أبيات أعجبتني 00 كل واحد يشـارك

صدق انتهينا..


لكن الحب باقي..


ماهو بيدينا ..


لانكتب يوم لفراق..


يمكن تلاقي..


وانا يمكن الاقي..



شي يصبرنا..


على "جرح"..


الاعمــــــــاق..!

:

:

:

الهوى اللي يطرح الرجال في يدين أجنبيه=علة ٍٍ بالجــــوف لااااتبرى ولايلقى دواها
والهنوف اللي لا رد الثار تاخذها الحميّه=شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطية=كثر ماتشتاق لعــماقي وأنا اشتاق لدفــاها
ياعروس الصبح يا أغلى خويه=صدقيني لوأموت بجرحها ما أطلب دواها

ياقلب "يجرح"حد سيف(ن) سطا بي = اصدق معاني الحب ما"يجرحك"سيف..
على "جروح"الهم تهدي عذابي = وانا عيوني بالوفا تشحذ الطيف..
من آخر الصفحات تقرا كتابي = دورة فلك حبك ورى مالها صيف..
موقفك ياوهج العذاب انتهى بي = في ديرة(ن) ماجا هواها على الكيف..
ابلغ مشاعر غربتي واغترابي = دمعة ظماها من عيون المواليف
يمك حنيني يا "حبيبي" سرى بي = على "عروس البحر" وانت عاملتني ضيف

:

:

:

أعذروني على التأخير في الكتابة

هذي من أشعاري أكتبها على الكيبور طازا

يعني يبغى لها ركادة

*
*
*
*

الله وهبني لحبك والغـلاء سامـي=الله عطاك الغلاء وأصبحت مجنوك
ياحاظري في الحياة ومقبل أيامـي=أنت الوحيد بعيون وقلـب مفتونـك
والله ماقلتها لـك زيـف واوهامـي=على طريق الوفاء والحب مديونـك
كنك تقـول الوعـد قـدام قدامـي=مالي مع اللي وراك ولا لي بدونك
شرحي لحبك بشعري مصدر الهامي=أجمل بيوت القصايد فدوة عيونـك
يا بلسم الجرح غاية قلبي الضامـي=عساء العذارى يانور العين يفدونك
تستاهل الحب والتقديـر وهيامـي=الله ما أكثر غلاك بقلـب مظنونـك
من اليمن والخليج ومصر والشامي=كون الغنادير عندي يغرق بكونـك
بأول لقاناء حيت بعيونك أحلامـي=والموت منها وأنا ماقلت لك هونك
لكن خل الغلاء في صدرك وسامي=واهل الحكي والعـواذل لايهمونـك

انا عرفت الحب يوم عرفتك = ومن قبل اعرفك والهوى ماصفالي
احلف برب البيت ماشفت مثلك = انته فريد النوع بأول وتالي
ماينحسب عمري ومافات قبلك = وكل الدقايق ضايعه في خيالي
ومن يوم ضحكت لي اسارير وجهك = استبشرت دنياي ياراس مالي
اكتب حروف الحب ياشوق لجلك = والله ماغيرك على القلب غالي
ياغالي قلبي يحن وقربلك = وقربك هوى قلبي وراحات بالي

:

:

:

ابهديها لشخص ..


يستاهلها.. الآن..!

حيث ماتسري بفكرك تسري افكاري وراك=يا غرامي يا وجودي يا حياتي والنظير
لا وحق اللي خلقني ان قلبي مانساك=وان بعدت شوي عني جيتك بروحي اطير
انت نبض القلب فيني تجري بعروقي دماك=بختصار.. البعد عنك شي لا يمكن يصير..

لك الله مالها معنى حياة كلها احزان = تعذبني واعذبها وقسوتها تشقيني
ليالي بعندي اتعبها وليالي بعندها تعبان = تصارعني على موتي وموتتها بتحييني
جروحي كلها عطبا وبعيده ديرة النسيان = نساني فرحي بدربي وهمي من ينسيني
غلطت وغلطتي اني اعيش بعالمي انسان = تجرحني احاسيسي وجرح الذات يبكيني
صدقت بعالمي لكن حياتي مابها صدقان = صدوق الود يبعدني عنه واحيان يدنيني
تبعت بدنيتي مبدأ ومن يتبع فكر خسران = اعيش بعالم(ن) غابه وتتحطم قوانيني
وجيه(ن) تختلف دايم وتعطي لك جميع الوان = عجزت اميز وجيه(ن) بلا لون يخدع عيني
قلوب كلها سودا وتزرع فالدروب اشجان = ودروب(ن) كلها ظلما بلا نور(ن) يدليني
حياة(ن) مالها معنى بلا حب وبلا احسان = وبلا ود(ن) ولا شوق(ن) لجل عين(ن)يعنيني
لك لله مالها معنى حياة مابها صدقان = بكيت لهمها دايم وهمي دوم يبكيني

:

:

