رحلة معاناة

جديدي واتمنا ان تنال ذائقتكم الشعرية

يقول /

وا صبر قلب الادمي عالمعاناة
وسط الشقا والهم تسبح سنينه

من يوم يولد والبكا يولد امعاه
ويموت والسكرات تندي جبينه

وما بين هذا وذاك يا ماكبر امناه
يملا يدينه ثم تخلا يدينه

وان حب له شي فلا بد فرقاه
لو كان حطه بين رمشه و عينه

طبع الطمع لفه من ادناه لاقصاه
والشح خلفه قام يلوي يمينه

يطغى و طغيانه من اسباب شقياه
والنفس في جمع المكاسب رهينه

الا الذي خاف الولي وابتغى ارضاه
ويرده اعن الشر عرفه و دينه

الطيب فاله و الوفا دوم مبداه
و تشوم نفسه عن مخازي الضغينة

يبشر بخير و له من الرب منجاه
من عزه الوالي فلا احد يهينه

يقبل على الصالح وبالخير مسعاه
يعمل لآخرته و فيها يقينه


يالله تجعلنا من اهل المناجاة
واللي على دنياه صابر تعينه

واللي ختمت آخر حياته و مرساه
ابجنة الفردوس غاية حنينه

# ابو فارس #

آمين يارب

صح لسـانگ و سلم بنانگ
اللـــــه يزيل الهم عن گل مهوم

امتنـــاني

يالله تجعلنا من اهل المناجاة
واللي على دنياه صابر تعينه

واللي ختمت آخر حياته و مرساه
ابجنة الفردوس غاية حنينه

------------------


اللهم امين جزاك الله خيرا وصح لسانك .

أبو فارس دائماً للكلمة وروائعها فارس ..
راقي جداً وقصيدك نموذج وتميّز وإبداع وروائع وإن تأخرت علينا ..
تسلسل وترابط رهيب ووصف حال الإنسان وتقلبات ظروفه بفن كبير ..
قصيدة شاعر محنك يعني ويعرف ما يقول ..
أعجبتني كثيراً من البداية للنهاية وكل بيت يشد لقراءة ما وراه وهذه شطارة شاعر ..
وان حب له شي فلا بد فرقاه
لو كان حطه بين رمشه و عينه
طبع الطمع لفه من ادناه لاقصاه
والشح خلفه قام يلوي يمينه
يا سلام ما أروع الكلام والوصف واعتبر البيتين مغنى كبير بالقصيدة ..
لاغرابة على شاعر متمكن وهذه عوائده ..
لله درك وصح لسانك ولك تقديري ..

المذهلة

صح بدنك واشكر طيب مرورك

اللهم آمين

اللهم امين
صح لسانك شاعرنا القدير
حضور فخم ومذهل
شكرا لسموك..

وا صبر قلب الادمي عالمعاناة
وسط الشقا والهم تسبح سنينه

من يوم يولد والبكا يولد امعاه
ويموت والسكرات تندي جبينه

صح لسانك مليون يا سعيد ،، قصيدة مُحكمة ورائعة جداً

لك التقدير والاحترام

ابو فارس الله يصح لسانك
الحقيقه ما عاد لي كلام بعد اللي كتبه ابو ريان
انت عنوان الابداع
تقبل مودتي
ابو عبدالله

رائع ماشاءالله
صح لسانك
شكراً لك

وان حب له شي فلا بد فرقاه
لو كان حطه بين رمشه و عينه


الله عليك يابو فارس

صح لسانك على هذه الرائعه والفريده
تحياتي

ابو فهد

ابو ريان

تراتيل

الزعيم

عذبة الروح

صالح آل سليمان

صالح العمري


يشرفني و يسعدني مروركم و إشادتكم الكريمة

لا خلا ولا عد احبابي

واعتذر شديد العذر عن التأخير في الردود

وفقكم المولى لكل خير ....

الله يصح لسانك ويعطيك العافية
الطيب فاله و الوفا دوم مبداه
و تشوم نفسه عن مخازي الضغينة

يبشر بخير و له من الرب منجاه
من عزه الوالي فلا احد يهينه

يقبل على الصالح وبالخير مسعاه
يعمل لآخرته و فيها يقينه


يالله تجعلنا من اهل المناجاة
واللي على دنياه صابر تعينه

واللي ختمت آخر حياته و مرساه
ابجنة الفردوس غاية حنينه