من هو مكتوف الايدي ؟!!

بسم الله الرحمن الرحيم
السلام عليكم ورحمة الله وبركاته

كنت اسمع عن كلمة مكتوف الايدي وكنت اتوقع انه عبارة عن شخص مكتوفة اياديه للخلف لمنعه من العمل !!

طبعا هذا قصور مني فالمعذره .!!
ولكن بعد ما شفت الذي شفته عرفت ان مكتوف الايدي هو الذي يرى العمل امامه ولكن لامر ما لايستطيع ان يضع يده في العمل فيقوم بوضع يده اليمنى تحت ابطه الايسر واليسرى تحت ابطه الايمن ويقف يطالع في البشر وهي تعمل وبهذا يكون مكتوف الايدي .

هذا المنظر رأيته بام عيني في احدى مستشفياتنا حيث عندنا مريض ولازم نرافقه فكان وقت مرافقتي من الصباح حتى المغرب (( متقاعد وفاضي )). !!!

وكنت اتابع احوال المتدربين والمتدربات من الممرضين والممرضات امام عيني في داخل القسم الذي مريضنا فيه .
لاشغل ولا مشغله ولم يكلفوا باي عمل ولم يعطوا وجه وكأنهم هم الاغراب والاغراب هم اصحاب الدار .
اليوم الاول والثاني وامس مسكت طبيب سعودي وقلت ياخي هولاء الشباب السعودي من الممرضين والممرضات ماهو دورهم هنا ؟؟

قال : يتدربون !! ضحكت طبعا قال : ليش تضحك ؟؟ قلت : لانهم لم يلمسوا اي شيء او يعملوا اي شيء وانا هنا ثلاثة ايام وانا اشاهدهم !

قال :: لاتستغرب فهؤلاء لايريدونهم يتدربون لانهم سوف ياخذون مكانهم .
قلت والا ابناءنا ما عندهم استعداد ؟.
قال ابدا وشف كيف اثبت لك . دعى احدى الممرضات السعوديات على الكونتر تجمعوا حوله الاربعه شابين وشابتين لانهم يريدون الاستفاده من كلامه .اتت رئيسة القسم وحاولت تدخل بينه وبينهم فاعتذر منها وذهبت وكل من في الكونتر يراقبون ماذا يقول لهم .!!

فعلا غرباء في وطننا فالى متى ياشبابنا ؟ !!

بداية نسأل الله الشافي ان يشفي مريضكم ويرفع عنه الضر ومرضى المسلمين

أما بالنسبة لما تفضلت ورايتهم في المستشفى

هؤلاءفي مرحلة دراسة و فترة تدريب قليلي الخبرة

وخاصة في مجال حساس مثل التمريض

لايتركون لوحدهم لابد ان يكون معهم مشرف يوجههم

ويشرف عليهم حتى اثناء عملهم يقيمه ويصوب خطأهم

اما ان تركوا لوحدهم وضع طبيعي يظلو ا

مكتوفي الايدي وليس الملامة عليهم

بل على الجهة التي ارسلتهم وتركتهم بلا توجيه ولا ارشاد

تنشد عن الحال هذا هو الحال ..
تقديري أبو فهد ..

الازدية


شكرا لك على مرورك وعلى دعائك وتعليقك والمشكله انهم لارقيب ولا حسيب هم يبغون يعملون والاجانب ماهم تاركين لهم فرصه بارك الله فيك .

ابو ريان


الله يصلح الحال ويغيره من حسن الى احسن .

شكرا لك على مرورك بارك الله فيك .

