احكم على مقدرتي الشعرية قبل ان اشارك بجديد

بديــناهــا بـذكـر الله وخطـينــا لهـا العـنـوان=يـد بـيـد للتأهـيـل والتوظـيـف وقـعـنا
تـكـاتـفـنـا تجـمعـنـا ولا نـؤمــن مـن الأديــان=سـوى الإسلام راضـي به رضينا به وسلــمنا
نعـيـش مـن المهــد حتى تـصـير ثـيـابـنا أكـفـان=بكـلمـة لا الـــه إلا أنـت يـا رحـمـن أمــنـا
وآمــنا بـمـا أنـزلــت وصـار كـتـابــنا الـقـرآن=هـدمنا به جدار الجهـل وزال بـه الجهـل عـنا
بدا مـحـمـد مع أصـحابه وبـدا معـهـم الإيـمـان=وهـزوا الأرض يـوم الضـب آمن بالنبي معـنا
مـن اقـرأ ثـلاث سـنين وهي في ساحـل الكتمـان=وبعـدهـا رفعـنا الـصـوت بالآذان وأذنـا
وبغــيناهـا مـن القـوه عـلى قـافـلة أبـو سـفيــان=وأراد الله مـن عـنده بالإسلام يـنــصرنا
هـدمـنا اللات والعـزى وهان في عـيننا الطغـيـان=أظن الأرض كانت تـشـحـذ إن بـيوتـك تـبـنى
ولا هـبنا عـرش كسـرى وحنا في ليلـنا رهـبـان=وحـتى مـلك قـيصـر جـالـنا قـدام يـتعـبـنـا
وعـدانا ما فـرحـوا حتى عـلى مـقـتـل ابن عـفـان=وحـنا عـزنا بالـديــن و أحفاد الـنـبـي حـنا
وشـارك ابـن سـيـنـا والخـوارزمـي وكـل فـنـان=هـذاك الفن كيف فـنون هـذا الوقت تـطربـنـا
وأنا ما جـبتـها قصـه ولا احـكي كان يا ما كان=وتاريـخـنـا يشهـد ويشهـد من تـفـقـدنـا
واصلـنا بمـسـرى العـود مع مجموعة الفرسان=غـضنـفـرةٍ بيـدها سيـوف فـالـتاريخ يكـتـبنـا
رحمـك الله يا عـودٍ لــيا اصبـح كـنه الشـيهـان=وإذا أمـسى ذيـب أفعـاله تخـص لقوله المعـنى
ظهر في وقت كان من الجهـل فيه الـيـتـيم يهــان=ولا للأرمله حـقٍ ولا فــيه للعدل مـبـنى
وبعـد توطيـن خـلـق الله صـارت كـنها ألحان=ينـادون بابـن سعـود لين الـيـوم يحـكمـنا
وعلى القوه أبو فيصـل وأبو متعـب و يا سلطان=ثـلاث نقاط تعــمل مـسـتـوى القانون علمنا
عـليكـم يا ثلاثـتكم تعـجـز توصــف القـيفـان=مادام الكـايده بفعـولـكم تعــجـز تواجهنا
و مادام يقـودنـا خادم بـيـوت الـواحـد الـمـنـان=خـسـارة مـن يـعـاديــنا وسـعـده مـن يحالفنا
تشهـد له ضعـوف الأرض وآخرهــا مع الأفـغــان=يحجـجهـم ويسـكنهـم ويسعـدهـم ويسعـدنا
وأبـو متعـب عـليه البيـض أعـلن مبـدأه إعلان=عـلى المكشـوف ما فـيها نجامـله ويجامـلنا
سـعـوديــه سـعـوديــه فـلا تـنـذل ولا تـنـهـان=دوله مسلمه تحـكم بحـكم السـن بالسنا
سـعـوديـه سعـوديـه و لا تــتـبع هـوى شـيطان=ولا بـتـهــزنـا كـلـمـة مـشكـك في مواقـفـنا
ومــشاريـع أبـو خـالـد تـفـتـح للـكـرم بـيـبـان=يسابق في بحور الخير لين في خيره أغرقنا
يمـينـه تـنـطق الموقـف بأن المسلمـيـن أخـــوان=ومن غيرة شماله ما تشاهد سـيـلها اليمـنى
وألا يا مـوطـني مـبـروك ألا يا ذروة الأوطان=مادام إنا تسابقـنا ولآل سعـود بايعـنا
وألا يا موطـنـي فـرعون لو يـرجع بـك طـمـعان=نبي نصـبح عـصا موسى ورب البيت يامنا
وألا يا موطـنـي حـقك يـلاقي إحـسانك الإحسان=وفي حضنك نصك من العـقود الست ما شـبنا
وعــدد ما ديـرتي أمسـت تباهى جوف ثوب أمان= ألا يا مرحـبا بنايـف هلا والله بنايــفـنا
جهوده تعـني جمعـيات أعـلى حـقـوق للأنـسان=ويـفـوق عقـاله جسـورٍ مـن الفـساق تحرسنا
جهـودٍ تطـبـع التاريخ ويطـمع فـنَّـها ديــوان=يمنـينا ويهنــينا وقـوانا العـامله تهـنى
حجـزنا فـي بـحـور العـلم آخـر تذكره بإتـقـان=لعـل الخاتمة بالحسـن والإخلاص تسعـفـنا
وعـسـانا ننتـهي في جــنةٍ توصـف ذواتا أفـنـان=ونعـطاها بغبن إبليس قـبل إبليس يغـبنا
ونخـتمها بصلاة الله عـليه معـلم الأركان=عـدد ما تسمعــنا مـن حروف الهجا وماقـلنا