صرخة أخت !

حبيت القميص الروز و التنوره الكلوش
يا بنات شي ما تصدقونه ...بكيت من الصدمة لين نشفت دموعي
السالفه و مافيها اني زي كل البنات الحين ( انا عمري 22) البس بناطيل جنز و قصير من تحت الركبة يعني لبسي كنت اشوفه عاااادي و بالبيت البس بجايم او بناطيل عادي يعني،،امي كانت تعترض على بعض الملابس و في النهاية استسلمت ،،احنا من بيت اهله ملتزمين و مصليين و اغلب من بالبيت يصومون الاثنين و الخميس و الايام البيض،،ابوي استاذ جامعه محترم و اخواني الكبار متزوجين اثنين منهم ملتزمين و البقية عاديين يحلقون اللحى لكن حتى صلاة الفجر بالمسجد و الحمدلله ،،هالمقدمه ذكرتها عشان تعرفون ان التربية احيانا يفسدها سوء التصرف او سوء التطبيق ،،الخلاصه احنا بالبيت 4 بنات و ولدين اللي مابعد تزوجو الاولاد واحد بالثانوي و الثاني اخر سنة جامعه الله يصلحهم و يهديهم ...يابنات ارجوكم انتبهو انا من الصدمة مو عارفه وش اقول ،،،السالفه اني احتجت كمبيوتر عشان اطبع جداول على فلاش ميموري عندي ولاب توبي انخرب فجأة ،،الزبده رحت لغرفة اخوي و كان برا وخذيت جهازه ولا علمته ولا احد يتوقع يمسك شخص ثاني جهازه ببيتنا لن كل واحد عنده لاب توبه ولا ايباد المهم طبعت اوراقي و قعدت اتصفح و قبل اسكر اللاب توب شفت ايقونة تويتر قلت خليني اشوف فلان وش عنده و انا ابتسم،،،مدري اقول ليتني ماشفت ولا اقول الحمدلله اني شفت،،ااااه يا بنات وش شفت ؟؟!! اخوي المحترم مسمي نفسه برموز مدري وش معناها و منزل صور لنا من مقفانا و شايل الراس مصورنا و احنا بالبيت عاااادي بالجنز ولا بجامه وكل الصور يت بنطلون يا ضيق كله يهون جنب التعليق ،،كاتب ((بالله من يشوف أخته بالبيت لابسه كذا ولا يشتهيها))!!!؟؟. ،، وياكثثثثر اللي مأيدينه يابنات بغيت اموت لي يوم وليله بموت صياح و قهر،،،تكلمت مع خواتي و انصدمن و قلت لأمي قامت تصيح و تقول انتم ما خفتو الله بخوانكن،،صدق يا بنات زعلت لكني ماكنت اصدق ان الشباب هالزمن يأثر فيهم هاللبس اللي نشوفه عادي،،،تكفوووووون تسترو قدام محارمكم ترى بعين المراهق مافيه شي عادي ارجوووكم ترى شي يحرق انك تكوني سبب فساد اخوك وانتي ما تدرين،،،ياليت تنشرونها اللهم اني اشهدك اني ما كتبت قصتي الا من حرتي على ذنب نذنبه و ماندري يااارب سامحني و توب على كل شاب ينظر لمحارمه نظرة شيطانية..ارجوكم تستروا ما تسوا علينا الدنيا نضيع اهلنا و انفسنا عشان بنطلون ضيق الله يقلعه..
منقوول

لاحول ولاقوة الا بالله

هذا ديوث ومو أخ حسبه الله ..
تقديري ..

العتب واللوم هنا على الوالدين
ليه اﻻم تستسلم وتسمح بهاللبس للبنات قدام محارمهم
خلي الولد ذا فالله المستعان ..الله يهدي ظال المسلمين ..
شكرآ لك طيف ..