييير ..........................و تقدر المواهب الشاااابه .................والله يوم شفت الدبوس الأزرق إن قلبي قال طربق طربق<<<<<<<<<<<<< سعيدان
خخخخخخخخخخخخخخخخخخخخخخخخ

الحلقة الخامسة

وقفنا عند سالفة المطعم……ابقول لكم سالفه ثانيه بس لا تاخذون انطباع شين
عني ….مره كنا في واحد من الاسواق الكبيره في الخبر وكالعاده نمشي شله عددها خمسه
سته……كنت انا في محل تصوير مع واحد من الشباب وجات وحده وبصراحه وبكل صدق والله ما
اكذب عليكم قامت تلمح وتقول كلام كان بالنسبه لي في ذاك الوقت يعتبر مصيبه…كارثه……نهاية
العالم……وبصراحه انا كنت المعني بالكلام……عارفين وش سويت ….مسكتها مع كتفها وجريتها
قدام العالم واقوم اصيح فيها واقول لها (اقول لك قولي لي وين زوجك……)….
.(واحد حمار…..!!!!)….طبعا تجمعت العالم وجا واحد من ها الناس كان عنده لحيه وكان حيل
متهور….(من الهيئه)……تجاهل كل اللي سوته ومسكني انا مع كتفي
وقام يقولي…(اقول لك وين بطاقتك)….!……طبعا تجمع اخوياي مع
العالم وحاولوا يهدون ها الرجال ويهدوني بس بدون فايده …اتهمني واخذني معه والله لايوريكم
…انحبست يومين وتبهذلت……ها السالفه حولتني الى انسان ثاني على الاقل في مثل ها المواقف
وصرت اتعامل مع مثل ها البنت بطريقه مختلفه تماما….!!!!!!……

ابقول لكم سالفه ثانيه………مره كنا معزومين في راس تنوره (60 كيلو من
الظهران)……انا ذاك اليوم كنت مواصل وما نمت ما هو لاني عاشق سهر لا والله لاني ما
حصلت فراش ولا بطانيه ….تخيلوا سته في غرفه……والفراش بالحجز يعني اللي يجي لول ياخذ
فراش والشباب ما شاالله تحصلونهم مسنترين من المغرب في الفراش…..حتى احيانا اذا راح الواحد
الله يكرمكم لدورة المويه اخذ بطانيته معه……المهم انا ما نمت وجا العصر وقالوا الشباب خلنا نمشي
انا ما اقدر قلت بنام قالوا اجل فلان بعد عنده شغل بيخلصه وتعالوا اذا خلصتوا وهذا رقم التلفون اذا
دخلتوا راس تنوره اتصلوا على شان ندلكم على البيت. نمت انا حوالي ساعتين وجاني الرجال ورحنا
على سيارة واحد من الشباب ….المشكله الرجال ستيك زي محاكيكم وما يدل زين وانا سويت نفسي
دليله وقلت الشباب وصفوا لي الطريق وتقريبا عرفته…….مشينا وكانت البدايه زينه مسكنا اول الخط
اللي كان مظلم وكان هاي واي ……قعدنا نسولف وانسجمنا مع الجو وعدينا التحويله اللي فعلا كانت
صاده حيل وما تحس بها …..المهم مشينا ولا حتى فكرنا كم مشينا….وفجاه جاتنا لوحه مكتوب عليها
(الجبيل الصناعيه)…..(100 كيلو من الظهران)……ما اهتمينا كثير وكنا نحسب ان الجبيل قريبه
وذيك الايام الله لايردها كانت ايام الازمه وكان فيه تفتيش والسياره ما هي باسم احد منا ولا فيه رخص
…يعني الحاله ما نحسد عليها ….وقفونا الشرطه واخذوا البطاقات واسألوا عن اثبات السياره وهنيا
كانت المصيبه……بعد الطلايب والحلايف وقلة الحيا عطونا مخالفتين تصدقون أي والله وحده لي رغم
اني ما كنت اسوق ووحده لخويي….. سألناهم وين راس تنوره وقالوا ارجعوا اربعين كيلو ……رجعنا
وقعدنا نحش ونسولف ……أي والله عارفين وين وصلنا …..وصلنا الظهران مره ثانيه……وفي ذاك
الوقت قررنا ان حنا نروح نحجز بطانيتين وفراش من بدري اخير لنا من المشاوير اللي ما لها
داعي……وفعلا كلمنا الشباب وما قلنا لهم وش اللي حصل ونمنا …..وسلامتكم……!!!!