:

أممممممممممممممممممممم

أقول باسم الله

*
*
*

مجنون فيها جنون الحب وأهواها=ومن كثر ماحبــــها جريت موالي
الله ماحلا سوالفها وما أحلاها=لي سولفت كل شـــي بالكون يحلالي
ياويل قلبي على طلعة محياها=شي خيــــــالي مثير ومستوى عالي
اشتاق ودي بشوفتها ولقياها=ياليتها لين يقضي العمــر تبقالي
عطر المساء وان طرت لي زان مسراها=اسري على طيفها ويضيع غربالي
لعيونها لو يضيع العمر يفداها=مادام مافي حياتي غيرها غالي
جروحي اللي لجت فيني هي دواها=والهم في قربـها ماهوب يطرالي
ياشين وقت مضى وانا بلياها=حتى الفرح فية ماعمره تهيالي
لوهو بكيفي قضيت العمر وياها=آآآه يارب... ليت المقادير تصفالي
لكن لها عهد مني ماتناساها=ابقى على عهدها وتعيش في بالي

نعم مره..


نعم ثنتين..


نعم ألفين..2000


..

نعم مليون..!


احبك ..


لويصير الكون..


حسود وعاذل(ن)..


مجنون..


احبك ليش ..؟!


لا تسأل..


احبك لانك الاجمل..


بعيني ..


يابعد عيني..


احبك لانك الاجمل..


:

:

:

ابي عشق تحسب له كل نظرات العيون حساب=وابي قلب على قلبي وابي دين على ديني
وابي نظرة عطا توفي ولا تخلف بدون اسباب=وابي منك قبل لا انتي تصديني توديني

ابيك الناس..


وابيك إحساس..


وابيك تكون لي معنى..


وابي احيا في واقعنا..


واقعنا..!


وكل اللي تبيه..


يصير..


يامشغلني وانا توي اعرفك تو..


انا ودي تشيل من عالمي هاللو..


تكون اقرب من عروقي..


الى عروقي..


وتصبح ضحكه..في شروقي..


وكل اللي تبيه يصير..

:

:

:

الليالي والخلا والغيم وأنسام الهبايب

والقمر و نجوم تسهر والهوى في البال ذايب

والتمر والبن ودلال(ن) على الشبّة نصايب

والسوالف والتماسي .. وجلسة أصحاب وحبايب

كلها ماتداوي وحشتك لا صرت غايب!!!




لي طموح ولك أماني..

ولك غلا.. وسط الحنايا في كياني

وللهوى عهد... وللقيا أغاني..

وللجروح أسرار بالخافق تعاني




تمنيتك معي دايم

تعــــــــــالي

واحضني قلبي ونامي

واهمسي لي.. كم أحبك ياحبيبي

آآآآه لو تدري بشوقي

واحتراقي... أنت يا مملوح ذوقـي

بتسمعي .. عقبه ..تعالي..ثم تعالي

أحرق ضلوعي بصدرك

وأمسح دموعك بايدي

وأرتشف بين الشفايف طعم أشواقي بريقي

وأتغـذى من عـسلها .. لين مايشبع وريدي


وأنسى نفسي.. وأنتي انسي

كم عدد أيام عـمرك

كم عـيون تحترق من لحظ جـمرك

وسولفي لي..

واضحكي .. لا تستحي من أي شي لا تخـجـلي

واقربي.. هاتي يدينك..

واطـلقي خافي حنينك..

وسافري بين الضلوع اللي تضمّك

واهمسي في ثغـري المشتاق من ألحان حبّك

الله ... ياحرّ أنفاسك تدفّـي

الله... زيدي ياعـيوني .. مايكفّي


شتتيني...ذوبيني في رحيقك.. جننيني

اهوسيني.. ما آبي أرجع في همومي



أنتي يا أعـذب ألوان الغـروب

أنتي يا صوت لحن واله(ن) يمي طروب

أنتي ياملاك الحب.. يا شامة الحسن المعنّى.. يا بعد كل من قام وتعنّى

يالغلا .. ياشوق.. وأنفاس (ن) حنونة

أنا بك أحيا.. لا تبعـدي عـني.. ترى أفنى

صدقيني زود بأبلى

صدقيني حيييل بأشقى

*
*
*

أحد أبرز مشاركاتي السابقة بالمنتدى نسختها كماهي

خلاص انتا حياتي والاماني = وغيرك انت ابد مافيه ثاني
حياتي كلها وانتا وجودي = اما دنياي ياضحكة زماني
احبك حب صعب اوصف شعوري = عن التعبير يعجز بي لساني
احبك صدق من قلبي اقوله = ولو بخفيه بعيوني يباني
معك قلبي يحس بكل همسه = تهز الشوق في داخل كياني

:

:

:

احبـــك والغلا بـــــيّن ولـو طـوّلت بسكاتي=انــين الآه يفضــحني إذا طــرّوك بغـــــيابك