أبيات أعجبتني 00 كل واحد يشـارك

الظاهر انـك تواعدنـى وتنسانـى=والظاهر انـى تمنيتـك ولا جيتـك
لاصرت ضدى واناهمـى تولانـى=كيف؟ الطريقه عسى ما ينهدم بيتـك
ماعاد فينى صبر يوم العمـر فانـى=تبى الصراحه قسـم بالله (حبيتـك)
كلمة (أحبك) بقلبي تسبـق لسانـى=أكتب وغيرى يغنيها علـى صيتـك
المشكلـه أنـك تدوّرنـى وتلقانـى=أمـا أنـا لا بغيتـك مـا تلاقيتـك
ان جيت همى من الفرقا على أمتانى=أرجع وهمى بقلبـي حـس ياليتـك
أثريك تفرح على بعدي وهجرانـى=وانا على النيّه امشى يـوم خليتـك
الجرح الأول يجى من بعده الثانـي=هذا جزايه؟ حبيبي يوم بديتـك..!!
مابيك ترجع بعد هذا علـى شانـي=يحّرم عليّ القصيد إن كان رديتـك
وإن كان قصدك تحدي..! لا تحداني=والله تبطـى حبيبـى مـا ترجيتـك
رح فى طريقك وانا بجاهد أحزاني=تبى الصراحه قسـم بالله (حبيتـك)

رجـــل تنـاديـنـه ولا يـسـمــع الــصــوت =خــســارة سـمـعــه وصــوتــه وشــوفــه
ورجــل يضـمـك بـيـن ايـاديــه ويـمــوت =والله مــــا يـلـحــق حـيــاتــه حـســوفــه

أنا حبّيتها والحبّ بلوى = مصيبة من مصيبات الزماني
أنا مالي غنى عنّه وسلوى = عطيته في الهوى كامل حناني
وخلّ القلب بالنيران يكوى = عسى يعمل حسابه يوم ثاني
وقالوا ليه ماقدّمت شكوى = وكيف اشكيك يا مالك كياني

ليت الغلا ينقاس وتقيس قـدرك=وتشوف بالغالي كثر ماني اغليك
امر على روحي واطيع لأمـرك=اموت انا برضاك ويـا تغليـك
راضى بخيرك ياغناتي وشـرك=القلب يالغالي ترى حيل هاويـك
خذني قلاده حطها فوق صـدرك=او خاتم المـاس بزينـه يحليـك
او اعتبرني سر من اسرار عمرك=او اعتبرني ايا حاجـه ترضيـك
انا اعتبرني نار حبـك وخيـرك=برد وسلام المغرم بـك يناديـك
اكيد يإنك عارفـن وش قـدرك=لاني بصراحه غايتي ميتن فيـك
ليت الغلا ينقاس وتقيس قـدرك=وتشوف بالغالي كثر ماني اغليك

نفسي عزيزة من جفاني جفيته = حتّى ولو يصعب على القلب فرقاه
الصاحب المغرور يفداه بيته = واللّه ماهين النّفس وادوّر ارضاه

على شوفتك يابعد روحي ذكرني النوم =وأمطر سحابي بعد ماالنوم ناسانـي
تخطت عظامي رقصـةِ لازم وملـزوم =أهني المداخل بعد ما الزيـن وافانـي
تناثر احساسي عشق عله عيوني دوم =وماشفت وجدي يـوم ابـدع وغنانـي
أنا مانسيت احسب فرقاك يوم..بيـوم =لي الله على خوفي .. وياقـوة إيمانـي
صحيح ان قلبي ماهدا غايـم ومغيـوم =ولكن صبري طـول الأيـام خاوانـي
تبقى على جل إحتمالي لكـم مرسـوم =شموع الغلا ولا على العهـد وأمانـي
كتبتك ولا لي حيلـهِ غيـر أنا مغـروم =كتبتك صدى ولا على صوتـي الثانـي
أهين القلم والحبر.. وانظم لركب العوم =لجل خاطرك اخطي .. واقلب لك أوزاني
كذا..أواكذا تقـول حقـي أناالمهظـوم =وأنا اللي عطيتك مـاورا ثورة أزمانـي

الحبّ عظّم صورتك في خيالي = ولاّ انت ميّت قلب ماعندك احساس
توّي عرفتك في الليالي التوالي = سود الليالي تكشف الناس للناس

لاضاق صدري ذكرتك وانشرح بالي= ياسعد منهو تجي دايـم علـى بالـه

قالوا تزوج قلت انا العرس مابغيه = ألاّ ان حصل لي الزين حلو المعاني
الصاحب اللّي جعل ربي يخلّيه = عمره يقارب عشر فوق الثماني

يعني عشانك فالعليا تغليّن!=ماهوب ذنبي بيتنا فالسويدي
ردّي علي والا بعد لا تردين=زيدي على قلبي تغليّك زيدي
أنا لو انك ساكنه بيت من طين=عمر الهوى ما يختلف في وريدي

جتني تجر الخطاوي مثقلتها الـدروب=كن الليالي تعثر فـي طـرف ثوبهـا
تنقظ سوالف شقاها ثوب واتخيط ثوب= شحت سنين الزمان وضاقت دروبهـا

الوناسـه تعطـي المبتلـي نوعـيـن /غــم=غم كتْم !/وغَْم(ن)أقـوى وحـال(ن) مرتجـي
إن بنـت لمجـاد مجد(ن)فهـاك المجـد كـم؟=اختبـارات الشهـادات تخـشـى منهـجـيّ؟

يقول سدّ النافذة بالمسامير = مايعرف أن الحب حاكم وجبّار
راعي الهوى دايم كثير التدابير = ما يمنعه باب(ن) ولا حايط أجدار

تراقص ياقصيدي للبعيده قرب المشـوار= وقـربها احاكيها وخل الكُل متهنى
كذب من قال ذاك!ألحب له مَعمل وله تـكرار=تراى بعض الخلا وسواس يتمثل على جني
بنيه والوفاء حاضر ورمز العهد يبقى اسرار=عشقتك حرف اكتب به ولِكْ منيّ وله رني
تبين الصدق في نكته إذا جات النكت بأشعار=هذولي كلهم ضحكو ونكته كلها عني
هذاك انتي بديتيبي تبيني و الزمن دوار=ابيك انتي تعرفي دورته وش ماخذه مني
غلاك اول غلاك اللحين ما ينقصه غير اعصار=تبين الشوق يبقى لك حرام(ن) ما يثمني
لك انتي بالحشى منزل وزارع حوله الزوار=انـا لاهبت في قلبي عـزيز(ن)ينتهي ضني

صح لسانك يالمسكت
ووهذا تكفي ...

كاسٍ كسرته ‚‚ في حظور الزعامه = عمدٍ ‚‚ ولا هو بالخطا مثل ما ظنّ
لي مبدأ حتم علي احترامه = ان كان ليله مع صباحه ‚‚ تلاقّن
وغمضت عيني عن وضايح حرامه = والعين ما تنظر ادموعٍ يهلنّ
بعض العرب فيه النقايض علامه = شفت العطا والشح فيه يتخاونّ
تلقى عباراته تجمّل كلامه = والقول عنده والفعل ما تساونّ
والكون هو صار الخلل في نظامه؟! = أو الخلل فينا يصير وتمكنّ
ما للخلود الا لفعل الكرامه = والا الحياة اسنين ثم ايتقافنّ
ما قلت بعضه بين صحو ومنامه = اخلاط حلمٍ تالي الليل حطّن