5 × 5 = ؟؟

بسم الله الرحمن الرحيم
السلام عليكم ورحمة الله وبركاته

5 × 5 = ارهاق

احسبوا معي :
الصيفية بشهر 8 بدايتها الحقيقي .
كم من المبالغ تنفق استعدادا للاجازة واثناء الاجازة .
بعده مباشرة الشهر الفضيل
وما ننفق فيه بداعي وبدون داعي .واخره عيد الفطر المبارك .
يليه بشهر شوال المدارس
واحسبوا كم نحتاج . !!
بعده شهر ذي القعده استعداد للحج .
ويليه
بشهر ذي الحجة الاضحية .
يعني خمسة اشهر فيها خمس مناسبات وكل مناسبة اثقل من الاخرى .

فهل ياترى تتحمل ميزانية الكثير لمثل هذه الامور ؟؟

وماهو الحل ؟؟

لكم المجال ناقشوا ونورونا نور الله قلوبكم .

الله يعيييييينكم على الحسابات... خصوصآ اللي عنده عيال كثير بالمدارس
ماعندي حلول شافيه
ننتظر الاخوان يجاوبون

المفروض الرواتب في الخمسة أشهر ذي بالذات دبل وبوقتنا الحالي ثري دبل
مثل اذا قالو المكافأة مضاعفة ثلاث مرات

خخخخخخخخخخ

5×5=25

هذا هوه الحل الصحيح

ابو فهد افيدك اذا درس الولد بعد خمس سنوات

ولكن سددوا و قاربوا

يعني مد ارجيلك على قد لحافك

ابو فهد

انفق مافى الجيب ياتيك افى الغيب

انا افضل دائما ان يكون هناك استقطاع شهري من حساب الشخص نفسه لحساب توفير شخصي لان لابد من الازمات المتتاليه طوال العام ناهيتك عن المواسم ولاننسى بركة الصدقه فيما يبقى من الراتب ..

الصيفية بشهر 8 بدايتها الحقيقي .
كم من المبالغ تنفق استعدادا للاجازة واثناء الاجازة

.ممكن يكون هذا الشهر أكثرها يحتاج لمبلغ كبير ..
بعده مباشرة الشهر الفضيل..
شهر رمضان أصبح كباقي شهور السنة من حيث الاحتياجات الغذائية يعني اللهم الاختلاف شئ بسيط ..يعني المفروض مايرهق ميزانيتنا لها الدرجة ...
وما ننفق فيه بداعي وبدون داعي .واخره عيد الفطر المبارك .

أعتقد اللي بيجهز للعيد يجهز من أخر شعبان ملابس أقصد ..وأيضاً لم يصبح له زي معين فأي مناسبة يحضرها الشخص في أي يوم من اشهر السنة كأنه لابس للعيد ولله الحمد ..
يليه بشهر شوال المدارس
واحسبوا كم نحتاج . !!
هذي عاد الله يعين اللي عنده عيال كثير ..
البنات مراييل وملحقاتها والادوات المدرسية ومايتبعها ..
بعده شهر ذي القعده استعداد للحج .
ويليه
بشهر ذي الحجة الاضحية .
سافر بأسرتك وتصدق بقيمة الاضحية

يعني خمسة اشهر فيها خمس مناسبات وكل مناسبة اثقل من الاخرى .

فهل ياترى تتحمل ميزانية الكثير لمثل هذه الامور ؟؟

وماهو الحل ؟؟

فيه ناس يقسمون الميزانية بالنِسب من أول السنة حتى لايقعوا في مأزق في مثل هذه المناسبات
اعرف ناس من أول السنة يضعون حصالة للإجازة بس
كل يوم يوضع فيها ماتبقى معهم من مصروفهم اليومي
نهاية السنة يطلع مبلغ يكفيهم لاجازتهم ..

ودام ربي منعم علينا بالامن فلاشئ يعادله ..
والله يديم علينا نعمه ظاهرة وباطنة ..

نفع الله بك وبماقدمت ..

بصراحة نحن مجتمع عشوائي بنسبة كبيرة ومبدأنا مشها تمشي ..
الحقيقة باين الأشهر الخمسة هذي راح يكون أول بأول الراتب وعاد كلٍ وقدر راتبه ..
السفر حاصل والطلعات حاصلة والمناسبات عد واغلط والإلتزامات بلا حدود والعادات فوق كل شئ ..
الحل يكون بعملية الموازنة الأسرية ولكن هل هناك من يعمل بها بحيث يكون هناك تقنين تام
سواء لأماكن السفر والإستجمام أو بالقدر المرتب للإنفاق وصدقني من مشا بهذي راح يستمتع
أفضل من العشوائي ولكن قلت لك مستحيل نترتب بهذي ..
وعلى كذا خلها تلحق خواتها والحياة مرة يا رجال وعسى الله يعين ..
تقديري ..