بدت الدراسه في الجامعه وكان السنه الاولى يسمونها السنه التحضيريه وكانوا يركزون فيها على
الانجليزي والرياضيات وبعض المواد الخفيفه……اخذنا الكتب وبدت الدراسه الصدقيه من ثاني يوم
وكل شي هضمته الا ها الانقليز والامريكان اللي يدرسونا بالانجليزي ….بصراحه الانجليزي كان من
الاشياء اللي واقفة لي……وعانيت كثير على شان اتمكن منه. في الجدول اللي عطونا ياه مكتوب اسم
الماده واسم مدرسها وعدد الساعات ورقم الغرفه…….طلاب السنه التحضيريه كانوا في مبنى معزول
شوي عن باقي مباني الجامعه وكان ها المبنى مكون من جزئين الاول الفصول الدراسيه والثاني مكاتب
المدرسين……اخوكم في الله راح يدور اول محاضره في مكاتب المدرسين وبالصدفه حصلت مكتب
عليه نفس رقم الغرفه اللي مكتوب في الجدول وسنترت عنده حوالي نص ساعه …يوم شفت الوضع
غريب وما جاني احد الا اشوف لي انجليزي يمشي في السيب وطبعا اللغه صفر…. حاولت اتفاهم معه
واشر له على الجدول ورقم الغرفه …بس هو اخذها من قاصرها واخذني مع يدي وراح معي لين
سلمني لمدرسي وحسيت انه يقول له ياخي انتبهوا لتيوسكم السايبه هذي ….؟؟؟؟!!!!

الأخت العزيزه عمريه
بالنسبه لتثبيت الموضوع ..
فالقصه وحلقاتها تستحق ذلك ...وهذا واجب كل مشرف ..
تشجيع للعضو والوقوف إلى جنبه وتقديم العون له في الطرح ..والإشاده بالطرح ..

وأنا هنا أيضاً أشكرك لتواصلك بالحلقات مره أخرى
وبانتظار الحلقات القادمه ...

لك أعذب وأرق تحيه وسلام ...

أخوك أبومانع ..

المشاركة الأصلية كتبت بواسطة عمريه.

الحلقة الخامسة

…يوم شفت الوضع
غريب وما جاني احد الا اشوف لي انجليزي يمشي في السيب وطبعا اللغه صفر…. حاولت اتفاهم معه
واشر له على الجدول ورقم الغرفه …بس هو اخذها من قاصرها واخذني مع يدي وراح معي لين
سلمني لمدرسي وحسيت انه يقول له ياخي انتبهوا لتيوسكم السايبه هذي ….؟؟؟؟!!!!

ههههههههههه
هههههههههههههههههه

والله ما الومه شكل هذاا البدوي ينرفز اللي ما يتنرفز خخخخخ

هييييي عمريه


هذا ماهو بدوي بس هذا والله انه عالفطره أو انه ساكن في الربع الخالي ياوخيتي....
بس انا ابي اعرف الحين السالفه صدق ولا خرافه ولا مبالغ فيها؟؟؟؟


وبعدين ليه ما خلوه يطالع افلام قبل لايطلع ولا صح انه عالفطره ذا قسم بالله

ششوكرن

بنت عمرية مشكوره يا وخيتنا على القصة ولي سعوال..................

سفر البدوي ذاييه من الشرقية الى الرياض والا العكس - صاحب ملاظات قويه................

وبعدين جامعة الملك اظن انها بالحسا يبه واينك انت ............... وقبلين تقبلي انتي ولبدوي ذايييه تحياتي وبعدين..................

القجصة هي حقيقية ولا من خيال شخص عشان نكون على بينه .....................

واصلي يا بنت عمريه القجصة ربي يخليشك لأنها وضعتني في نفس الجو وذكرتني ايام الجامعة.............................

