لاتحسبينه ضاع حبك بفرقاك........... لاوالله ولا فكرت ولافيه نيٌه..

قالت لي روح إبتعد مبغاك = في ليلة كانت صعيبه عليٌه .
بسهوله تقولي أبي فرقاك = ماكنها تحبني وتموت فيٌه ..
مادري أش بلاها ..لكن تقول بنساك = خلت في قلبي ألف مليون كيٌه ..
ماكني اللي من كاس حبي أسقاك =وضيع زمانه في دروبك وتيٌه ..
لاتحسبينه ضاع حبك بفرقاك = لاوالله ولا فكرت ولافيه نيٌه..
أنا أحبك غصب مو برضاك = وكل ماذكرت حبك بقول حيٌه ..
إنتي مكانك وسط قلبي وممساك = ماغيٌره وإن لبسوني قضيٌه ..
أهواك لا والله إلا أموت بهواك = يابعد روحي ويابعد كل البريٌه ..
أدري إن بعدك بيسبب لي الهلاك = وأدري هنيٌه من يحبك هنيٌه ..
آآسف على كل الجروح وماجاك= وأنا بعيش بحلم يخفف عليٌه ..
يمكن يجيني يوم وأرجع ألقاك = وتعود لي فرحة زماني الهنيٌه ..
صحيح ماشفتك ..تصورتك ملاك = ودعيت ربي يحفظك من الأذيٌه ..
وأقول في نفسي سبحان من أعطاك = حسن وجمال وقلب ..ياأجمل هديٌه..
وأدعي الكريم اللي خلقك وسواك = إن كان حبك مات يجيب المنيٌه..
وإن كان مالي حظ في حبك وممشاك= هذي نهاية حبي..وهذي الوصيٌه ..
بترك حياة مابها كود ذكراك = مالي مكان وسط دنيا دنيٌه