التحيه لكم يابني عمر

يالله يارب طه والكتاب
دلني للحقيقه والصواب
ياسلامي على شيب وشباب
والتحية لكم يا ابني عمر
ياهل الأمجاد لابث الخبر
تغري محمية من غير حامي
ف النعم والسنا بارودها

غريبه منتدى كامل مافيه شعراء ؟؟؟؟؟؟؟؟

وادي الذياب

صح لسانك يا الغالي
على القصيدة الرائعة

وننتظر رد شعراء المنتدى وفي مقدمتهم غرمان بن عزيز ومحمد بن ثاير

مرحبا عد ما خط الكتاب =
ولا عد المزون اللي صواب =
بيننا ما حصل للاش باب =
وإن بنينا يجي المبنى عمر =
والجنوبي وصل حد الخبر =
وإن بدأ الحرب في الميدان حامي =
والبنادق ترى بارودها =

عاشوا وعلى القوة والله ..
وادي الذياب ..
غرمان بن عزيز ..
صحت السنتكم ولا عدمناكم وتقبلوا تقديري الخالص ..

وادي الذياب .. غرمان بن عزيز

صحوح ,, وياليت تستمرون على هذا المنوال .. وتتحفوننا بمثل هذا الرقي في المحاورة ..

وتقبلوا مروري ومودتي .. وعساكم على القوة

الحقيقه اعجبتني قصيدة الاخ وادي الذئاب
وحبيت اني اشارك بهذه القصيده

ياسلامي عدد مزن السحاب
يارجال المعرفه والصواب
صيتكم شامخا(ن) فوق العقاب
والردي لا يهدم ولا يـ عمر
عايش الذل عظمه ماجبر
انشدو شاعراً للضيف حامي
لابته ثورت بارودها

صحت السنتكم جميع

على القوه

السلام عليكم جميعا
الله يكفى شركم يابني عمر الظاهر اني بس حرضت على عمري ههههههه

اشكر كل من علق وشارك وقام بالمرور

كما اشكر المشرف غرمان بن عزيز × والشاعر غليص على الردود الطيبه

اسمع العلم من واد الذيــــــاب
عندي اسوال وابغى له جواب
مابغينا شفوف ولا عتــــــــاب
جيت اقدم قصيــــد من يســـر
وارقب الوضع معنا وانتظــــر
رمية طايشه من غير رامـــي
ما يصيب الهدف عبرودهـــــا

قاسي الصخر ما جاه الذياب =
والعسل يا عميلي في جواب =
والقصايد لها باب وعتاب =
جابها من يضر ومن يسر =
وأنا ما قلت أضرك وأنت ضر =
الله اللي علم غاية مرامي =
والقصايد بها عبر ودهى =

كلام كلام ..
لله دركم هذا الكلام الصح وينكم من زمان ..
عوافي والله ولكم تقديري ..

عدّ ما سال من سيل(ن) وصآب
وعدّ ماعطى الله لخلقه وهاب
ياسلامي لكم شيب وشباب
قلت اشارك مع اللي قد حضر
دام طيف الشعر قبلي يمر
القصايد تبي رجل(ن) عصامي
وإمّا انا قلتها وانا لها

عاشوا .. وعساكم على القوة ...

اشكر الجميع والله لايهينكم

انت ياساكن ساق الغراب
ودي انك تسجل ل انسحاب
لان امامك عذاب في عذاب
القصايد لها معنى اوبحَر
انشد الي عبر بحر وبر
والشعر موهبه ما هو لزامي
بين دان البشر وبعيدها

المشاركة الأصلية كتبت بواسطة وادي الذياب

اشكر الجميع والله لايهينكم

انت ياساكن ساق الغراب
ودي انك تسجل ل انسحاب
لان امامك عذاب في عذاب
القصايد لها معنى اوبحَر
انشد الي عبر بحر وبر
والشعر موهبه ما هو لزامي
بين دان البشر وبعيدها

مسكن الصقر ما حوله غراب
ساكن(ن) من على متن السحاب
كم صليب(ن) وقبله ماع ذاب
صاد في السّامي وصايد في البحر
اترك الحكي رح لأمك وبر
جيت متحدّي ولا طاحت عزامي
كلمة(ن) قلتها واعيدها