乂♥乂 غيم القوآفي يسقي ورود الاحلام ..حالتك النفسيه ببيت شعر 2.. 乂♥乂

.
.
.

اللي بقلبي يختلف عن كلامي
ماكل كيف الحال قصدي بها الحال


احيان كيفك تعني القلب ضامي
واحيان وينك تعني البعد قتال

أهديك جوّ الرياض وريحة امطآره /
ي اللي بعد كل رشّة ديم تتركني /
والمعطف اللي حضن نبضك وأسراره /
لي أربع سنين احسه بك مشاركني ..

.
.
.
.
.

ايو الله اني فقدتك وانطفى ضوي
والقلب ياشوق مغصوبن على نبضه



واصبحت في حال مزري وانقلب جوي
حتى كلامي صار متراكم على بعضه



بوح قلمي #

الصمت يغني عن كثير السوالف
.............. لا صار مضمون الحكاوي نميمه
هرج القفا في غايب الناس تالف
.............. قلة حيا ، و ذنوب ، من دون قيمه”

تغيب عنّي يالغلا مايخالف
..... لكن ترى الأعذار هذي قديمه
مدام قلبك للوصل مايوالف
..... مابي غلاك اللي يبي له عزيمه

مادام به نورس ترا فيه مينا
ومادام به اغصان بيكون به فاس
حنا عشقنا بس شلي خذينا
اللي عطانا هم نعطي له احساس..

النوم
حلم ٍ تطرده لهفة .. { الشوق


والوجد
بـ عروقي ،، يخاويه دمّي

واليوم مثل البارح غروب .. و .. شروق

لمّي ثمار العمر يا روح .. { لمّي

\

إما زماني ساقني للشقا سوق

أو زادني { هم ٍ على غير همي.

.
.
.

ضج الحنين ولهفتي لك ...... عمتني
ومس الوجع قلبي وانا استنجد دواي



ليت الرجــــــــــــــاوي للوصل مكنتني
ومافرقتنا اقدارنا وعفت دنيـــــــــــاي

ياصباح المغفره ياطهر الصباح
........ ياصباح فيه من العفو أكثـره
يارحمة الله ارحميني بهالصباح
........ عبدك الليل ماينامه يسهـره

الوله دكاك الضلوع المستهيده
واستباح عروق قلبي ما رحمها

اكتب من الشوق للغالي قصيده
والمصيبه لا قراها ما فهمها}

.
.
.

طعنة غدر تنزف مواجع واهات
وحروح شاعر في المعاني نثرها



الصدر ضايق والليالي مسافات
والعين تشكي من المواجع سهرها

جعل دمعي لاحدر مثل اليتيم
مايهل الا على شأن الصلاة
وجعل موتي بين زمزم والحطيم
ساجد وجهي على حد الصفاة..

.
.
.

لك وحشة بالصدر تلعب بالاضلاع
من كبرها حتى الدموع اسمعتها



زفرة ونين الشوق في قلب ملتاع
دارت على كل الضلوع وشكتها !

لك دموعي..لك خفوقي..لك حنــاني
شف عيوني هي تقول انــي هويتــك

شف خفوقي من بعــادك هو يعــاني
تسكـــن بقلبي وفي عينــــي مبيتـك.

لو كنت انا مع لمة الناس مرتاح
ماجيت ادور في عيونك ملاذي

يفداك دمع في مسا غيبتك طاح
وعيوني الثنتين ( هاذي و هاذي )