حادي بادي .... جامعه الملك بالحسا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

الحلقة السادسة

زي ما تعرفون بدت الدراسه في الجامعه وبدا الانتظام اللي فعلا ما تعودنا عليه في أي مرحله من
مراحل حياتنا …الدوام بصراحه كان طويل وممل وبدت اثار الحنين للباديه وعيشة الاهل تداهمني
خصوصا في الليل طبعا الجامعه عطوني غرفه وكان معي فيها رسميا واحد من الشباب اللي كانوا معي
في الثانوي…هذا رسميا ولكن غير رسميا ما كانت تفضا من ضيوف ومتعطلين وغيرهم ومع ذلك كانت
الحياه تمشي…..مثل ما قلت الحياه بدت تاخذ طابع الملل والرتابه القاتله خصوصا لشخص ما كان
يعترف بحدود ولا جدران ولا قوانين وفجأه يلاقي نفسه في غرفه صغيره مع وجيه معروفه في مكان
جدا محدود لدرجة ان ها الوضع اثر حتى في مستواي الدراسي وفي نفسيتي وبديت افكر في ارتكاب
الكارثه وهي اني اخذها من قاصرها وارجع لامي وابوي وجماعتي.

فيه شي ثاني بعد كان مكدرني وهو احساسي فعلا ان الفجوه الثقافيه والفكريه
بيني وبين كل الناس اللي حولي كبيره جدا جدا…أي شي يقولونه يفجعني واستغرب منه وما عندي
عنه أي معلومات ……بفضل الناس اللي حولي وخصوصا انسان عزيز جدا علي تصبرت وبديت احاول
اني انتبه للدراسه اولا واصغر الفجوه الثقافيه ثانيا ….بدا ها الانسان العزيز يجيب لي الجرايد كل يوم
وحسن العلاقات المتوتره بينا وصرنا اصدقا ..كان مثقف جدا وعنده مجموعه كبيره من الكتب
والروايات من كل الاشكال ولالوان لدرجة ان بعضها يتجاوز الخطوط الحمراء……
بديت اقرا وصار عندي فضول ثقافي كبير لدرجة ان محاكيكم بدا يقرا في
الفلك في الابراج في الشعر في السياسه في العلوم في الاديان وحتى في السحر والخرافات…..وما
كانت هاالحصيله كلها الا كميه صغيره من الوسيله اللي ممكن تضيق الفجوه بيني وبين المجتمع اللي
حولي……طبعا المبدا موجود الدين موجود الوفا للاصل والمجتمع موجود بس اللي تغير هو الوعي
اللي اتعامل به مع ها الاشيا كلها……ما اقول لكم ان ها الثقافه صارت في شهر او شهرين
هذي بس كانت البدايه.

اختبارات ارامكو اللي قلت لكم عليها لازالت مستمره وفي يوم من الايام
اتصل فيني واحد من الشباب اللي في ارامكو وانا كنت معطى مكتب التوظيف تلفونه وكانهم يبوني على
شان الكشف الطبي اللي هو تقريبا اخر مرحله بعد ما اعجبتهم نتايج امتحاناتي وتقريبا قبلوني……

صمم الرجال الا يمرني ويوديني للمستشفى وفعلا مرني للصبح ووداني وقال انا مكتبي قريب وانت
شكلك بتخلص قرب الظهر اتصل فيني خلنا نتغدى سوى……وافقت بعد الحاحه وفعلا خلصت حوالي
حدعش ونص ومرني الساعه اثنعش وتغدينا في مطعم غريب عجيب داخل مكان في ارامكو اسمه
(السنير) وها المكان ببساطه قطعه من امريكا جايبينها للسعوديه بكل
معاني الكلمه…..

بصراحه جو غريب في ذاك الحي حريم امريكان لابسين زي ما يكونون
في بلدهم وعايشين عادي جدا لا ويسوقون سيارات بعد ويطلعون للسوق يتقضون وفيه حريم محليات
عايشين نفس الطابع بس مع فرق بسيط.

