أبيات أعجبتني 00 كل واحد يشـارك

ابيك تلومني لا غبت وابيك تثور بي تزعل=وابي ارضيك بخضوعي معاك بكل غاياتي
تعال وقول انا الغلطان وسامحني ولاتخجل= تعال بلهفة العاشق تعال اسمع مناجاتي

مايفضح الي حب إلا آخر اللحظات =لامد كفه بالوداع وصد بعيونه
معاه رايات الأسى وجيش من العبرات=وبين الحنايا صهيل خيول محزونه
سلام يالي ناوي الفرقى عدد مافات =وتعداد مامر السحاب وهلت مزونه
سلام من قلب سكنته إنت والحسرات=غلاي تكفى يامودع ناظري صونه
إرحل وأنا برحل معي هم وتعب وسكات=وأسرار مابيني وبين الروح مدفونه
إرحل مادام الله كتب لك يالحبيب شتات =مالي على حكم القدر راي ولامونه
مالي بعدك غير الصبر ومجاذب الونات=وقصيدي الي كل خلق الله يغنونه
وإن طالت الغيبة أبنعي الحب لو مامات=عسى الهوى بك يشتعل وتردك ضنونه
وبحاول أنسى ولو يصيح بي الشوق هيهات =وبحاول أسلى ولو يصيح القلب ماأخونه

صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر

طيور القلب طارت لك .. وباقي في خفوقي طير
بيحضن حبك الخالد .. ويرعى بيتك الاخضر

من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر

وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر

أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر

تعالي نترك الدنيا ورانا .. وآخذك ونطير
تعالي رجعيني لي .. وخليني أعود اسمر

تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر

أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر

نسيت أقول لك .. انك عناوين الفرح والخير
وذكرت آقول لك .. اني أحبك قد ما أقدر

حــب إبـدويـة الله علـيـه = لاحبـت حبـت وهـذا حلاهـا
الشرف طبعها وتشتهـر فيـه = وجـود الوفـا زيـن حيـاهـا
حسنها بزين الطبايـع تحليـه= والحسن طبـع فيهـا وملاهـا
والشّعـر ترفعـه وإلا تخليـه = يجنـن ذاك الشّعـر وحـلاّهـا
والعيـن كحلهـا منهـا وفيـه = أجمـل عيـون ربـي عطاهـا
هالجمال عجزت أوصفه وأسميه = جمال إبدويه سبحان من سواها

شفتك مع اللي صار عقبي حبيبك!!.=واحتارت الدمعه...بعيني وصديت.

أمـوت من فـرقـاك .. وأمـوت بلقـاك=وأمـوت من جورك ..وأمـوت بحنـانك
كلِ قـضــاه يمـوت مـرّه ويفــداك=وأنا أمــوت ألفين .مـرّه . عـشـانك
أذكــرك ..لامني نســيت إني أنسـاك=وأنســاك ..لامنّي ذكـرت انسـيــانك
رضـيت أنا بالهـم لرضـاك مـرضـاك=وارخصت لك قلبٍ جرحـتـه ..وصـانك
أجـيك في صدري عـتابِ ..وابجـفـاك=وأرجـع ألـوم الـوقت وأقـول خـانك
أحب فـيك ..احـسـاسي إني بلامــاك=في عـز خـوفي منـك احـس بأمـانك
عـجـزت أفـرق بين وصلك وفـرقـاك=ياللي عطـيت النـاس بيـدك عنـانـك
مــرً تجـيـني لين أقـول إنـي إيـاك=ومــر تروح .بـعـيـد وانـسي أوانك
أقـبل وتقـفي .. واعـتـذر عن خطاياك=وأقـول ما عـيـيـت ..عـيّـا. زمانك
وإن خــانتك دنيـاك .. أو خنت دنيـاك=إرجـع وتلـقـابي …مـكانك…مـكانك

