|
#1
08-06-2009, 10:15 AM
|
||||||||
|
||||||||
تــــو .... طين
قصيدة رائعة لشاعر إماراتي يشكي الحال تو . . طين وش عاد يا دار ٍ بها صار ( توطين ) و في مكتب التوظيف سوسن و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ؟ ) اقول انا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني ابخطب عندكم و اتّغلون ! عندي شهادة طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني . . تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا ّ تجينا بواسطه و سير مدهون ! ولا انثبر في بيتك . . افرك بكفين يومك يشابه امسك و عيش مغبون تعدادنا ويّاهم اربع ملايين و اهل البلد للحين ما صاروا مليون !! ويلاه من باكر اذا وضعنا الحين و احنا اقل من الربع حالنا شجون ! و اللي ابتسم له حظه والله مسكين ! حصّل وظيفه . . بس ف ي وين .. تدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين و اذا حسبتوا الدرب كم ساعه . .. تبكون يعني في كل احواله ذاق الأمرين شغّال محزون و بلا شغل محزون و الأجنبي اللي راتبه فوق عشرين فله و سياره و تذاكر . . و طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي من القعده على الكرسي بطون و يصير في بلاده غني و عنده برجين يرحل و هو جاحد . . و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم . . و شفتين صبح و عصر . . لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري . . كلنا طين و الخِـل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) . . كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( توطين ) يا كيف بيد الغرب توظيفه يكون ؟؟!! شعا رهم معروف ( راجعنا بعدين ) و باين من التأجيل .. انهم ي خافون اذا معك خبرة .. يا اهلين و سهل ين و اذا شهاده بس .. عن ّ ك يصدون ما عندنا شاغر . . و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولاّ أهاجر و آخذ الخبرة في الصين ؟ صح العيون صغار . . لكن يقدْرو ن سؤال يا دار ٍ ..صراحه بترضين ؟ اني أسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره . . اذا كنتوا ترضون ! ============================================ من بريدي واللبيب بلإشارة ... يقول عندنا وعندكم خير .. 
لآ ضآق صدري رحت للبر حطآب
|
|
08-06-2009, 08:35 PM
|
#2 | |
 
|
رد: تــــو .... طين
ان اشهد كل شي يمشي با الواسطه والدليل اكثر المهام توكل لغير اهلها ويا لبيب با الشاره وزان من التنبيش دايم مواضيعك في غا ية الجمال دمت في حفض الرحمن
|
|
|
|
|
08-06-2009, 10:03 PM
|
#3 | |
|
عين على بني عمرو
|
رد: تــــو .... طين
وهذا الحال مع شو بدك وشو هيك
الخليج بأكمله المواطن بعد الاجنبي في كل شي وهذا اللي نهب ثرواتنا شكراً لك وسلم شاعرها اخووك |
|
|
|
08-06-2009, 10:59 PM
|
#4 | ||||||||||
|
عضو قدير وصاحب مكانة بالمنتدى
|
رد: تــــو .... طين
اشكر لك هذا الإختيار .والوضع هذا خلاص سرنا متعوديين عليه . والقادم الله يستر ..؟؟؟؟؟؟؟؟ المنتدى ملغم ههههههههه تقبل خالص اشواقي......... |
||||||||||
|
لستُ مجبوراً أن أُفهم الآخرين من أنا فمن يملك مؤهِلات العقل والإحساس .. سأڪَـون أمـامهُ ڪَالكِتاب المفتـوح وعليـهِ أن يُحسِـن الإستيعاب .. وٍإذا طـال بي الغيــآب فَاأذڪَروا ڪَلمآتي وٍأصفحوا لي زلآتي 
|
|
08-07-2009, 12:06 AM
|
#5 | ||
|
رد: تــــو .... طين
اقتباس:
الجمال والروعة هو تشريفك متصفحي المتواضع .. فلكي التقدير |
||
|
لآ ضآق صدري رحت للبر حطآب
|
|
08-07-2009, 12:07 AM
|
#6 | ||
|
رد: تــــو .... طين
اقتباس:
|
||
|
لآ ضآق صدري رحت للبر حطآب
|
|
08-07-2009, 12:09 AM
|
#7 | |||||||||||
|
رد: تــــو .... طين
اقتباس:
يتغيرالوضع بمشيئة الله إلى الأفضل .. لا عدمت طلتك يا بعدهم كلهم .. لك ودي |
|||||||||||
|
لآ ضآق صدري رحت للبر حطآب
|
|
08-07-2009, 01:29 AM
|
#10 | |
|
مراقب
. قـيـمـتـكـ بـأخـلاقـكـ .
|
رد: تــــو .... طين
صقر عمري : الله يعطيك العافية طال عمرك أشكرك على هذا الطرح الرائع بروعتك حضور جميل كالعادة ، وإختيار موفق بزيادة ننتظر جديدك دمت بخير وفي خير |
|
|
|
08-07-2009, 03:50 AM
|
#11 | |
|
رد: تــــو .... طين
نبع الغلا
الحضور الجميل هو حضورك .. والتميز هو طريقك .. والجمال هو غايتك .. فلك مني جزيل الشكر على تعطيرك .. ووافر التقدير لقدومك .. |
|
|
لآ ضآق صدري رحت للبر حطآب
|
|
08-07-2009, 04:12 AM
|
#13 | |
|
رد: تــــو .... طين
عنده بدل كل شي عالراتب الفين حتى بدل معجون اسنان و صابون ! هههههههههه مااعرف الا بدل نقل هذي اول مره اسمع فيها بس يستاهلون الاجانب كل خير .....!!! يعطيك العاااااااااااااااافيه |
|
 
|
|
08-07-2009, 04:20 AM
|
#14 | ||
|
رد: تــــو .... طين
اقتباس:
لك صادق التقدير |
||
|
لآ ضآق صدري رحت للبر حطآب
|
|
08-07-2009, 04:27 AM
|
#15 | ||
|
رد: تــــو .... طين
اقتباس:
تعيش كتير تسمع كتير .. شاكر لكي التعطير .. ولكي التقدير |
||
|
لآ ضآق صدري رحت للبر حطآب
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
