اذاعة ثالث جيم >>> خخخخخ

علي الدب يجرب الميكرفون:
الو الو ..اخوه سعد المعصقل من وراه "حول حول"
علي الدب :
" مدير المدرسة الفاضل, أبائي المدرسين,
إخواني العيال< ابوووك يالاسلوب :سعد ابوعصاقيل سليمان العربجي,
وممدوح القرد وابو ريحه .. << والنعم خخخخخخخخخ
دب على قفاه طااااخ ,إخلص وجع يوجعك
علي الدب:
السلام عليكم ورحمة الله وبركاته , أسعد الله صباحكم باليمن والبركات,
خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم
الطالب : حمود المؤدب
. يجى حمود المؤدب ويقرا سورة قصيرة بصوت رخيم.
علي الدب:
اما الان مع فقرة هل تعلم للطالب حميدان أبو ريحة
حميدان بصوت عالي: هل تدري. << اما هل تدري
ذبابه لها ستة اعين.< قول قسم
ماتدري إن الفار يصيب بمرض الطاعون. << قول قسم بعد
ماتدري أن اذا قطعت شوارب الصرصور يقعد يخبط في الجدران
هل تدري وإلا ماتدري أن لكل قطو برميل زبالة مخصص يسكن فيه وشكرا. << وش نبي بهالمعلومه
بيت حميدان جنب البلدية, << فضح به
مع حكمة اليوم والطالب سلوم المفهي
سلوم المفهي يقرب..
يمسك الميكرفون بيد
واليد الثانية في مخباه تحوس يدور الورقة اللي فيها حكمة اليوم.
يطلع الورقه ويقول: "حكمة اليوم "
يفتح الورقة
ويقرا بصوت عالي
" البضاعة المباعة لاترد ولاتسبدل"
<< وش يحس فيه
يسكت شوي ويناظر الورقة ويكمل
" شماغ , طاقيتين, شراب العايلة , ثلاث فنايل علاق, .."
وهو جالس يقرا
ألا وذاك الكف على مقفاه << اووح .. من الاستاذ وهو يقووول
" ياحمااار...طلع الورقه اللي فيها حكمة اليوم مو فاتورة ملابسك"
سلوم المفهي :
طيب طيب.. ويدخل فاتورة ملابسه بمخبااااااه
لاتقطع الشرطه عشان ماتلحقك الاشارة وشكرآ
<<لابوك لابو حكمتك
علي الدب :
" أخوي سعد أبوعصاقيل"
سعد يفتح ملف أخضر علاق ويقرا,
"اعزائي المشاهدين ,
موضوع حلقة اليوم العطلة الصيفية (مدمن فضائيات)
"لقد رحنا في العطلة الصيفية أنا وأهلي إلي بلدي الثاني لبنان"
علي الدب: تراه كذوب, بالعطلة رحنا لخوالي بشقراء.
سعد يلتفت إلى علي الدب بزعل ويكمل" ولكن علي الدب لم يكن معنا" ويطلع لسانه لعلي الدب
رحنا بالطيارة و كانت امي خايفه جدا جدا لانها اول مرة تركب طيارة ,
بس انا اصلا دايما اركبها, << شكله دايم يتحلم
وفي الطيارة جت شغالة الطيارة وجابت لنا القهوه والشاي ثم جت
<< يافشيلتاه .. شغاله ؟!
, وقلطنا في المقلط مع العفش,
وكان الطيار واقف على روسنا ماسك اللبن وقال سموا على عشاكم,
يالله إن تحييكم, وكان مفطحا شهيا.
<< ماشاء الله بيخلي الطياره .. ويجي عشانه
وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.
وعندما وصلنا لمطار الملك خالد حقهم,
<<لبنان هاه
ذهبت انا لتختيم الجوازات والرخصة والاستمارة وذهبت امي للتطبيق ,
وكنت اتحدث لغتهم بطفاقة لاني امي وابي مامعهم لغة.
وقال لي العسكري : جواز مين هيدا ؟.. فقلت له" بييَ (ابوي باللبناني)
, وقال: "وهيدا؟" قلت: مييَ (أمي) .
وهيدا ؟ قلت" خييَ (أخوي " )
وقال " وهيدا؟" قلت : نييَ (أنا) " وكان جوازي
وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى
, التفت عليه وقلته, أي لا كان , ثم التفت للبناني وقلت له ترى أنا سعودي مانيب زيكم, .
وشكله كان مستغرب يحسبني لبناني.
وفي لبنان سكننا في مدينة بيروت مشيط وكانت
<< مو قلت لكم يتحلم
مدينة جميله فيها مزارع بكل مكان,
ولم اشوف عندهم تراب, علشان كذا مافيهم الاشهب,ورأيت دولا كثيرا, وشفت دولة وماعرفتها,
يوم دققت مكتوب عليها, بورسعيد,
وشفت المملكة العربية السعودية الشقيقة (وش عنده اللبناني).
ثم ذهبنا الي الاهرامات وكل واحد مننا ركب له على واحد,
يلتفت لعليان اجل ا رحنا لخوالي ها.
وكانت رحلة سعيدة, ورجعنا بالسيارة
ومررنا على تونس الخضراء,
والسودان السوداء في الطريق عبينا بنزين بعشرة لاننا فلسنا,
وكملنا الطريق الي أن وصلنا بالرفاء والبنين.
وإلي اللقاء في حلقة القادمة
علي الدب " أما الان .."
صوت جوال يدق من مخبا علي الدب
ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه
صوت حرمه:
" ألو .."
علي الدب:
" هلااااااااااااابهالصوت , ممكن نتعرف
الحرمة:
" وجع يمصع ضلوعك .. أنا أمك حصيصة!!"
عليان بصوت مرتبك " يمه"
طلاب ثالث جيم اللي وراه" اسم امه حصيصة ...اسم امه حصيصه
( بما فيهم اخوه سعيد ابوعصاقيل)
علي الدب:
يمه شغلى الرادو, بتشوفينا انا وابوعصاقيل على قناة المدرسة إف إم.
حصيصة:
الرادو مايشتغل, إنت ناسي إن دشنا خربان,علي,
وراك سارقن جوال ابوووك, أنا زاهمتن عليه وطلعت لي إنت"
علي الدب:
"مهوب أنا, أنا أصلا صار لي اسبوع ماشفت جوال ابوي"
حصيصة:
اجل اللي تكلم منه وشو ؟؟!!" هذا مهوب أنا, أنا أخوي سعد,
حصيصة:
اشوى احسبه إنت.
علي الدب يلتفت على سعد المعصقل :
" إنت معلم إمي أن الجوال معي يالحروش"
سعد يحاول يكلم امه في الجوال:
" يمه يمه, حنا الحين في الاذاعة وإنتي على الهوا ..عندك مداخلة والا طبخة؟"
علي الدب ,
والان مع الشيفة (الطباخة) أمي.
حصيصة:
ماشيفة الا إنتم وابوكم , وتسكر الخط"
الاستاذ يمسك راس علي الدب وسعد المعصقل ويصكهم ببعض . <<زين يسوي
طراااااااااااااااااااااااااخ وياخذ الجوال.
كمل يالوح فورت لي دمي.
<< احسه مبتلش معهم
علي الدب:
الان مع نشيدة الصباح
وسليمان العربجي بعنوان "عصفوري الصغير"
علي :
سليمان وش عندك لابس بدلة حمرااااا.
سليمان:
لأني أول مرة بمسك ميكرفون قدام الجماهير.<< اشك انه عبدالله بالخير
سليمان ياخذ المكرفون ويقول
" أحلي تحية لشباب ثالث جيم اللي على البيست,
و أحلى تحية للموجه والمدير وأحلى تحية للوكيل بغيابه,
وياشباب اللي يبغى إغنية يكتبها على منديل ويعطيها المدرسين يوصلونها لي..
سليمان العربجي:
"أويلي, أويلي , أويلي أويللللي "
" سود العيووووووون إكبار ....,والشامة حلوووووة
" شايل جمال الكووووون ...وباليني بلوى "
يحط الميكرفون تحت ابطة ,
ويقول" يلا كلنا سوى.. ياثالث جيم"
هالعيووون شلون املها سحر ذوبني بغزلها
(يلتفت لصف أول) بوسه من عندك حبيبي تسوى عندي الدنيا كلها "
طلاب المدرسة كلهم يرددون وراه تسوى عندي الدنياكلهااا
العيووووووووووون ......
ويغنون وتنقلب المدرسة مرقص وهيصة.
والا المدرس اتوقع جاه شئ من هالعيال .. وجا الاسعاف وخذووه مسكين