ثلاث اسنين يالغالي وانا اشدد ورى الترحال=كشفت ان الوفاء منى وغيري عجز يحملها
تعبنا من سارب الوقت نتعذب مع التجوال=وانا لي خاطر(ن) صادق ونفس الكل يزهلها
على الفطره تعاملنا ومهما كثرت الاموال=يكون العز ساس العز ويبعد من يفعلها
توالت عندي إهموم الزمان وكثره الترحال=ورى صاحب يبيع ويشترفي ناس يجهلها

انا اللي لامشت رجلي على أرض(ن) لها النوماس=ومنهو تلمسه يدّي أزيده بالشرف تكّه
يمييز قلبي الطيبة ولكن لي بوسط الراس=نوايا لو نويت الشر تجي الركه هي الركه
كتبتك بالشعر مره وبغى يتكلم القرطاس=واحس إن القلم بيدي سجين يدور الفكه
تلوم الورق يحكي وأنا أكتب أصدق الاحساس=وتلوم القلم لما يقول الشعر لي بكه
تصدق تبكي أقلامي تخاف أكتب عن الأنجاس=تخاف افتح لها باب(ن) واعجز عنه لاصكه
نعم تترفع الاقلام تعبر عن بعض الأجناس=وأنا أقلامي خذت مني حقير(ن) ترفعه دكه
زمانك لو عطاك الدر انا اللي يهدي الألماس=فواتير الهوى عندي ترى بالكوم مصطكه
أنا الحبلين من حولي واجنب نفسي الوسواس=واذا بلعب انا خااااااابر دروبك يابلد مكة

حلوووه الابيات ذي العناء وربي عجبتني بالحييل

تذكري يـوم الغـلاء يجمـع اثنيـن=تذكري كيـف النوايـا سليمـه
تذكري وشلـون كنتـي تغاريـن=واقعـد احلـف انـك بقلبـي يتيمـه
اقنعك بعض احيان واحياااان تقسين=وأروح وارجع بـس كلـي عزيمـه
واليا نظرتي في عيونـي تقوليـن=اعـرف وفـاااك وحبنـا الله يديمـه
ياحلونا راضين او غير راضين=حتـى الزعـل ماكـان لـه اي قيمـه

يعطيك العافية يا مسكتوووووه

انت كلك ذوق ياخوي ..