الرجال ما قصر غداني وقال لي خلني امشيك شوي في السكن طبعا ما ادري وش اقول بس كان مره
رايع. من المواقف البايخه اللي خربت الجو ومالها داعي اني شفت في السكن ولد صغير امريكي
عمره حوالي ثمان سنين يلعب مع كلبه اللي كان كبر الخروف……انا طبعا ما ادري ان الولد يلعب مع
الكلب وما ادري اصلا ان فيه ناس تربي كلاب …..وخصوصا ان الكلب
كان شكله غريب وما هو زي سلوقياتنا اللي تحرس الغنم…..المهم انا شفت الكلب يطرد الولد والولد
يجفل بسرعه ما دريت انهم يمزحون انا فكرت ان الكلب يبغى ياكل البزر قلت لخويي بسرعه
(وقف…وقف…وقف)…..الرجال طبعا ما درى وش السالفه ووقف وانا
ما كذبت خبر ونزلت من السياره واخذ ذيك الحصاة اللي لو حذفت بها جدار طيحته …واطلقتها على
الكلب الا وانا كاسر ساقه. استغربت يوم شفت الولد راح للكلب وانحنى عليه وقام يصيح ويبكي ….في
البدايه جتني نشوة انتصار بس في النهايه جا الامن ولعنوا خامسي وخامس خويي اللي لعن خامسي
قبلهم وعالجنا الكلب (قصدي رجل الكلب) وكلفنا الفين ريال …هذا كله غير الشتايم والملعنه اللي كانت تنقال بالانقليزي…بعد كذا ما عاد صرت الوم الوالد الى منه فضل
خرفانه علينا….بصراحه معه حق..؟؟؟!!!!

بعد حوالي شهرين في الجامعه اتصلوا ارامكو وقالو انقبلت ولازم تداوم
اليوم الفلاني……طبعا وافقت ورحت اسأل الشباب وكلهم شجعوني على القبول لان ارامكو راح
تدرسنا عندها سنه وبعدين حسب المعدل يخيرون الطالب بين دراسة الهندسه وبعض التخصات العلميه
في جامعة البترول او امريكا………

وافقت وبديت اودع الجامعه وكنت اتوقع ان الجو في ارامكو على الاقل بيكون احسن وصدقوني كل شي
كنت افكر فيه الا اني بروح امريكا….اصلا انا ما عندي جواز ولا عمري طلعت من الصحرا الا
للشرقيه ما بالكم بامريكا….واو قويه واجد…ولانها قويه ما فكرت فيها.

خلصت اوراقي من الجامعه ورحت لارامكو اللي كانت تبعد عن الجامعه اقل من واحد كيلو وكانت
الصدمه انهم حطوني في سكن اكثر وحشه وهدوء و ملل من سكن الجامعه …طبعا الوليده اللي هو انا
كنت اظن انهم بيحطوني في السكن اللي كسرت ساق الكلب فيه…لكن
وين الظاهر كنت احلم وكان الكلب اولى مني بكثير انه يكون له سكن داخل وانا لا.

الدراسه تقريبا نفس نظام الجامعه ونفس جنسيات المدرسين بس كانت اثقل شوي لان فيه مواد فيزيا
وكيميا ورياضيات وانقليز وكلها لازم تنتهي في سنه او اقل. طبعا ما عندي أي مشكله في المواد
العلميه ولو انها كانت بالانجليزي بس الانقليز الملعون نفسه عيا لا يصادقني……وعندهم نظام ان
نتايج الشخص في الانجليز وتقريبا في السنه كلها يحددها اختبارات
توفل يسوونها من وقت لاخر بعضها خرطي وبعضها رسمي….وعلى
شان يعدي الواحد لازم يجيب في ها الاختبارات فوق خمسميه نقطه. ……والى اللقاء بكره
…..انتظروني ما راح اتاخر الا اذا صارت لي ظروف

ولد السراة

القصه حقيقيه 100% و صاحبها كتبها بنفسه على أنها مذكرات .......

و هو على ما ذكر في بداية القصه إنه فعلاً كان عايش في الربع الخالي......

و بعدين وش سالفة الأفلام هذي

عاد إنت جلس أبوك يفرجك على أفلام أكشن قبل ما تروح أمريكا

اعترف يالعمري إيش سويت أول ما رحت عمريكا ............( ليت لي عين عليك )
خخخخخخخخخخخخخخخخخخخخخخخخخخ



حادي بادي

جامعة الملك فهد في الأحساء ؟؟؟؟؟؟؟؟؟؟

جامعة الملك فهد للبترول والمعادن في الظهران ......
و بالنسبه للقصه فهي حقيقية كما ذكرت للأخ ولد السراة ...........


