لا يشغلگ ماضيـے إنتهيـے .. ركِّز علـيـے " مستقبلگ " !

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك



لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك وقلت لك !



هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !



ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !



أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..



ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !



علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!



علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !



علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !



ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !



ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!



ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !



لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !



إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !



قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك !!!


أتمنــى أن ترقى لأذواقكم وأن تنال إعجابكم

غلا روحي ..
رائعة هذه الكلمات ومؤثرة بشكل كبير ..
أرى ان مثل هذه الأبيات لا يمكن ان تكون مجرد اسقاطات شاعر أو خيال عابر ..
فقوة أبياتها تعطي صورةً حيّة على واقعها والله أعلم ..
خالص تقديري ..

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


غلا روحي اشكرك على الموضوع والذوق الرفيع

تقبلي تحياتي

♥ غلا روحي ♥

قصيدة روعة واشكرك على نقلها ...

والقصيدة مكررة على هذا الرابط ...


http://www.baniamro.com/vb/showthread.php?t=52281

تــــقــــديـــــري