أمي وراحت ألـف رحمـه عليهـا.

ماعدت اميّز بين مزحـي وجـدّي
والبارحه شفت الوضع فـي تـردّي

ماني على بعضي واعاني من ارهاق
امن الغثا وصّلـت يابـوي حـدّي

الناس ترقص فـي فرحْـك وتغنّـي
وأنا أصفّق والدمـع فـوق خـدّي

وقّفت ابرقص لك وفليـت راسـي
مثّلت فرْحي غصب ماهـو بـوّدي

كنت آتمرجح بين حزنـي وخوفـي
تعـدّت الأسبـاب حيـلات يــدّي

لا تلومني وإن بان ضيقـي عليّـا
لا الجزر جزري لا ولا المد مـدّي

مالي جدى ياكـود أشتـال بعضـي
والبعض الآخـر أتركـه للتحـدّي

مابيـن يتـم وحاجتـي للتنـفّـس
أو أستر جروحي ولا ابيـح سـدّي

يالله ياللـي تعلـم أسـرار تخفـى
ثوب الحزن ماعـاده اليـوم قـدّي

فرّج علي مـن ضيقـة ٍ جرهدّيـه
خل الظروف القاسيه بـس تعـدّي

أمي وراحت ألـف رحمـه عليهـا
ومن قبلها راحوا غوالـي وجـدّي

هي سنة الدنيـا كـذا ماأعترضهـا
لكن ّ من حرّ الولـه كيـف أهـدّي

يابويْ شف من عقبها شان لونـي
واللي بتجي للزومنـا مـا تسـدّي

ان قلت ابسكت عاث فيني حريقـي
وان جيت ابحكي وش بقول وابدّي

لا عاد تسأل خاطري ليـه ضايـق
أخـاف تزعجْـك الحقيقـه بـردّي

حاولت أغنـي لكـن القلـب عيّـا
واللي فضحني دمعة ٍ فـوق خـدّي

المقطع

http://safeshare.tv/w/iPEMFQTsUb


مما راق لي



والله إنني بكيت من قلبي تذكرت أمور الله بها عليم مايقرب من 25سنة والحمد لله على كل حال

ما أجمل إختيارك ياأبا ظافر وما أكبر تأثيره ..
رحم الله أمي وكل من فقد أمه وأسكنهن الله جنات النعيم ..
قصيدة جميلة ومؤثرة ولك تقديري ..

اليممممممممه ي بن ظافر ...
رحمـ الله امي وغفر لها وجمعني بهااا في جنات النعيمـ ..

مؤثره جداً رحم الله جميع امهات المسلمين
شكراً بن ظافر

يسلم اخوي ابو ظافر قصيدة تخلي العين تبكي تذكرت امي الله يرحمها وليش انا نسيتها لا والله ما نسيتها ابد

الله يرحم امهاتكم ويحفظ لنا الاحياء من امهاتنا
ويرزقنا برهم ورضاهم ..
الف شكر اخوي بن ظافر ..
دومآآ إختيارك جميل لاعدمناك يَ قدير..

ألف شكر لمروركم العطر لا عــد متكم
وأسال الله العلي القدير ان يرحم من مات ويعافي الحي منهم
وان لا يحرمنا برهم ودعواتهم الغالية

اليييييمه يا بن ظافر

ربي يسعدك وينور دربك

رحم الله امهاتنا وامهاتكم الاحياء منهن والاموات .

جزاك الله خير يابن ظافر .

حره ما تنقاد.. الف شكر على المرور الكريم الله يعطيك العافية ويجزيك الاخير

ابوفهد العمري.. الله يقبل منك يا الغالي
بارك الله فيك على تشريفك الكريم

الله يابن ظافر

الله يرحم أمواتنا واموات جميع المسلمين
وسكنهم فسيح جناته انه على كل شي قدير
احسن الله عزاء الجميع
في موتاهم

الخيال.شرفني مرورك الغالي الله يعطيك العافية

تسلم اياديك اخي الكريم بن ظافر
مروري ولك التحيه

جدا مؤلمه
رحم الله امي واسكنها الجنه
شكرا لك بن ظافر