قصة الببغاء.....مضحكة جدا

قصه جدا مضحكه اتمنى تعجبكم
.. كان فيه واحد " على نياته "

جرّب يستثمر أمواله ! وكان عنده ببغاء يتكلم .. لكن مشكلة الببغاء ... إنه كل ما شاف راعيه قال : يا

غبي .. يا غبي .. يا غبي ! ..

راعيه ضاق صدره ... وقرر يأخذ الببغاء لمدرب الطيور علشان يعدّله ... :


يا مدرب الطيور . . شف لك صرفة مع هذا الببغاء .. كل ما شافني فشلني عند الناس " غبي ، غبي " !

أبيك تدربه زين وتعدّل كلامه . . علشان يغيّر هالكلمات إلي يرددها كل ما شافني

قال المدرب : ما عليك .... خلّه عندي كم يوم ?.. ولما راح راعيه ....... جاب المدرب " سطل " ماء

حاااار.... وحطه قدامه ?.. وسأل الببغاء ?.. أنا مين ؟ !

قال الببغاء : أنت صديق الغبي ! ....

وينزله المدرب في الماء الحااااااار ثم يطلّعه .. ويسأله ... أنا مين ؟

قال : أنت صديق الغبي ....

وينزله في الماء مرة ثانية .. ثم يطلعه .. أنا مين ؟

وعلى هالحال ... حتى تربى الببغاءوتادب????

أخيرا ... قال له المدرب .. أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ...

قال راعي الببغاء .. : أنا مين ؟ !

قال الببغاء : أنت الذكي .. إلا أنت أذكى واحد عرفته في حياتي !

قال له راعيه : .... طيّب .. وإذا لعبت بفلوسي على كيفي ؟ !

قال الببغاء : .. هذي فلوسك .. من عرق جبينك .. تسوي فيها اللي تبي تسويه .......

قال طيب إذا حطيت فلوسي في "العقار " ؟ ..

قال الببغاء : ممتاز .. حركة استثمارية في غاية الذكاء ... ومن أذكى واحد في العالم ..

قال : طيّب .. وإذا دخّلت فلوسي " واشتريت غنم من السودان " ؟ !

قال الببغاء : طبيعي .. تنويع استثماري .. من أذكى واحد في العالم !

قال : طيّب .. وإذا دخّلت فلوسي " في المعارض " ؟ ..

قال الببغاء : ذكاء خارق .. وماشي مع الحكمة اللي تقول " لا تحط البيض في سلة واحد ة " .. فعلا
أذكى واحد في العالم !

قال : طيّب .. وإذا دخّلت فلوسي " في المساهمات المشبوه مثل البيض والأراضي وغيرها " ؟ ....

قال الببغاء : عادي .. وزي ما يقولون " حشر مع الناس عيد " .. صحيح إنك أذكى واحد في العالم .. ..

قال طيّب .. وإذا دخلت فلوسي في الأسهم ؟ !


قال الببغاء : يا عمي هاااات الماء الحار ! .. قايلّك هذا أغبى واحد في العالم !!

يا غبي .. يا غبي .. يا غبي

ههههههههههههههههههههههههههه
ههههههههههههههههههههههههه
ههههههههههههههههههههههه
ههههههههههههههههههههه

والله الاسهم حتى الببغاء سار فيها ذكي
شكراً لك واعطوه المويه الحاره

برافوا عليك يا شهري تنومة ... قصة ولا أروع .. ارجع ريوس شوي .. ترى برافوا مو سواء ولا زين

روووعه يعطيك الف عافيه شهري تنومه على القصه المعبره

هههههههههههه
يعطيك العاافية

هههههههههههههههههههههه

مشكوووووور والله يعطيك الف عافيه

هههههههههه والله موتني ضحك اضحك الله سنك