مصري مشخص ببدلة.. على مدخل السوبرماركت يقول.. فزت معانا بالسحب..؟!!

منتشرين عندنا في الاسواق والمولات الكبار وبندة كاونترات في المجمعات والمراكز التجارية...

عليها مصريين اول ما تمر من جمبه.. يناديك احدهم.. فزت معانا بجائزة..؟ او فزت معانا بالسحب..؟

لما تسولف معاه يخليك تعبي نموذج فهي اسمك ورقم.. جوالك.. الهدف الاساسي هو رقم جوالك...

تكتب عدد اسرتك وعملك ودخلك واهتماماتك واشياء كثيرة...

وياخذون منك خمسين ريال بعد من قوة الوجه.. على اساس انك بتدخل سحب للسكن في شرم الشيخ.. هههههههههه...

بعض هالمكاتب معلق تصريح من هيئة السياحة عشان يعني لاعب عليك لاعب عليك...

ربعنا طبعاً بدري عليهم يفهمون وش هالبزنس الجديد.. صح..؟!

بعد ماتروح طال عمرك.. يشوفون وش انت من لحية ويحطوك بالبيان الخاص بك...

وتنباع هذي البيانات على شركات الدعاية والاعلان.. بيان بـ 1000 رقم جوال كامل المواصفات.. يعني الاهتمامات وعدد الاسرة ومركزة المالي ومثل هالامور...

القائمة بـ 1000 رقم جوال كاملة الشروط.. مليون ريال بعض الشركات تدفع حتى مليون ونصف المليون للقائمة الواحدة...

ماهي الفائدة من القائمة..؟

القائمة توزع على شركات الدعاية والاعلان.. كل شركة تشتري النسخة من المصدر الرئيسي بحوالي 200 الف واحيانا اكثر.. اذا باعها على 10 شركات دعاية يعني مبلغ حلو يكسب منها...

وش تسفيد شركات الدعاية..؟

مندوب الشركة لما يروح للعميل عشان يصمم له اعلان.. يقول بسوي لك في التلفزيون وبنسوي لك بالجرايد وبنسوي لك 10 الاف رسالة جوال.. لناس كاش.. ولا يكوق لناس عندهم عائلات ولا يقول لناس مطاوعة.. طبعاً بناء على النموذج اللي بالاساس عباس المسكين في السوبرماركت يومه يدربي رساه...

ثماً يجلس بالمجلس يقول ياخي بذونا هذ الشركات بالاعلانات على الجوال...

الان عرفتو السبب