بصراحه لابد من التدخل من المتدربين أنفسهم والمطالبة بالتدخل لأنهم يتعلمون

أنا الموقف هذا حصل مع أخوي حيث طبق في فرع المالية لأحد الأماكن التابعة للجيش قالوا له تبغى تروح تبغى تقعد بكيفك أصر أخوي على أن يريد التعلم منهم ..وفعلاً كلم المسؤول يقول بعدها صاروا يطلعون ويخلوني أنا في المكتب أشتغل مافيها شيء يتعلم الواحد لأنه كل شيء يتعلمه راح يفيده يعني هو الكسبان بالأول والأخير

فالإنسان لايسكت على نفسه لأن نفسه هذه على حسب مايعودها كانت همته عاليه نال مراده كانت همته بسيطه لن يكون له أي تأثير فيمن حوله الإنسان لايسكت عن علم يريد أن يتعلم منه يطالب وبعدين كل متدرب عنده مشرف يطالب المشرف بما يريد

بارك الله في غيرتك ونفع بك

تقديري

هلا وغلا بشايبنا الله يعطيكالعافية

هــذه واقعتينأمام عيني وعليه شخصيا يوم كنت منوم كانت المشرفة على الغرفة ممرضه هندية

اقسم با الله العظيمتقول دكتورة وبعدين أسلوب وتعامل راقي وفي المرة الثانية (تنومت أربع مراتوالحمد لله)

كانت واحدهسعوديه تقرف إذا غيرت عليه والغيار كان في الرقبة ليس مكان ألزراعه وكان فيهمنوع من الغطرسة
فطلبت تغيرهالعدم احترامها المريض وكتبت فيها شكوى وفي التنويم الأخير كانت واحده سعودية عليهامن الله

الستر والعافيةوالذي نفسي بيده إنها تعاملني وبقيه المرضى مثل الأخ وإلام والأب فليس كلهمبسوى

ولديهم تدريب نظريوعملي ونسال الله لهم التوفيق والسداد

هند ال فاضل

اشكرك على مرورك وتعليقك لاهنتي بارك الله فيك .

بن ظافر

اشكرك على مرورك بارك الله فيك ولو كل واحد كتب في اي مقصر او مقصره لكان تحسن الوضع ولكن كل يقول ما علي كلها فتره وامشي من هنا بلاهم .

أبو فهد العمري

الله يشفي مريضكم ,,
وهذا موقف يندى له الجبين بصراحه ,, كيف بتصير أنتاجيتهم في الغد حينما يكلفون بشكل فعلي لممارسة عملهم ..!!
هل بيجلسون يتصورون في الممرات مثلاً ..!!
أو بيتميلحون قدام بعضهم البعض ..!!

يجب أن توضع آلية تقييم فعّاله تهتم بأداء وتصرفات المتدربين والمتدربات يبنى على هذه الآلية مدى آستحقاقهم من عدمه لهذه المهنه ..
وأنا أعرف أنها موجوده هذه الآليه لكن دحدرت ..!!


تقديري وأحترامي لك آبوفهد ..

حرم ولله نوضف الاجنب مثلاَ نوضف دكاتره ولايعلمون السعودي مما لديهم من علم

الله يشافي مريظكم ويرفع عنها البلاء
ويلبسها الصحه والعافيه
اما الي يطبقون فهذا غلط وزارة الصحه
لو يربطونهم بانتاجيه كان اجتهدو غصب عنهم
بس وزارة الصحه ماهمها الى التواجد
وعندي قصه تعجبكم والله لاشماته
صار حادث وراحت الاسعاف ومعهم واحد يطبق
الحادث فيه وفيات ومصابين الله يرحمهم
وهم جايين للمستشفاء الي في الطواري مستعدين
ونزلو الموتى والمرضى وشوي الى السايق حق الاسعاف
جاي يسحب واحد ويركبونه على سرير وعلى بطنه
اهل المصابين يقولون هذا من وقالو ممكن يكون الطرف
الثاني في الحادث جاء دكتور وطبطب عليه وصحي
حصلوه الممرض اغمي عليه لانه ركب مع الموتى في الاسعاف مع اني شفت الموتى والجرحى بس
الحقيقه فطست من الضحك هههه الله المستعان
ابوفهد لاهنت

يوسف العمري

اسعدني مرورك لاهنت بارك الله فيك واشكر لك تعليقك المفيد .

نواف

اشكرك على مرورك وكلامك صح ولكن ...... !!!

ابو صاهود

الله يتقبل دعائك ومشكور يالغالي .

اما قصتك ففعلا عجيبة بغيتك يا عبد المعين تعين لقيت يا عبد المعين تُعان .

شكرا لمرورك لاهنت .