ارحبي يا فتنة العين ارحبي شيلة

ارحبي يا فتنة العين ارحبي
ومرحبا يا أغلى الخلائق كلها


يا جمال الكون يا شبه الظبي
تذبح العالم ولا تفطن لها


وأنت زينك سابيٍ عقلي سبي
أتبعك والروح تتبع ظلها


وأنت يا فتنة حياتي مكسبي
لك حياتي كلها واحتلها


كل ما حاولت أجي لك وأقربي
تبتعد والروح معك اتتلّها


كل ما قفيت جيت أنت اتحبي
كم وكم قلت نفسك قلّها


خبلةٍ قامت بقلبي تلعبي
والمصيبة جايزٍ لي خبلها


الجمال الفارسي والمغربي
الله أكبر مجتمع في دلّها


وش تجي عجرم وريما مكتبي
ما آخبر بالزين زينٍ قبلها


العيون السود موتٍ يرعبي
ناعساتٍ فاتناتٍ نجلها


لا نظرني ترتعد منه اركبي
رمش عينه خط ربي كحلها


عين حُرٍ بالهداد امجربي
صيدته لا هد ما يمهل لها


أذكر الله ثم أصلي عالنبي
يوم شفت أمواج شعره هلّها


لا عطتني وجه قالت وش تبي
قلت كبدي من ظماها بلّها


لا يغرك لو أفتّل بشنبي
والله إني رايحٍ في رجلها


بنت عز وبنت شيخٍ يعربي
والزمان الشين ما قد ذلها


وابن زايد فارسٍ ما يغلبي
مير هذي عاجزٍ عن حلّها


ارحبي يا فتنة العين ارحبي
ومرحبا يا أغلى الخلايق كلها





كلمات : حسن الودعاني الدوسري
شيلة : مبارك الودعاني الدوسري

رآآقت لي اقوى شي
اختيار موفق

الله يسلم يدينك

اختيار موفق بارك الله فيك

سلمت يمناك لجمال الانتقاء
وينقل للقسم المناسب..تقديري

ارحبو ثم ارحبو ثم ارحبو

لعنبوا من لا يفز لكم و يرحب

لاهنتوا على المشاركة و ترى الراس ذليل يفوح

مدري وش بلاه

اختيار مميز..
يعطيك العافية ..

يعطيك العافية

اختيار موفق كلمات واداء .
ونعم بك وبالدواسر كلهم احبابنا وربعنا نعتز بهم .

جداً رائعة هذه الشيلة بكل ما فيها ..
تقديري ..

طيف
مرحبا مليون شرفتي


ابوفهد

ارحب ثم علي الطلاق ان ترحب و ما عليك زود انت و ربعك شرفتني بمرورك

ابو ريان

ارحب عداد ماهلت السحايب مطرها

شرفتني بمرورك

شيله رائعه
سلمت يداك
الله يعطيك العافيه