طريقه جديده لإقتناص البنات في الأسواق !!! ....

ببدا لكم بالحادثه وهي صارت بالمنطقه اللي أنا ساكن فيها (الطايف) وهو حدث في إحدى الأسواق التجاريه الكبيره عندنا..

طلعت بنت مع أمها للسوق والبنت في العشرينات من عمرها وبغض النظر البنت مو مستتره عشان نقول يستاهل مايجيها أو ملفته للنظر..

المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم الليفت (الأصنصير) وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز _ الله يحرقها بها اليوم _ وقالت العجوز بس أنا ماأعرف انزل وبعدين أفتحه .

قالت الأم خلاص بنتي تنزلك وتطلع لي.. قامت البنت ونزلت هالعجوز , الله ينتقم منها ..

المهم الأم تنتظر بنتها ترجع ومارجعت إلى إن مر من الوقت ساعه وأكثر وراحت تدور عليها ومالقتها قامت الأم تصيح في السوووق وجو رجال الأمن اللي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن بالليفت توصلها تقول إنها ماتعرف تستخدمه ومارجعت ..

قالوا لها حنا جتنا عجوز كبيره بسنها وفاتحه الليفت وتصيح تقول بنتي أغمى عليها وتعالوا ساعدوني الله يخليكم ثم وصلوها معي السياره وشلناها وطلعناها ووقفت سياره عند الباب فيها اثنين شباب وساعدونا وراحوا..

الأم قامت تصيح وتقول هذي بنتي..

وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشباب وهالبنت ضحيه بعد ماركبت معها الليفت رشت العجوز عليها حاجه خلتها تدوخ وتفقد الوعي ..

والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..

تكفووون أنتبهوا وياأمهااات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخططهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسهاالهلاك..

الله يرد البنت لأهلها ويشفي أمها ..

الله ياواحد ياقادر على كل شي إنك تكشف هالعصابه وتفضحهم وترجع هالمسكينه لأهلها وتنتقم على هالعجوز وتوقعها بشر أعمالها يارب إنك قادر على كل شي يارب من أراد بنا سوء أو بأحد من المسلمين إنك ترد كيده في نحره يارب تسلط عليهم من يكشف عنهم ويوقع بهم يارب إنك القادر على كل شي ياحافظ إحفظ لنا بناتنا وأبنائنا من كل شر..آآآآميـن يااااااااارب..

( منقول )

اللهم إنا نعوذ بك من الفساد واهل الفساد والطامعين في الاحفاد
اللهم إنا نسألك ان لاتجعل بيننا فاسقاً وفاسقه وعاهراً وعاهره

اللهم جنبنا اهل الكيد وأجعل حظهم في وعيد وانتقم منهم

خيال كاتب ...

الله الحافظ والمنتقم من كل خائن الله يحفظ الجميع
مشكور اخى علي هذا النقل

يادافع الشر

اللهم إنا نعوذ بك من الفساد واهل الفساد والطامعين في الاحفاد

اللهم إنا نسألك ان لاتجعل بيننا فاسقاً وفاسقه وعاهراً وعاهره

اللهم جنبنا اهل الكيد وأجعل حظهم في وعيد وانتقم منهم

وإن كانت كما قيل خيال كاتب
فقد تحصل والعياذ بالله واحنا
والله في هالزمن صاروا الناس
يخوفون والغبي هو اللي يثق
في أي واحد غريب حتى ولو
كان على هيئة بريئة ,,

اللهم استر عوراتنا وآمن روعاتنا واحم اعراضنا واعراض المسلمين جميعاً
حسبنا الله على مثل هذه العينات
لاخوف من الله وتجرد من الرحمه والأنسانيه

ولد آل عليان

تقديري واحترامي لك ياغالي ..