وصــف الـــرجال

السلام عليكم ورحمة الله وبركاته

قلبـي تهيـض عقـب ما شــافت العين =شـافت ارجــــالٍ بينهم افتـراقي
رجــلٍ كـريـمٍ قـابـل النـاس بالزيـن =ومن جا جنابه يذكرونه ارقاقي
رجــلٍ شــجـاعٍ مـرويٍ كـل حـديــن =ينطح وجيه القـوم بليـا متاقـي
ورجلٍ بخيلٍ هرجتـه كلـهـا شـيــن =تلقى هروجه بالمجالس اسباقي
ورجلٍ ابليسٍ هرجته بين زوجيـن =ويحط ما بين الولايـف اطقـاقـي
عساه يطعن له بخوصه ورمحيـن =ويصير فدوه للنشامـى حقـاقــي
ورجلٍ يفيد الناس بـالخـير والـديـن=ويامر وينهى عن جميع النفاقي
وترى العواني وان تنصوك عانين=قدم لهم ترحيب مـا بـه حـمـاقـي
وعطهم طلبهم لين يمشون راضين=وعيبٍ على اللي منه راحو اضياقي
وهذي تخص ارجال بالطيب ماشين =الطيبـيـن الـلـي عـلـيـهـم اشـفـاقـي
والجـار حقـه فـي القـوانيـن حقـيــن =مثل الـدخيـل ليـا دخـل مـا يـعـاقـي
والضيف محشوم وله هرج بـالليـن =ويصبح مشكر عـقب كيـفٍ يساقـي
وطيب النشامى في القساوات واللين =وعـاداتـهم ذبـح الـغـنـم للطـراقـي
وصلو على سيـد البشـر يـالمصليـن =شـفيـعنــا بـالحشــر يــوم التـلاقـي

اخي الكريم ابو فارس ..
يعطيك العافيه ..قصيده فيها ..وصف لانواع الرجال ..
في الكل الامور ..رائعه جداا ..
واختيارك لها رائع ..كعادتك ..
حفظك الله اخي الكريم ..
ولك مني كل التقدير ولاحترام ..
لك تحياتي
المهاجر

أخي المهاجر حياك الله

أشكرك على المتابعة الدائمه والصادقه

وفي الحقيقة أنتم الدافع الحقيقي للشخص لكي يرقى إلى ما ينال إعجابكم

تقبل تحيات أخوك أبوفارس ،،، وكل عام وأنت بخير وصحه وعافيه

سلم الله يديك على هذا النقل الرائه يابو فارس
اخي الحبيب لفت انتباهي هذا البيت

ورجـلٍ يفيـد النـاس بالخيـر والديـن ويامـر وينهـى عـن جميـع النفـاقـي

اسال الله ان يطهر قلوبنا من النفاق وان يجعلني احسن مما يظنون الناس بي
في هذا البيت احسست بشي في نفسي لا اكاد اوصفه
فلا ادري هل هو الم ام حسره ام قهر ام عين او خيبه امل في رجال ؟؟
صدقني يابو فارس انك نقلت نقل رائع فسلمت يدياك وصح لسان الشاعر
ولابد من مرور هذا الرجل من هنا وقراءت تعليقي هذا


لا جيت لناس رفت شواربها بالضحك وقلوبها فيها الردى جالي
ولاجيت ناس صكت حواجبها وابدت لي البغض في مقفاي وقبالي

هاذين البيتين لا انساها ما حييت
تقبل مني الاحترام والتقديرaasw

ومها تعلى طاير في السماء لابد يقول اسم على مسمى
ياسايق الخير

بارك الله فيك أخي سايق الخير

الحمد لله بأن القصيدة نالت إعجابك

أشكرك أخي سايق الخير على المتابعه والتعليق على القصيده


تقبل تحياتي