لا والله الا خذيتي القلب يا ( سارة ) !!!

لا والله الا خذيتي القلب يا سارة
وانا من اول خلي البال مرتاحِ
.
القلب لو مايحبك وشهي اعذاره
والله ما عاد يسمع بك ولا ياحي
.
نوى خفوقي يكمل معْك مشواره
حتى ولو كان حبك طعن وجراح ِ
.
قلبي ليا صرّمايرجع عن اصراره
ويطير لاجل الغلا لو ماله جناح ِ
.
رغم ان قلبي بحبك تصطلي ناره
مازال صابرْ بسد الحب ماباح ِ
.
الحب يا اهل الهوى يالعنبو داره
راحت حياة المحب دموع ونياح ِ
.
القلب ياكثر مايخفي من اسراره
يرجي ليوم الفرج ولا بعد لاح ِ
.
لاوجاع تستهدفه غارة ورى غارة
حتى غدا الهم له طاغي ومجتاح ِ
.
الشاهد الله بجوفي مثل سنـّارة
تنزع معاليق جوفي نزع ذبّاح ِ
.
ياليت لوترحمين الحال يا سارة
وتجاوبين الذي ماهوب مرتاحِ!
. . .
. .
.
شعر /
راجي الوصل

الله كتيييييير حلو

الحب يا اهل الهوى يالعنبو داره
راحت حياة المحب دموع ونياح ِ
عجبني ,,

صـــح لــســانـــكــ وأعـــتــلا شـــانـــكــ ،،،الف شكر على الابيات الرائعهـ،،

تسلم الايادى
ع الـــطرح المميز
بانتظارجديدك بكل شوق
ودي ووردي

راجي الوصل

انت مبدع وراقي
وكل ماتطرح جميل بجمالك
لا هنت ولا تحرمنا جديدك
ودي