قلبي اللي بالهوى ربي بلاه

قلبي اللي بالهوى ربي بلاه
في حبيبٍ ياكثر ناسٍ تبيه
كل يوم يزيد في عيني حلاه
وما بقى في الزين شيٍ ماهو فيه

هذا حالي ياعرب والله معاه
أدري إنه هو سبب همي وأبيه
مير وينه أو ياليته أو عساه
عني لاهي وأنا دوم اسأل عليه

خذت أنا قلبه وهو قلبي خذاه
وأشتكا مني وأنا منٌه أشتكيه
وما أشك بطيب قلبه أو وفاه
بس من زود الغلا أشره عليه

وش أسوي باللي واثق من غلاه
يدري إني أعشقه وأموت فيه
هو يزعلني وأنا أدور رضاه
وإن تركته رد قلبي في يديه

,,
وش أسوي باللي واثق من غلاه
يدري إني أعشقه وأموت فيه
هو يزعلني وأنا أدور رضاه
وإن تركته رد قلبي في يديه
,,
الله عليك جميله انا سعووودي
يعطيك الف عافيه ^_*

أتعـبني غــلاك

شكراً لك على المشاركة وعلى الإشادة :: والله يعافيك

تسلم الانامل على ماخطته لنا من الروائع
بانتظار جديدك القادم
تحياتي وتقديري

تراتيــــل

شكراً لك على المشاركة وعلى الإشادة :: والله يسلمك