وين أرتمي دام الوفاء ماله أحضان !!!

وين أرتمي دام الوفاء ماله أحضان !!!

هدرس بو أحمد ونحدر بين الأزمان
ويعود به فكره شوية شوية
وأخذه بعيد ٍ حيل في قعر الأحزان
وأستذكر اللي فات عدله وغيه
وجته القصايد ترتبش كلها أوزان
وتنثر جروح ٍ جت بها له هديه
وقام يتذكر (ليت) في جرح (لو كان)
(ولو كان) جرح ٍ ما تداويه كيه
وأرسل دموع ٍ كبرها ماله أثمان
ويطلب من الله سترها مالبرية
وي ون ونة من رمي خلف قضبان
شبخ ٍ وقور ولفقوا له قضيه
ويقول يالأجواد يا أعز الأخوان
لا تشرهون اللي بقلبه وشيه
ما للعمى صبح ٍ ولو مشرقه بان
ولا للمحبة ستر لو هي خفيه
ولا للجروح الا التصبر والأيمان
ولا للغرام إلا القلوب الوفيه
وأنا مع لوم البشر برضه أنسان
لي قلب باقي فيه الأشواق حيه
وين أرتمي دام الوفاء ماله أحضان
ودرب الوصال أنصك دون المطية