جنوبنا يا السعوديه

جنوبنا يا السعوديه رسمه الله
واحه ذرها يواسي ربعها الخالي

نسناسها يطرب الزاير ويرقصله
طيور تسكن بساتين الغلا الغالي

تاريخهم بالشجاعه ما حدن قله
كم دولة نكست الاعلام بذلالي

عمري والى قلت عمري قف وبجله
ما هو غرور ولكن كيف فنجالي

ديارنا يا عرب هي ذخر عبدالله
الي ولـدها حماها ما دلـه سـالـي

يا هل الديار الجنوبيه سلام الله
ما ينحصر عدها الا في السماء العالي

باسمي وباسم الاصيله ما هي بخله
نسل المشايخ تسوم جنيه بريالي

شيخه وتعقد حبال الشعر وتحله
ماطى قدمها فداه الروح والمالي

هذا ويا همي اللي زدت بي عله
اطلق سراحي ولا تنزل بمنزالي

سقت القدم يا عرب من حله لحله
انشد هلى المعرفه واشير واسالي

وفادني شيخ ما ينشك في مثله
بالدين والمعرفه ماكن ومدهالي

طاطا براسه وقال الروح منخذله
من ما سمع يا وجودي يا بري حالي

سريت من بعدها يا قلب وش حله
من زود حزني خرصت الطير ما لالي

وقفت في وادي صاعبت لا انزله
عسر وظلمه يصور كل الاهوالي

سقت القدم والاثر في عد مجرله
والروح ضميا وطنختها من الوالي

العد في خاطري مخلوق ما زله
عدن وردته قراح ومايه زلالي

جيشه من الحور ما تحسب على مله
تحرسه ما يقلط الا الطيب الغالي

عديت ما يطرب الشعار في عجله
من العجب والصراحه شبه الاهبالي

وفي صميم احتدام النظم واصغله
اسمع سوالف صدى تقول جمالي

ما الله خلقه بجبل والصدر وش غله
تهمس وعيني صدمها الضور ينحالي

يبكي على جرة لحوني وموله
احساسنا متصل بالهمس راولي

يقول هم البشر عاشق وله فله
والعلم منزل في القران بجلالي

يوم الجبل ضارين بالحمل ما شله
واشتالها الادمي ما جد بهزالي

واليوم شف هالامانه مضرب العله
طبع البشر ما يصون العهد ويعالي

ابليس يغريك والشهوات تفتله
وعلاجها يابشر مجهود واعمالي


فزيت والنفس تنخلني بمنخله
وتقول هذا الجبل يكفيك ما قالي

علمن من المعرفه عديت وافطله
كنز ذخرته ولا سمته بالاموالي

سبحانه بحكمته يفوق وذهله
وبرحمته نرجي الغفران ونصالي