أبيات أعجبتني 00 كل واحد يشـارك

لاخلا ولا عدم
يعطيك العافيه أخوي سد الوادي
مشاركه ولا اروع بروعة تواجدك عزيزي
وكلك ذووق
رعاااك الله

كنت اقول ان الزمن ما يفرّقنا = طال ماحنا على الارض ماشيني
كانت امال السعادة تعانقنا = وانت صافي لي ودينك على ديني
كل ما يضحك لنا الوقت صدقنا = ما دريت ان الليالي تمنيني
نرسم الخطة والاقدار تسبقنا = مثل ما ترميك بالنار ترميني
اعتقد ما ذاق مخلوق ما ذقنا = يحسبونا بالمحبة مجانيني
خل نار الحب يا حلو تحرقنا = قبلنا كم طاح فيها ملاييني
وفقك ربي وحنا يوفقنا = حاكم(ن) فينا الزمن يا نظر عيني

ما قلت لك حزني

صادق ..

إلى أبعد حد ..

جزره يبكيّني ..

شف عاد كيف المد !!..

هذا حبيبـي وهـذا اللـي تمنيتـه
ماغيره أحد مـلا قلبـي ولاعينـي
هذا الـذي بيـن النـاس حبيتـه
أغليه وأدري كثر ما أغليه يغليني..

كان الامل منا شكى لفحة البرد=قله تراه البرد منا حراره
حنا ليامنا شعرنا لنا السرد=نجعل حلاة الشعر تقبل مراره
ولو الشعر يحتر منا له الفرد!=بيني وبينك يالمشاعر قراره

وإن قيل وإلا بدل أحباب بأحباب=قلت آآآآآآآه لكن من يسد بمكانه

من كُـثر صدماتي بناس(ن) عزيزين=قُمـت أتحرى صدمتي من ظلالي

لاتتعبيني يكفي القلــــب مجـــــــروح ** لاقلت احبك اسكتي...واسمعــ ـيني


ماجيت ادوّر فيك لوعـــــــــات وجــروح** جيتك وانا كلي امل ...تسعــــديني


جيتك وانا كلي احاسيس ووضـــــــوح** جيتك ابي لوساعةٍ...تفهمي ــــــــني


والله ماغيرك سكن داخــــل الــــــروح** ولاغيرك انتي وســـط قلبي وعيني

البيت هذا احس فيه اصالة ومعجبني...........

أنا لو تنمد لي يد بالطيب حشا والله ما اكلها=أنا بالعكس أقبل راس راعيها واعطرها

أحبك كثر ماطارت تحت شمـس الزمـان طيـور= أحبك كثر ماشـال السحـاب المـاء وفـرط بـه
أحبك كثر ماضاقت من أسباب الفـراق صـدور= أحبك كثر مامـرت علـى شفـاه البشـر كذبـة
أحبك كثـر مايمسـي يتيـم وخاطـره مكسـور= أحبك كثر مافي الناس .. نـاس ظروفهـا صعبـة
أحبـك كثـر ماتنقـال هالكلمـة بـدون شعـور= أحبـك كثـر ماتطـري بنفـس الآدمـي رغبـة !
أحبك كثـر ماضـاق المكـان بواحـد ٍ مقهـور= أحبك كثـر مافـي دنيـة البحـار مـن غربـة
أحبك كثر مايجلس على كتف الشجـر عصفـور= أحبك كثر مايشتاق حضن .. لحضن مـن حبّـه
أحبك كثر ماضاعت حروف ٍ في حكـي مبهـور = أحبـك كثـر ماتعبـث يديـن الطفـل باللعـبـة
أحبك كثر مـاردد حكيـم .. إن الزمـان يـدور= أحبك كلمة ٍ لـك قالهـا صـادق .. ومـن قلبـه
أحبك وادري إني قاسي وظالم .. غريب الطـور= بلحظه ممكن أقلبهـا علـى راسـك بـلا سبـه
أغيب وكنـي الفرقـا واصـد وكـن مالـك دور = أنانـي لحظـة عنـادي ولاتنفـع معـي طلبـه
أعود ّ لك وأنا خجلان شايـل شوقـي المغـرور= ألقى أحلـى ابتسامـه تنتظـر بشفاتـك العذبـة
عتابك لي بلحظات الغضب والنرفزه ..( مشكور ) = ألا ياسعْد من مثلـي رمـاك الحـظ فـي دربـه
أقول آسف .. تقول اسكت .. ومثلك لاخطا معذور = وتغرقنـي بعطفـك ليـن ينسـى خافقـي ذنبـه
بعد هذا حروفي لو تبـي تكتبـك صـارت نـور= وانا فيـك القصيـد ألقـاه .. يابعـده وياقربـه
لكن ذي وثيقة حـب ..أسطّرهـا وأنـا مجبـور= أبثبت لك حقوقـك فـي خفـوق ٍ مشغلـه ربـه
أحبك واعترف لو فـي يـدي مابدّلـك بالحـور= في عمري لقيتـك طيـر غـرد سابـق ٍ سربـه
أحبك كثر ماطارت تحت شمـس الزمـان طيـور= أحبك كثر ماشـال السحـاب المـاء وفـرط بـه

السراب اللي تباعد كل ما وجّهت يمّه =حالتي وياه حاله رحت ابشكي له عليه
التحفت بنظرته والشوق فيني جا يضمّه =واكتشفت ان الجفا في وسط دربه معتليه
ليش صاير مثل وردٍ يبخل بشوفه وشمّه =يجذبك في نظرته بس القهر تعجز تجيه
في طيوفه كني شفت الموج واصل حد كمّه =في متاهاته غديت ابحر ومجدافي يديه
وان تركت عروق قلب تنبض بعشقه ودمّه =ما لقيت اللي يقابل نبضها باللي تبيه
المطيّة لا مشت من دون عزم ودون همّه =والله ان الدرب معها يتعبك ما تنتهيه
والعطيّة لا غدت من دون نفس ودون ذمّه =حتى لو زاد العطا منها ترى ما تشتهيه
قلت احاول وابعد بنفسي عن العقرب وسمّه =يمكن القى لك يا قلبي شي غالي تهتويه
صار ذاك السم ارحم من حزن قلبي وهمّه =صرت اسولف مع ظنوني كل لحظه ليه ليه!
وين هاللي يقتفي كل الاثر باقصى متمّه =هو يبي يقدر يماشي خطوته ووصل اليه
والا شدّيت الخطاوي كني فارس في مهمّه =كيف لا والناس قالوا: منهو يسأل ما يتيه
لين اشوف انه حقيقة مو سراب رحت يمّه =وقتها باترك حروفي تشتكي منّه عليه

الكل يحلف انه انسان صادق = والصدق يحلف مالقى صدق إنسان

الكلام الزين يامال السلامة
مثلها والا فلا لازم كلامي

لاتعشمني بحبك يابعدي = خلها مادام باقي في يدي
إن هويتك خايف اغرق في الغرام = ولا اسيب الارض واسكن في الجدي
أنت مامثلك بهالدنيا شبيه = وأنت نور العين يالصبح الندي
كل ماناظرت حولي شفت ناس = مير احس اني مع الناس اوحدي
الله اعلم كيف هو عندي غلاك = وأنت تدري كيف حب الأجودي
لو علٌيه قلت احبك من زمان = لكن اللي ردني حظي الردي