*

*

لاضـاق صـدرك عـد فـعـلا المراقـيـب=في عالي المشراف سوق الركايـب
عـلـيـك بالـمـرقـاب لـوبـديـه تـعـيــب=لاكثـر هـمـك ســج عــوس النجـايـب
ابعـد عـن النـمـة وحــش العراقـيـب=اهـــل الـنـفـاق يـفـرقـون الـقـرايــب
وخلك مع الذربيـن وأهـل المواجيـب=ولا تستمع يا كود في أعلـوم شايـب
عليـك باللـي ماليـن راسـه الشـيـب=مـا ينطـق إلا هــرج عـاقـل و صـائـب
كــم شـايـبٍ تلـقـا علـومـه تعاجـيـب=مـن ماضـي الأيـام شــاف العاجـيـب
يا مجلس الشيبـان يذكـر بـه الطيـب=يوجـد بــه الرحـمـن وإبلـيـس غـايـب
تلـقـا مجالسـهـم كـرامــة وتـرحـيـب=والعـود ريـحـه مــع نسـيـم الهبـايـب
يا المستمـع خـذ قـول راع التجاريـب=جرب وشـاف وكـل شـيء ابسبايـب
ولا تخـاوي الا رجـل معـروف و أديـب=ينفعـك فـي الشـدة وقـت الصعائـب
وقت القسـا إزبـن عطيـب المظـاري=بعنـز عـلـى قــرمٍ عطـيـب الظـرايـب
إمــا نفـعـك وقــام لـــك بالمطـالـيـب=ولا أعـتـذر والـبـال سـامــح وطـايــب
وحذر ترى ولـد الـردي مالـه صحيـب=لاتـامـنـه يـجــذب عـلـيـك النـشـايـب
ولــد الــردى تـلـقـاه كـلــه عـذاريــب=خبـل وكــذوب وشقلبـانـي وسـأيـب
الـيـا بـــدا لـــه فـيــك لازم وتـرغـيـب=قــــام أيـتـحــلا بـالـعـلـوم الــذرايــب
ثــم ابـعـد وقـفــا خـبـيـث الهـنـاديـب=وينـسـاك لاجيـتـه لعـيـن الـرسـائـب
من جالس الإنذال يصبر على العيـب=احـذر تجالـس كـل مـن كــان خـائـب
لاتشتبك فـي امشربكـات الكواليـب=الشـر مـثـل امشربـكـات الشعـايـب
وليـا مسكتـك امعكـفـات المخالـيـب=اصبحت مـن عكـف المخاليـب عائـب
تجـنـب القـشـران والـشــر تجـنـيـب=الشر لا يجمع عليك عليـك الضرائـب
وخلـك عشيـر الغانميـن المعاطـيـب=ويصبـح عـدوك مــن مقابـلـك هـائـب
وعليـك باهـل الديـن وقـر المكاتـيـب=وسجد لرب الكون منشي السحائب
ديـن وتسليـم مـن عـذاب اللواهـيـب=نـاراً حطبهـا النـاس تشعـم شبـايـب
وحــذرا تــرا الـدنـيـا تـقـلـب تقـالـيـب= يـومـن تـلــم ويـــوم تـفــرق حـبـأيـب
دنـيــاك هـــذة ماتـعـلـمـك بـالـغـيـب=والعبـد مأيعـلـم مــن الغـيـب عـائـب
فـيـهــا تـمـتــاع وفـيــهــا عـواقــيــب=وفـيـهـا غـرابـيــلاً وفـيـهــا مـصـايــب
والموت مافـي المـوت شـكٍ ولاريـب=ولابــد مـــا تـركــز عـلـيـك النـصـايـب
والمـوت حـق وفـيـه جـنـه وتعـذيـب=وقافيـك مـن بعـد السـعـادة عقـايـب
حافـظ علـى الديـن وصلاتـك بترتيـب=ولا تموت غيـر انـت مـن الذنـب تايـب

واذا ماتت أمانينا وخان الوقت وتبدل=ابي ايديك تلازمني وتمسح كل معاناتي
واذا تحت الثرى جسمي بيبقى حبنا ويظل=معك دنياي أنا فيها ومن دونك نهاياتي

حلفت ياعمري ما ازعلك بالمره
دامك كذا بطبعك زعول

جيت امزح معك اثاريك جمره
تشب وتحترق على طول

مادريت انك رقيق سهل كسره
تنكسر من مزحً وقـول

العذر باعتذر لك الف مره
بس تّرفق علي يا عجول

احبك ويازينك ياحلاتك بالمره
من حقك تزعل ياخجول

هذا قلبي لاتحفر بيدنك قبره
ثـم تندم عليه يازعـول

مرات أفكر أجيك وقلبي يــمـنعني = مـلعـون هـالقـلب يـلعب عـلى كـيفه !!

اختلف فكري وضاقت محاريفه=همه الاول على همه التالي
خفه اللي يوم افصل تواصيفه=كل شي زين يطري على بالي
داخلن فالقلب يلعب على كيفه=رافع ضغطه على حده العالي
قلت ليه تعذبه؟! قال تصنيفه=داري اني سامح له وهو غالي
حاكم" حكم المعزب على ضيفه=جاز له ولا عطى الفنتق الخالي
والوليف تكود فرقا مواليفه=ينتقض ويموت مارد به حالي
خص مثلي يشتعل شعلة الليفه=فوق نار جمرها يشعل اشعالي
مايقاوي هم صده وتصريفه=وان بغى يصبر نهارين مااحتالي

تعال قلي وشني اعيش لجله=لاسرت وانت اللي عشقتك تخليت