كلمة من عندي وبيت شعر من عندك (2)

وحيد لوني والمشاعر على نور=غريب حتى إن الغرابه تناعر!
الشعر مجد(ن)يبني المجد دستور=وشعار بأنترنت (ولاهـم), مباعر!؟
وش فايده ننفخ مشاعر بها إشعور =لافايده في شعر مابه مشاعر!?
ياسيدي كان(ن)والوقت به جور=جور المشاعر غير لاجار شاعر؟!
شفني اغني وانبسط مير مقهور=موت القهر فيني على موت عاهر!

اغلى وطن
و
الكلمه
عباير

جااااااااكم السااااري يمسي الجميع بالخير
غزيزي واخي وصديقي بيت القصيـــــــــد
والله انا من الناس اللي ارتاح لك واتقبــــل
منك كل شي لك احترامي وتقديــــــــري
تتتتتتتتتتتتتتتتتتتتتتتتتتتتتتتتتتتتتتتت



( وش فايده)

ياأغلى وطن جيتك على كف طاير= والحمدلله ماصدفني صواديف
نصيحتك نور لعمي البصاير= وتاج على رؤس القمم والمشاريف
الى نصيت أنصى شيوخ العشاير= واطلب يد اللي خشمها سلة السيف
وش فايدة ناس تعبهم خساير=ضاعت امانيهم ولا جات عالكيف
ناس (ن)على الذكرى تهل العباير= نملة شتاء ترقد وتجمع في الصيف
ياأغلى وطن طب الكسور الجباير= ومصيبة الربان كسر المجاديف
بيت القصيد الشعر بوح الضماير=وزود الغلاء ماأظن يحتاج تعريف

الكلمه ----- القمه

المشاركة الأصلية كتبت بواسطة السارى

جااااااااكم السااااري يمسي الجميع بالخير
غزيزي واخي وصديقي بيت القصيـــــــــد
والله انا من الناس اللي ارتاح لك واتقبــــل
منك كل شي لك احترامي وتقديــــــــري
تتتتتتتتتتتتتتتتتتتتتتتتتتتتتتتتتتتتتتتت



( وش فايده)

ياأغلى وطن جيتك على كف طاير= والحمدلله ماصدفني صواديف
نصيحتك نور لعمي البصاير= وتاج على رؤس القمم والمشاريف
الى نصيت أنصى شيوخ العشاير= واطلب يد اللي خشمها سلة السيف
وش فايدة ناس تعبهم خساير=ضاعت امانيهم ولا جات عالكيف
ناس (ن)على الذكرى تهل العباير= نملة شتاء ترقد وتجمع في الصيف
ياأغلى وطن طب الكسور الجباير= ومصيبة الربان كسر المجاديف
بيت القصيد الشعر بوح الضماير=وزود الغلاء ماأظن يحتاج تعريف

الكلمه ----- القمه

هلا وغلا فيك الساريddfrad") وكلك ذوق
كان ردنا الظاهر بوقت واحد وجيت اسرع منك لكن فالك الطيب
على قولت خوينا الغراني واغلى وطن غالي على الكل

قمة القمه قصيد وليل ساهر=والشعور إكون صافي دون زيف
المشاعر كلها تهنى مساهر=خص لامن جاء على معنى نضيف
انت لوسهرتني يعني سواهر=شف حبيبي سارة إشعوري رهيف
مرحبا ترحيبة(ن)تصفاك جاهر=من غلايه في غلا قلبك يطيف

والكلمه
نفسها عباير

قصه طويله شفت منها الـ عباير
ما تكفي أبيات القصــــايد بنظمه

,,,,,

بيت القصيد ياجماعة الربع ! من أعز أصدقائي
حتى ولو مزحه عيار ثقيل !
وش نسوي بيت القصيد شخصيه محبوبه جدا

كفاني !

كفاني عذاب .. الله يجازيك بأفعالك = جرحت الضمير وماااا طرالك تداويني
مريض المحبة .. داه ودواه بوصالك = ألا كيف تبخل وانت .. نظرتك تشفيني

/

\

/

لا تنسوني ..

ماقصرو الشباب ردو

شفت الكلام وصارعلمي لشاعر
شاعر كلامٍ مال علمه معاكيف
******
ماني لسبك ولأولصفك ب عابر
ولأالمعاني في ورودك محاسيف
******
لا تنسٌوني كان خافي وضاهر
جيٌت علومه مثل جيت محاريف
******
يا مستهين غيرك أبدى وخابر
مال الكلا الشيف ألأ متاليف

الكلمه
ونت تضحك

أحسّبك صادق معي ونت تضحك
وآقول هذا خوي من بد الأخوان
* *
الماء تعكّــر بعد ما كان نضحك
أصفى العيون وسرّها بيد خوّان

*********

طبعا حاشاك يارابي الجنوب !

