قلـت للخفـاق ليتـك تفارقـهـا --- قال يـبن الناس ., ليتـك تفارقني !

من اجمل ما قرأت في الغزل المعاصر

اترككم مع الابداع

ليلـةٍ صاخـب الوسـم طارقهـا = والحنين لصاخب الوسـم طارقنـي
يـوم ضاحتهـا بـروقٍ تزارقهـا = نور من كـل النواحـي مطوقنـي
لـدّت عيونـي تخايـل دوافقـهـا = وانشعفت لـودق غـراً موافقنـي
يا علي حسبي على نوض بارقهـا = شوٌق الخافـق لهـا ليـن وهقنـي
خافقي لكـن غـدى كنـه خافقهـا = ما يمانـع يـوم تبغـاه يرهقنـي
تمتلك من قـدرة الملـح خارقهـا = بيدها تحيـي عروقـي وتزهقنـي
ما هقيت افوق للعشـق واعشقهـا = بـس سوٌاهـا غلاهـا وفوقـنـي
حسنها مـن كـل مالـذ طوقهـا = كنه اللي يقولِ لي غصب تعشقنـي
جل من نسـق عروقـي ونسقهـا = في دمي مثـل الولـه ماتفارقنـي
راويه والله مـن الوسـط ضيٌقهـا = حكمتـه فيمـا ذبحنـي وعلقنـي
ان تثنـت والصبـا هـز مورقهـا = حركت نبضٍ على الـود سايقنـي
وان رجف داني ثمرهـا وشاهقهـا = جيت مزنٍ برق الأشـواق دافقنـي
جنـةٍ للـروح صفـت نمارقـهـا = ياعلي وإن قلـت لـك ماتصدقنـي
كل صبـحٍ ينولـد مـن مشارقهـا = من حلاته قـال سبحـان خالقنـي
كـن شـلال الدجـا دون مفرقهـا = يلثـم أخطاهـا وللمـوت يرفقنـي
في المحبه ما نويت انـي اصدقهـا = ليـن غرّبنـي هواهـا وشرقنـي
كل بحـرٍ لبٌـس الملـح عاتقهـا = جيت له مركب من الشوق واغرقني
يا علي والشـوق نـاره لعاشقهـا = حارقٍ قلبـي ولا قلـت حارقنـي
مـن لطافتهـا وعنٌـاب منطقهـا = ذوقـت سمعـي وعيـت تذوقنـي
أحسـب انـي للقصايـد مشوقهـا = وأثرهـا الـي للقصايـد تشوقنـي
طفلـةٍ زايـد حلاهـا مزهقـهـا = مثل مـا زايـد دلعهـا مزهقنـي
قلـت للخفـاق ليتـك تفارقـهـا = قال يابن النـاس ليتـك تفارقنـي

وانتظروا كل جديد وجميــل بإذن الله

الذيــــــــب M

بيض الله وجهك على الاختيار الرائع

وكل عام وانت بخير و كل العالم بخير

هذي قصيده رائعه جدا

بس لو تكرمت تعلمنا من هو قايلها

تقبل تحياتي

ووجـهــك طال عمرك

وانت بخيــر

ومرورك أروع

بالنسبــه لقائل القصيــده هو الشاعر :- مهدي آل حيدر الوايلي

شرفني مرورك...

الذيب
يعطيك العفيه
إختيار موفق لشاعر بلا شك راااائع

أجمل الود ولاعدمناااك

اخووك

الذيب

يعطيك العافيه

قصيده جزله من شاعر جزل

لا هنت يا غالي ...

قصيده رائعه ,,,, ونقل مميز يا بو نور

صح لسانك ولاتحرمنا من جديدك لاهنت يالغالي

يعطيك العافيه
قصيده رائعه

قلـت للخفـاق ليتـك تفارقـهـا
قال يابن النـاس ليتـك تفارقنـي


تحياتي

المشاركة الأصلية كتبت بواسطة المسكت

الذيب
يعطيك العفيه
إختيار موفق لشاعر بلا شك راااائع

أجمل الود ولاعدمناااك

اخووك

المسـكــت

يعافيــك الواحـد

ومثلكم ما يستاهل الا كل طيب , وبلا شك مرورك هو الأروع

حيـّــاك الله

ومرورك اسعدني وشرفني 0

المشاركة الأصلية كتبت بواسطة فارس بني عمرو

الذيب

يعطيك العافيه

قصيده جزله من شاعر جزل

لا هنت يا غالي ...

فارس بني عمرو

الله يعافيــك

والجزاله جات محلها عند اهلها

ومن قال ما يهون

نـوّرت الصفحه يا فارس بني عمرو 0

تسلم يا الغالي الله يعطيك العافيه على هذا النقل الموفق ويكفي
مـن لطافتهـا وعنٌـاب منطقهـا
ذوقـت سمعـي وعيـت تذوقنـي
أحسـب انـي للقصايـد مشوقهـا
وأثرهـا الـي للقصايـد تشوقنـي
طفلـةٍ زايـد حلاهـا مزهقـهـا
مثل مـا زايـد دلعهـا مزهقنـي
قلـت للخفـاق ليتـك تفارقـهـا
قال يابن النـاس ليتـك تفارقنـي

المشاركة الأصلية كتبت بواسطة عجاج السنيني

قصيده رائعه ,,,, ونقل مميز يا بو نور

مرورك الأروع

حياك الله

شرفني مرورك 000

الذيب بيض الله وجهك قصيده طيبه صح لسان قايلها وبارك الله فيك في جودة نقلك واختيارك يعطيك ربي العافيه - الحقيقه من رجعت المنتداء اليوم شدتني هلقصيده اللي اخترتها والحقيقه من ذوقك وحسن ذاتك نقلتها لنا,

مع شكري لك وتقديري

المشاركة الأصلية كتبت بواسطة البــــــــــرواز

صح لسانك ولاتحرمنا من جديدك لاهنت يالغالي

صح لسان من قالها , وصح بدنك

وابشروا بكل جديد وجميل ان شالله

اشكر لك مرورك

المشاركة الأصلية كتبت بواسطة بقايا ذكريات

يعطيك العافيه
قصيده رائعه

قلـت للخفـاق ليتـك تفارقـهـا
قال يابن النـاس ليتـك تفارقنـي


تحياتي

اللــه يعافيك

ومرورك الأروع بدون شك

شاكر تشريفك لموضوعي 0