ابوفهد احيك واحي طرحك والذي يعد توضيح لمرحلة مهمة وحمل ثقيل على الكثير
ومشكلتنا الوقت الراهن هي المجاراه والتقليد بان يكون ال فلان احسن من ال فلان
اوعلى الأقل موازين لهم وحب الظهور والتقليد الأعمى هو ديدن الكثير ولاننسى المباهاه
على قلت ذات اليد وديننا دين يسر ولايكلف الله نفسا الا وسعها ولكن نحن من نكلف
انفسنا بغير طاقتها والأهم من هذا اننا نتجشم الصعاب لكي نكسب سمعه اوغيرها
وهذا محمود وأمنية لك شخص ان يكون من اهل طيب الذكر ولكن على قدر الإستطاعه
واذكر لك ان الكثير ممن سمعت وجلست معهم لايستطيع الذهاب لديرته لعدم استطاعته
بتلبية كل ما يرى انه ظرورى فى ظل العادات والتقاليد

واعود لمعادلتك واقول كان الله فى العون وهي صعبة الحل على الكثير ومثقلة للكاهل
ويحتاج لها ميزانية خاصة والعون من الله

تقبل مرورى ولك فائق تحياااااااااااااااااااااتى

اول مشاركة لي

واتمنى ان تكون كما تريدون

احسن شئ التوفير بس الزمن هذا لا يمكن توفر

في اسس موجودة في اغلب المواقع يكون على شكل ملف اكسل

يحسب لك كم صرفت وكم باقي لك وكم بتصرف وكم ياخذ البيت ... الخ

جميعها تفئ بالغرض لكن دع مايريبك وعد الى يقينك بان الراتب سيكفي

والان اسمع ان اغلبهم يوجد معه 10 اولاد وراتبه 2000 ولا 3500 او اقل

دام نعمة الامن موجودة هي رهينة بوجود الرزق لك ولا لغيرك

كن مع الله في الرخاء يكون معاك في الشدة

ابو فهد

تقعد عزايم الكذاب وسفرات الكذاب والواحد يمد رجله على قد فراشة
في الصيفيات الماضية يعلم الله عوائل يوقفون عن المجمعات والمحطات يشحثون حق البنزين

طيب وش حدك على البهذلة هذي كان جلست في بيتك وتمشيت في مدينتك
وحمدت ربي على الستر والعافية

ولا لازم اذا سولف احد وقال رحنا هناك وهناك
نقول حتى حنا رحنا هنا وهنا ,,

تحيتي لك

عينك سماي

شكرا لمرورك لاهنتي .
كنت اتمنى اسمع وجهة نظرك .

طيب خلونا نشوف :

شهر ثمانيه مو لازم يروح كله تماشي يقعد اسبوعين في البيت باهله و اسبوعين يسافر ..

طيب كذا وفرنا ربع الطاقه .. الماليه و العقليه

شهر تسعه مو لازم كل يوم سفره من اول المقلط لاخره و عزايم و مدري ايش ..

الواحد ياخذ اللي يكفيه .. اخواننا في سوريا و غيرها ما يلقون وش ياكلون و شايلين هم كيف يصومون .. نجي حنا نشيل هم وش ناكل !

بكذا وفرنا ربع آخر من الطاقه ..

شهر عشره عيد و مدارس .. المظاهر الزايده مالها داعي لان محد ينفع احد هالوقت و الشخص مهما يسوي يبقى مذموووووووم .. اهم شي يرضي ربه ثم نفسه

تقريبا هذا اكثر شهر يكون فيه صرفيه و ربنا يعين كل من عنده ابناء و بنات يدرسون ..

بعدين شهر 12 بالنسبه لهالشهر مو لازم الاضحيه ترى ماهي واجبه .. ممكن يشترك في واحده مع اخوانه او يتصدق بمبلغ الاضحيه ..

اتمنى تكون عجبتكم الحلول ..

ابو عبد الله

مرحبا بك وهذه امنية والمثل يقول لولا المناني على الفقير مات .

نريد حل يالربع يستفيد منه الجميع .

ابو زيااد

النتيجه غلط كيف نجحت في الرياضيات ؟؟ !!

نريد حل للمشكله وليس للمسأله .