قالت ؟

اقول عام الفين كنا مجانين=قالت وعام الفين كنا مجنن

هلا وغلا اغلى وطن
مامعك غير قالت ناخوك
ههههههههههههههه

الكلمه
غندور

انا شفتكم خذتو علامي على جد = و انا امزح و قلبي صافيٍ يا رجاجيل
و لوكنت باحسبلكم يا هلا القد = فلا واحد منكم معه قدره و حيل
يطاول عظيم الشعر في بدعٍ و رد = وذا عاقل ما وقف ابدقلة السيل
و اغلى وطن من عام قد بيح السد = و لا ني بعده مع جمال و لا خيل
و حياتك يا ساري كلها جزر و مد = و لا انته بتعرف غير للحط و الشيل
و رابي ما حسبله في الصدر و الورد = يا ليته لبس ثوب بقد التفاصيل
علشان ما يعثر في الدرب و يهد = تبلى القصايد بالبيوت المهاليل
و بيت القصيد اذا نوى فيكم الشد = يعقل رجال في صفوف المهابيل

بيت القصيد

يامرحبا والعلم جانا موكد = والقصد مايحتاج وقفه وتحليل
ابشر بعزك وأنتصب وأسمع الرد=وقرب دلال الكيف واشر الفناجيل
للعزم والقوه شعار (ن) موحد= وللصدق والطيبه رجال حلاحيل
بيت القصيد اتفل على ابليس واركد= وجمع شتات الفكر وارحل مع الليل
أحذر ترى الساري كلامه محدد= من عادته ما يسمع القال والقيل
وأغلى وطن الى عزم ماتردد = ورابي الجنوب بعادته يوفي الكيل
جنا رجال الى رمينا نسدد= نقدر نميز صاحب العدل والميل
السارق المزاح يسرق ويشرد= خايف يطيح ويلتقي الهم والويل
هذي نصيحه وأكثر الناس يشهد= أن الكلام الصدق مافيه تبديل

المتحدث الرسمي
الساااااااري

أحذر ترى الساري كلامه محـدد
من عادته ما يسمع القـال والقيـل

كفو والله يالساري

وبيت القصيد بتجي على راسه كالعاده !! هههههههههههههههه

لي عوده إن شاء الله

الكلمه :

عندي !

الي يرحب ما عرفنا محله = و لا عرفنا له طريق ٍ و عنوان
فلا ايتزهل غير رجل مدله = وجه وجاه ٍ بين جبر و شيخان
الحمل قدامك تقدم و شله = و ان كان ما تقدر ترى العلم سيان
امثيل ما اتقدمت عود و خله = فلاهي عن ابوهريره و لا ابن حبان
و ابليس ملعونٍ ودربه مزله = و الى حلفان ما فجرنا بالايمان
الدين واحد و ايضا العز بالله = يا جايعٍ من غير زاد ٍ و ظميان
ضحك عليه اغلى وطن المعله = قدمه صوب الموت في ديرة الجان
ورابي الجنوب اتغيب و لا بذله = وشفيه ما اتغيب و هو العلم مزدان
بنصحك يالساري ودربك تدله = عود الى درب السلامه سليمان
اما رجعت ايقيم في حوش فله = اقاربك حل العزى وسط صيوان
منت اول و لا اخر غشيم يدله = عقله على دربي و يصبح خبر كان

بيت القصيد

شكرا للجميع اعلن الترفع عن المهاترات
التي انحشت منها ولحقتني في الرياض

اتنمى للجميع التوفيق وبالامكان الانتقال الى منتدى المحاوره
حيث ان هذا الموضوع خصص لغير ذلك احتراما لصاحبة الفكره
شكرا لمن جمعتنا بهم الاوقات الحلوه في هذا الموضوع وشكرا
لصاحبة الفكره 0
اخوكم الساااااري

لــــــــــــــــــــي عوده ....................




بيت القصيد

اقوول وش السااااالفه

الين تعرفون وش السالفه
يقول أبو نوره ..

ياصااحبي صديت عني وقفيت = وانا موريك الغلا والحشيمه
تبي تمللني وانا منك مليت = ماني بمن يرضى لنفسه هضيمه

والكلمه

وش صاار