وإن مـن الشعر لـحـكمه " يُـرجى المشاركة من الجميع "

إذا اصبحت عندي قوت يومي=فخل الهم عنـي يـا سعيـد
ولا تخطر هموم غـدٍ ببالـي=فـإن غـداً لـه رزق جديـد
اسـلـم إن أراد الله أمــراً=فاترك ما أريـد لمـا يريـد

أبوي قال : بانصحك عن جملة أجناس = مابيك صاحب لمثلهم بالخطيه
يابوك يابوك خل دربن به ادناس = ولا تدور كود روحه وجيه
وبانهاك عن ناس لها بالردى ساس = وتقول مالك بالعطا مقدريه
خلك معانا دايم و رافع الراس=وهم ناس أبدا ما ترد العطيه
ما تعترف بالجود ولا تحشم الناس = ويابوك ودي بك تعرف الحميه
لا شفت محتاج ذايق من العناااا باس= تـكون أكثر له من عياله واخيه
وتصاحب أهل الدين وهم خير جلاس= ان جاك خير ولاّ فلا تشوف سيّه
واسعى لرضى المولى وخل العمل فاس= تحطب به أعمالك والأعمال حيه
تلقا ثمرها عند ربك بلا قياس = واركب على الشهوات وخلها مطيه
واطلب رضى الوالد ترى فيه نوماس = وأمك لها واجب أمر به نبيه
والجار عده ضمن أهلك ولا انداس= من كان جاره يا محمد خويه
هذي وصية من جواهر وألماس = من راس شايب ما عرف يوم غيه
شايب عرف بالخلق صادق وهلاّس =ولا بخل لأجلي يقول الوصيه
ضرير لكن داخله قوة احساس = أبو مساعد شيخ كل البريه
لا صال ثم ان جال تقرع له اجراس= قوي حجه ولا يطوله سميّه
يغفر له الله ويطعمه من الخمر كاس=في جنة الخلد ولا تأذيه كيّه

شكرا لك ابوفارس على الموضوع الجميل والهادف

((اصبر على كيد الحسود فأن صبرك قاتله
فالنار تأكل بعضها ان لم تجد ماتأكله))

اذا المرءأفشى سره بلسانه ,,,,,,, ولام عليه غيره فهو أحمق

اذاضاق صدر المرء عن سرنفسه ,,,,, فصدر الذي يستودع السر أضيق

توكل على الرحمنِ في الأمرِ كلهِ = ولا ترغبنَّ يوماً في العجزِ عن الطلب ْ
ألم ترى أنَّ اللهَ قالَ لمريم = هزي إليكِ الجذع يساقط الرطب ؟
ولو شاءَ أن تجنيهِ من غيرِ هزهِ = جنتهُ ولكن كل رزقٍ لهُ سبب

السلام عليكم ورحمة الله وبركاته

أخي الباز نرحب بإنضمامك لقافلة الشعر والحكمة
الأخت العناااا أشكرك على تواصلك وإختياراتك الرائعة


هذان البيتان للأمام الشافعي رحمه الله

إذا لم أجد خلا تقيا فوحدتي= ألذ واشهى من غوى أعاشره
وأجلس وحدي للعبادة آمنـا =أقر لعيني من جـليس أحاذره

لو فاتتك بعض المكاسب والافراح = وانته بصحة صحتك قمة المال
واسمع كبير السن لا جاك نصاح = اللي حنت ظهره ثقيلات الاحمال
واصبر على المقسوم ماجاء وما راح = والصبر فيه النصر حتى ولو طال

