مـن روائـع سـلـطـان بن وسّــام الـهـاجـري

تحميل

يالله يا ربي عليك التساميح=لولاك عرجات السنين اعرجت بي
منك استمد العون رهبه وتسبيح=والعفو كان جروح وقتي سطت بي
الحظ كوره والنوادي ضحاضيح=سددتها في العارضه واحدرت بي
شوطين اضافيه وركلات ترجيح=وآخر نهايه مابعد سجلت بي
أقول لحظه للجماهير وتصيح=خسرتها كاس الفرح واخسرت بي
لو طاحت انفوس الرياجيل ماطيح=علـّيت نفسي للعلا واعتلت بي
صمّ الجبال اللي حجرها صلافيح=لو جيت اهز احيودها مادرت بي
لكنّ لي مبدا معزه وتصفيح=أبوي سماني بها واستمت بي
أقدّر اظروف الوجيه المفاليح=وابقى على هقواتها اللي هقت بي
اذخر فواعيس الرجال الطحاطيح=اللي ليا من جيتها رحبت بي
قولة هلا واقلط على هبة الريح=ثروة غنى فيها اغتني واغتنت بي
ماهو كلام ملاعبين المسابيح=اللي نموذج كتـْبهم غير كتبي
ملحقـّين منمّق الهرج تلقيح=يا ما حكت عندي ويا ما حكت بي
تصوم وتصلي قيام وتراويح=لكنـّها فـ الشذب ما قصرت بي
عيال رعيان الحلال السواريح=لو حصلت ضحك ٍ عليّ اضحكت بي
ولولا العصا كان الكلاب النوابيح=عن مشرب العد العذي صدّرت بي
والصبر زين وللغنايم مفاتيح=واكحل عيون ٍ بالحسد تلتفت بي

ــــــــــــــــــــــــ

شكرا لك على النقل الجميل

دمت بخير

قصيدة جميلة يعطيك الف عافيه

العـmـري

الله يعطيك الصحة والعافية ..

وبالفعل قصيدة .. رائعة ..

سلمت يداك أخي . وصح لسان قائلها..

محبتي

الخطاف
أبو فهد العمري
صقر عمري

شكرا على مروركم وعلى تعليقاتكم
والله يعطيكم العافية