( يا ظـــــــــالمــــــــــــة )

ياظالمـــة زينك بشين الســــوايــا
.............. من وين لك قلب على طول جايــر

ما ابغا الدوا لا صـــار جرحك دوايا
............. ..باكر على الظـــالم تدور الدوايــر

اخر علاجي الكــي وانتي الكوايا
............... للحب عبرة وانتي قربك عبايــــر

لو هو علــى زينك يلتقـــي صبايا
............... المشكلة في الحب تعمي البصاير

الصح واضـــح والخطايـا خطايـــا
................والربح من بعــض الأوادم خسايــر

يانفسي قومي عن غـــرام البقايا
...............وياقلب قبل اتحب شـــــاور وخاير

اولاد نــــاس ولا نحــب الــوصايـــا
............... وكلن يرى نفسه يعــــادل عشاير

ما كل قلب ينشـــــــري بالهدايـــا
...............ولا كل كســـــر تفيد فيه الجبايـــر

المعطــــي الله ما لخلقـــه عطايــا
............... لو هي على حلقة سقتنـــا المراير

عزاي رب يعطـــي حسب النوايـــا
............... يرحم عزيزين الذمم والظمــــــــاير

ناس تــــــدس الهــــــــم بين الحنايا
...............ونـــــــاس وربي مادرت ويش صاير

هذاك حظه مثــــــل بيــــــض الثنايا
..............وهذاك حظه مثــــل ســــود الظفاير