تكفى وصلها !!!

السلام عليكم ورحمة الله

المكان : المطار

الوجهة : الرياض مثلا

أثناء وجود ك في المطار وانهيت اجراءت سفرك

تنتظر إقلاع الرحلة الى الرياض

استوقفك أحدهم

هو : تكفى يالطيب توصل لي هذا (الغرض) الى مطار الرياض

يقابلك فلان ( ويسميه ) هناك تسلمه اياه

ممكن يكون هذا الغرض أوراق رسمية واضحة

أو ظرف مقفل

أو دواء غير معروف

أو شنطة صغيرة لا تعلم ما فيها

هل تقبل أن تأخذه وتوصلها ؟

ارجو المشاركة الجادة لو تكرمتم

بالنسبة لي .. أوصلها بشرط

معرفة المحتوى ومشاهدته .. وأن يكون الرجل صاحب الغرض ممن أتوسم فيهم الصلاح ..

لكي التقدير

بسم الله الرحمن الرحيم
السلام عليكم ورحمة الله وبركاته
اطلب منه اثباته واطلب هويت المستلم بما في ذلك جواله ولازم اشوف المحتوى وسبق ان صار ذلك معي في مطار الرياض ووصلتها الشرقيه0

والله ثم والله لو يعطيني 100.000 ريال ما اوصلها لو يكون شايب عمره مليون سنة ويبوس يدي بعد مااشيلها يمكن تقولون ليش ؟؟؟؟؟

قبل سنة طالع من مطار القاهرة الى الرياض ولقى لي واحد مصري تكفى يابيه عندي وثيقة تخرج لخوي ابغاك توصلها معاك لرياض وهوة بيستقبلك بالمطار طبعا انا ياغافلين لكم الله وحطها في ظرف ويوم وصلت مطار الرياض الا مباحث المطار في استقبالي استقبال رسمي ويرحبون بي ويقولون الحمد لله على سلامة الوصول الى ارض الوطن بس نبغى نسلمك للمباحث الادارية بس قلت يالربع وش السالفة قالو طلع الظرف الي معاك واطلعة وتطلع اقامة مزورة طبعا مالكم بالطويلة وقعدت حوالي سبوعين مراجعات بالمباحث الادارية الين الله فكني من السالفة هذي فتوبة والله مااشيل شي مهما كان الشخص

اخرها قبل سبوعين في مطار ابها لقيت شايب معه جالون صغير الظاهر ان فيه عسل يقول ابغاك توصله لرياض قلت له لو انك ابوية الي معطيني الجالون مااوصلة بعد

ارجو من الاخوة اخذ الحيطة والحذر من شغل التوصيل هذا واخذ العبرة من قصتي

ودمتم

ارى انه امر عادي إذا رايت الغرض الذي سوف اوصله وش المانع

لاكن شنطه مقفله ظرف مقفل هذي صعبه والله الا من شخص معروف عندي

وابشركم سفراتي بالطائره قليله جدا في الحالات الحرجه فقط لاني اكره الطائره لموقف حصل

بغينا نروح في رجلها

تحياتي

والله سلمت يالغيهب.
ثنكيو آمال خير

..........

اوصلها اذا اعرف المرسل...وسمح لى بفحصها وتقليبها
..........


_موقف حصل_

ولا بلاش ....كل واحد ينتبه وبس.

على حسب نوعيّة الرسالة ومضمونها ..
لك التقدير ..

على الرحلات الداخليه الأمر طبيعي ولا يستوجب الحذر كلها رساله والسلام ...
الأخ اللي حمل إقامه مزوره من مصر .. يفترض أن تكون أكثر حرصاً وخاصة أنها رحله دوليه .. ومن مصر بالذات ...
من يستصعب الأمر يكون أكثر لباقه وأكثر فطنه في التخلص من الموقف ..
رغم أنني أجده سهل جداً ولن تحمل أكثر من رساله .. الأمور الأخرى فيدكس ما خلت شي ماشالله ...
هم يحملونها ماسألوا وش بداخلها ...
دمت بخير ...

قاعده في الحياه
كل مجهول عندي غير مرغوب
اي حاجه فيها توصيل مجهول سواء في السياره ولا بالطياره ولا بالسيكل مستحيل مهما كان .

لك تقديري
ودمتم بخير ..

اذا اني اعرف المرسل ,, اوصلها ,,
بس لو ما اعرفهـ والله ما اوصلها ,,

وانا مع اخوي ال غيهب وبكل قوه فيما قآآل ,,,

لك ودي