رسالة مواطن منتف الى الملك

> > سعودي منتف ومنفقع عقلة وجيبة
> > أوجه رسالة للوالد القائد خادم الحرمين الشرفين
> > (حفظة الله وأطال في عمره)) )
> > من واجبات الأبووووه أن الأب يستمع لصرخات أبنه ويضمه على صدره وإذابة كل آلامه
> > والملك زي أبوي،، لاأحد يتدخل بين أب وطفله
> > أبشرك يا خادم الحرمين الأسعار مضبوطة
> > والمواد الغذائية متوفرة
> > ما نقصنا بس إلا الخبز يرفعون سعره لاتراهم رفعوة أمس
> > وخذ عندك بعض الأسعار
> > قشطة المراعي صارت 4 ريال
> > حبة المظبي 22 ريال
> > الكفرات أرتفعت 30 بالميه
> > الأدوية 25 بالمية
> > تخيل يا خادم الحرمين
> > جبن كرافت والمراعي السايل أرتفع
> > طيب وش نسوي لبزارينا المشكلة يقدرون الكرافت السايل مع الصامولي يعني وش نفطر الطحين زاد والبيض زاد حتى الشابورة
> > الببسي صار 20.5
> > والأيجارات أرتفعت
> > وقسايم المرور زادت
> > الحمدلله على النعمه أمن وآمان
> > الله لا يغير علينا
> > حتى رز أبو كاس أرتفع
> > لا وأزيدك من الشعر بيت رزمة الكراث والبصل صارت بريالين
> > شفت شلون حنا بنعمه
> > وياقلب لاتحزن !!!
> > تعرف ماشاء الله حنا..؟؟؟
> > من كثر الفلل التمليك..؟؟؟
> > الناس صارو يأجرون ببلاش
> > ممكن طلب طال عمرك.. أبي سلف 12000 ريال لأخر العطلة نبغى الفقع مبطين عن الفقع !!!
> > يافقعي فقعاة؟؟؟
> > عندي دين أسدد فيه لي سنه ولا خلص.. كل شهر 500 ريال
> > الله يرحم حالنا والله..
> > ابشرك طال عمرك
> > قبل كم يوم حطم سعر برميل البترول الرقم القياسي وصار يباع بـ 99 دولار
> > ورصيدي أيضا حطم الرقم القياسي في نفس اليوم وصار فيه 17 ريال
> > الحمد لله شفت كيف أنا بخير وشعبك بخير
> > اطمنك قبل كم يوم صرنا نسوي رجيم
> > تعرف اللحم ما عاد نعرفه عقب ماذبحنا الكرم ألحين الواحد معاد عندة عشان يعزم
> > حتى الدجاج ما عاد نأكله
> > صرنا رشيقين
> > تسمع بالكرش ما عاد نشوفها
> > تسمع بالبطن اللي لاصق في الظهر
> > يوووووه في كل مكان نشوفه
> > نم قرير العين الشعب بخير
> > الله لا يغير علينا
> > أبشرك طال عمرك شعبك تطور
> > سوف يكثر الفساد والطمع والسرقة في عز النهار والقتل والقوي ياكل الضعيف
> > طال عمرك يوم حنا صغار وش كانو يقولون لنا
> > كانو يقولون الرجال ما يبكي
> > عيب تطلع دموعه
> > صرنا نصيح عادي
> > البكاء صار ملازم لنا
> > والسبب كومة لحم (أطفال ونساء) في رقبة الواحد
> > يبكي لأنه عاجز عن توفير الحياة الكريمة لهم
> > بس ودي أقولك شي قبل ما أروح وأصيح
> > تدري وش معنى الرجل يبكي قدام زوجته وأطفاله
> > معناها تساقط كل قيم الرجولة والوطنية اللي تعلمناها في طفولتنا
> > معناها إحساس المرأة بالأنكسار وعدم الأمان

والله كلمآت في الصميم ولكن ...

ومضة :

المشاركة الأصلية كتبت بواسطة عاشق ثرى الديره

> > قبل كم يوم حطم سعر برميل البترول الرقم القياسي وصار يباع بـ 99 دولار
> > ورصيدي أيضا حطم الرقم القياسي في نفس اليوم وصار فيه 17 ريال
> > الحمد لله شفت كيف أنا بخير وشعبك بخير

خخخخخخخخخخخ

يعطيك العافية على الطرح والى الآمآآآم .,’

ماعنده سالفة
كل مواطن يملك منزل وسيارتين ومليون ريال
وهذا الحاقد جاي يطلع اشاعات !
الله يعز الحكومة والملك والبطانة الصالحة

جنرااااااااال

يعطيك العافيه على المرور ولاتخرعني ترى الموضوع منقول

تقبل مني كل الود

ال غيهب

الله اكبر عليك ميس اصغر شويه عيت تنبلع

هههههههههههههههههههه

المشاركة الأصلية كتبت بواسطة عاشق ثرى الديره

ال غيهب

الله اكبر عليك ميس اصغر شويه عيت تنبلع

هههههههههههههههههههه

هههههههههههههههه هم الي يقولونة مو انا الي يقول

ولا تقلي من قال بعد يا عاشق ثرى الديره