تابعونااااا في الحلقات القادمه راح تعرفون إن القصة حقيقية....

قصه بالفعل مشوقه جداً وتجذب المتابع للاطلاع على باقي تفاصيلها
وانا اعتبرها قصة عسل مدسوس بداخلها سم زعاف يقتل كل معاني الاصالة وجميع الخصال الحميده
إضافة الى تحقير البدو واتهامهم بالتخلف والجمود 0
وما كاتبها الا لبرالي يستخدم مثل هذه القصص لتشوية سمعة الملتزمين بالعوائد والتاصل0
ولكي يدخل لكم من جانب اخر وهو وضع كل الحياة البدوية وتصويرها بصورة سيئة0
ثم ينادي بحرية الانطلاق للابناء0
والبنت هي من الابناء ولا بد ان تتحرر وغير ذلك من الكلام
راجعوا القصة مرة اخرى وسوف تكتشفون المغالطات التي لا يمكن لاي قبيلي ان يقبل بها
فكيف برجل يصف نفسه بالغباء والتخلف والجمود وكل معاني الحقارة ان يرضى بمثل هذا0

حاشي ....

الله يهديك بس ..............طيب استنى لين تخلص القصه وبعدين احكم وحط اللي تبي من التحليلات والتفنيد والنقد والترجيح .........

ولي معك نقاش بعد نهايه القصه......

الحلقة السابعة

هلا ومسهلا بالجميع وارجو اني اكون على الوعد.......

مثل ما قريتوا وعرفتوا ، انتقلت الى ارامكو الى حياتي الجديده وسكنت
في حي اسمه المنيره في الظهران.....في البدايه خيروني بين السكن في عمارات كبيره طويله او في
غرف قديمه مبنيه على الارض يسمونها لاينات....اخترت الخيار الثاني لسبب بسيط اني ابغى ابقى
قريب من الشمس من التراب من الزرع ما ابغى عمارات وسلالم وظلام وجدران واجد......طبعا ما فيه
احد اتوقع خيروه وسوا زيي ولو ان الخيارات كلها متقاربه لكن النفس وهواها.


نظام السكن عندهم زي الجامعه لازم كل اثنين في غرفه وطبعا في ارامكو ما اعرف احد ولازم اسكن
مع شخص او اجيب شخص يسكن معي......وهذي من اكبر المشاكل لان ها الشخص بيعيش معك سنين
وكل يوم بتقابل خشته اكثر من مقابلتك لاي شخص ثاني لذلك لازم تكونون على درجه كبيره جدا من
التفاهم والتنسيق... لحسن الحظ عطاني المسئول في الاسكان قايمه باسماء الناس اللي ممكن اني
اسكن معهم وكانوا ها الناس طبعا ساكنين بمفردهم. اخترت واحد منهم ما عمرى شفته ولا اعرفه ابد
بس اني شفت اسمه من ناس معروفين ونشاما (شرواكم)....طبعا كنت
حريص اني اسكن في اللاينات وان الشخص اللي اسكن معه يستمر معي.


خلصت اوراق السكن واخذت المفتاح ورحت للغرفه اشوفها قبل ما اجيب العفش
اللي ما كان يزيدعن شنطه صغيره. طبعا كان من الاسلوب اني اروح للرجال قبل ما اسجل
اسمي معه واخذ راييه واشوف اذا وده بخوتي ولا لا ...لأن الرجال يمكن يكون مرتبط مع شخص ثاني
او ينتظر احد غيري من قرايبه او اصدقاه بس وش نسوي البدوي طول عمره بدوي.....المهم رحت
للرجال وما حصلته وكان الوقت للصبح ...رحت للجامعه للشباب ورجعت للرجال بعد المغرب وحصلته
هالمره وبصراحه ما اكذب عليكم كان من احسن والطف واهدى الناس ......ما
تخيلون سعادتي وفعلا حسيت اني محظوظ وان البدايه مشجعه...الشي الوحيد اللي كنت اتمناه
ان ها الشخص يكون معي في نفس البرنامج اللي ادرس فيه.....لانه كان في برنامج ثاني يسمونه نظام
المشغلين وهو عباره عن سنتين وبعدها يتوظف الشخص في واحد من اقسام الشركه.