مودتي اتمنى انها اعجبتكم

يعطيك العافية ,, مجهود تشكر عليه ,,
إلا عندي سؤال مين اللي سارق الجوال سعد ولا علي ؟ >>> متفاعل مع الأحداث ,,,

رووووووووعه

وكلك ذوق

شكراً لك

وفي الطيارة جت شغالة الطيارة وجابت لنا القهوه والشاي ثم جت
<< يافشيلتاه .. شغاله ؟!
, وقلطنا في المقلط مع العفش,

هههههههههههههههههه اما هذه رهيبه وبقوة

من جد روعه الف شكرلك..

احلى شيء سفرتهم للبناااان
حفله والله
الله يسعدك ياعسل
ولاعدمنا مثل هالمواضيع

هههههههههههههههههههه
حظهم والاذاعه يعطيك العافيه

ههههههههههههههههههههههههههه
ذكرتني بتعبير واحد من الشباب عن الاجازه سردها كلها في رحله عائليه يوم واحد في العطف
ماخلا ولو امه ذكرها انها اخذت المحفره وراحت تتيفف للبقر

مراااااااااااحب كبار بمن مر من هنا

اسعدني تشريفكم وتعليقاتكم

ههههههههههههههههههههههههههههه

اما حكمه اليوم <<البضاعه المباعه لاترد ولاتستبدل >>

ههههههههههههههههههههههه

بطننننننننننننننننني

مشكووووووووووووووووووووووووووووووووووووووور

الاذاعه على كفه ,,,,واسماء الطلاب كفه ثانيه