علم التجارب

قصيدة اعني بها الحفاظ على كل صديق وفي

بعطيك من علم التجارب وهايب=واحفظ معانيها من اللي درسها
احرص على اللي نظرته للسحايب=اللي شراك وقيمتك مابخسها
محشوم عن درب الزلل والمعايب=وان شاف زله من جنابك طمسها
ارفع مقامه والجمايل سبايب=واذخر لوحشات الليالي ونسها
ياحي عين الكفو سقم النوايب=ضلعٍ يشوق النفس حزة فحسها
ماخاف صلفات الزمن والنشايب=ولا هاب قرع اطبولها مع جرسها
لا صار لك محزم بعج الحرايب=يخسر عدوك لبسةٍ يلتبسها
لالضت النيران وقت الضرايب=تنصد غارتها ويطفى قبسها
للموقف الغصاب مخطي وصايب=والصايب اللي كايداته دهسها
خذها من اللي ناطحته الهبايب=واقبل معاذير العرب والتمسها

الشاعر/ سعد ال درويش العمري

,,,,,,,,,,,,,,,,,,,,