دراستهم حبيبه وسهله والشباب متعودين في ها الفتره يفلون الشغله.....جبنا العفش واخذت مكاني من
الغرفه وبدت تقريبا مرحلة الاستقرار وما بقى الا الدراسه وهمها. بصراحه كان الدوام بالنسبه لى
مرهق كثير ومتعب ومضغوط بس ما كانت المواد صعبه ابد.... كنا نصحى قبل سبعه وعليها الى حوالي
خمس الليل يكون حل الواجبات ومذاكرة الامتحانات اللي ما كانوا يشبعون منها.


من الاشيا اللي كنت حريص عليها اني اتعلم انقليز بقدر الامكان ....وفعلا اشتريت
كتب واشرطه وقواميس وبديت ادردش مع بعض الشباب بالانقليزي ومن الاشياء اللي ساعدت
على تحسين بعد اللغه هو وجودي في بيئه تقريبا كل اللي فيها يتكلمون انقليزي ..... مضت الايام وكان
الوضع لايخلو احيانا من بعض الصعوبات والمشاكل والحنين للاهل اللي ما كان بيني وبينهم اي وسيلة
اتصال غير بعض المكالمات النادره لجماعتنا اللي في المدينه ويبلغون السلام للاهل.


خلوني اعطيكم اخر المغامرات المره اللي صارت قبل المرحله الحاسمه.....في مره من المرات كان
الجو في الشرقيه ربيع ومروني الشباب وقالوا بيطلعون للهاف موون (شاطي على
الخليج العربي نصفه طعوس والباقي بحر).....اتفقنا ان حنا بنجلس هناك يومين .....الشباب
الموجودين كانوا من الجامعه ومن ارامكو وكنا في عطلة نهاية الاسبوع .....المهم اخذنا الخيمه
وحركنا وخيمنا على الشاطي ....واحد من الشباب اسمحوا لي اقول لكم اسمه (حم
وعلى فكره تراه واحد من اللي يقرون ها المذكرات
(هلا ابو حميد اخبارك ...تذكر ها العلقه...!!!!) كان عليه طلعات وذاك
اليوم كان لابس لبس باكستاني وكلكم تعرفونه ذاك اللبس الوسيع ......بعد ما خيمنا واستقرينا وكان
الوقت غيبة شمس وكان العالم زحمه مره....رحت انا والشيخ حمد نمشي على ارجيلنا ونسولف
ونطالع ها العالم .....المهم شوي الا ها الزحمه والناس تجمعت اثاري القصه خناقه بين شباب
سعوديين عددهم ثلاثه واربعه سودانيين بصراحه كانت خناقه حامية الوطيس (حلوه الوطيس هذي) ......
وبصراحه اكثر كانت حالة جماعتنا السعوديين تفشل مره المهم فزعنا على شان نفك الخناقه وحصلنا
انفسنا جزء من ها الخناقه والسبب ان الشباب السعوديين يحسبون الشيخ حمد اجنبي فازع للسودانيين
والسودانيين يحسبونه مع السعوديين المهم انطقينا طق الله لا يذوقكم مثله ..... وبسرعه فزعوا عيال
العون وفكوا الخناقه ورغم الدم اللي تغشى وجهي والحاله الشينه اللي انا فيها قعدت ادور
لحمد .....من الناس اللي حضروا الهوشه جماعه باكستان ويوم كلن فزع
لخويه ما قصروا وفزعوا لحمد على اساس انه من جماعتهم ...والله العظيم رغم الحاله الشينه اللي
كنت فيها اني قعدت اضحك مثل الخبل وانا اشوف البا**تان يرطنون مع ابو حميد بالاوردو وينظفون
الدم من على جسمه.....حاجه وحده بقولها لكم وهي ان حنا دخلنا الخناقه وطلعنا منها والى يومكم هذا
ماندري ليه وايش سببها ولا ايش نهايتها. ... وبكذا انتها الجزء بس بكمله و بقول لكم قصة اول
اجازه .....وبعدها بنروح مع بعض امريكا........نشوفكم