أليا جهلت انشد ترى مابها عيب=لا تنخدع للجهل وأنت السبايـب
عيب الفتى مافية شك ولاريــب=ترك الفروض وقطع وصل القرايب
والعيب ترك ملازمات المواجيب=وتبع الردى ومجالسة كل خايب
فالتجربة برهان مافية تكذيــب=واليا جهلت انشد من القوم شايب
ولا قول يوجد شايب يعلم الغيب=الغيب يعلم به مدير الهبايــب
لاشك يوجد شايب له تجاريــب=ومن الدهر شاف الفكر والعجايب
بيض النواصي جبهته كلها شيب=من كثر ما مرت علية المصايب
قد صارع الدنيا على الخبث والطيب=فالغوص وإلا فوق روس النجايـب

يقول عبد قيس بن خفاف :

وإذا تشاجر في فؤادك مرة = أمران فاعمد للأعف الأجمل

ياويل من عمر تحداه لايام= وتلاحقه منذو طفولة شبابه

السلام عليكم ورحمة الله وبركاته

سهيل الشرق ، هتان ، القفلي
أهلا وسهلا بكم وحياكم الله
أشكركم على مشاركاتكم جميعاً

لولا الخطـاء ما احد(ن) عــرف واجـب الصـح =ولولا الجهـل ماصــار للعقـل مفعـول
ونطق اللســان لجوهـر القلب يشــرح =والصمت به حكمــة وراعيــه مجهــول
وكـم صـاحب وقت الرخـاء بك تربـح =وعنـد الشــدايد عنك ماهو بمســؤول
قلته وانا لي نفس تغضــب وتســمح =مثل العـرب ماني عن الناس معـزول
واليا حصــل عـز لـه النفـس تطمـح =العبـد رزقــه عنـد مـولاه مكفــول

نصيبك يصيبك وين ما كنت ما يخطيك = وكل(ن) عطاه الله نصيبه ومقسومه
ولو تحتمي بالأنس والجن ما تحميك = ولا يملكوا للعبد رزقه ولا يومه

السلام عليكم ورحمة الله وبركاته

اخي فتى السهوه حياك الله
أشكرك على تواصل مشاركاتك
يعطيك العافيه على هذه الأبيات
إن كانت من منقولك فهذا رائع وإن كانت من قولك فهي أروع

الطيــب مهنه للرجــال الصـنـاديــد =اللي مراجـــلهم تغيـــض الشـــحيحي
والا الــردى نقـــص ودايــم تنــاكيد =متعثــر دربـــه ودايـــم مطيحـــي
الطيــب واضح مشـــرف كنــه العيــــد =يمشــي به اللي عاقــل مســـتريحي
ومن يطلب العــليا بروس المشـــاهيد =يــدي حقــوق الله ولــو هو طـــريحي
ممشـــى بلا مصلـــوح دايم تنــــاهيد =يقطعــك من درب الوفـــى يالفصيحي

منقول

حياك الله وبياك أخي بو فارس
طبعا الأبيات للشاعر المعروف :
علي بن محمد القحطاني
وهو وأن عرف بأنه شاعر غزلي
وغنائي لكن في المقابل له الكثير من
قصائد النصح والحكمة ...........
وأليك أخي ابو فارس أحدى قصائد
القحطاني أرجو أن تستحسنها ذائقتك :

مساكين سكان الكرة وين ما كانوا = لأني عرفت ان اكثر الناس مخدوعين
يموتوا وهم في مطلب الرزق يتفانوا = فريقين كل الناس ظالم ومظلومين
وجدّانهم ماتوا وراحوا ولا بانوا = فيا قاطنين الظلم والجور مرحومين
ويا من على درب التقى والنقى عانوا = وهم عن طرق البطش والغش معصومين
لذكرى القرون اللي لسيف الزمن لانوا = هدايا المتاحف بين الاثار مرسومين
فيا ناس ياللي تفهموا ليش تتوانوا = مع صالح الأعمال للخير ملزومين

شكرا أخي أبو فارس على الترحيب الجميل 0

جربت الايام مثلي من يجربها= تجريب عاقل وذاق المر والحالي
نضحك مع الناس والدنيا نلاعبها = نمشي مع الفي طوع حيثما مالي